މީރާގެ ކައުންޓަރުތައް މިމަހު 22 ވަނައާ ހަމައަށް އަށް ބަންދު

ކޮވިޑް-19 ފެތުރުން ހުއްޓުވުމަށް އަޅުއްވާ ފިޔަވަޅެއްގެ ގޮތުން މާލެ ސަރަޙައްދުގެ އޮފީސްތައް ހުޅުވައިގެން މަސައްކަތް ނުކުރާ މުއްދަތު މި ހިނގާ މޭ މަހުގެ 22 ވަނަ ދުވަހުގެ ނިޔަލަށް އިތުރުކުރުމަށް ރައީސުލްޖުމްހޫރީއްޔާ ހަމަޖައްސަވާފައިވާތީ، މި މުއްދަތުގައި މޯލްޑިވްސް އިންލެންޑް ރެވެނިއު އޮތޯރިޓީގެ ކައުންޓަރުތައް ބަންދުކޮށް އެ ހިދުމަތްތައް ނުދޭނެ ވާހަކަ އަންގައިފިއެވެ.

އެހެން ނަމަވެސް އެ އޮތޯރިޓީއަށް ދައްކަންޖެހޭ އެންމެހައި ޓެކުހާއި ފީތައް އެ އޮތޯރިޓީގެ އޮންލައިން ޚިދުމަތް މީރާކަނެކްޓް އަދި ވާރުޕޭ މެދުވެރިކޮށް ދެއްކުމުގެ އިންތިޒާމު ހަމަޖެހިފައިވާތީއާއި، މީރާއިން ފޯރުކޮށްދޭ އެހެނިހެން ޚިދުމަތްތައް ވެސް އޮންލައިންކޮށް ހޯދުމަށް އިންތިޒާމު ހަމަޖެހިފައިވާތީ، އޮންލައިންކޮށް މި ޚިދުމަތްތައް ހޯއްދެވުމަށް މީރާއިން އިލްތިމާސް ކުރެއެވެ .

advertisement

މި މުއްދަތުގައި މި އޮތޯރިޓީއާ ގުޅުއްވަން ބޭނުންވާ ފަރާތްތަ ކަށް، ރަސްމީ ގަޑީގައި މި އޮތޯރިޓީގެ ހޮޓްލައިން 1415 ގެ ޚިދުމަތް ލިބިވަޑައިގަންނަވާނެއެވެ. އަދި ރަސްމީ ގަޑީގައި، ވައިބަރ ނަންބަރު 9821415 އަށް މެސެޖްކުރައްވައިގެން ވެސް މައުލޫމާތު ހޯއްދެވޭނެއެވެ.

މިއަދަކީ ބޭންކުތަކުން ޚިދުމަތް ދޭ ދުވަހެއްގެ ގޮތުގައި މޯލްޑިވްސް މަނިޓަރީ އޮތޯރިޓީން ކަނޑައަޅާފައިވާ ދުވަހަކަށް ނުވާތީ، ތިރީގައިވާ ޓެކްސްތަކާ ގުޅޭގޮތުން އެޕްރީލް 2021 އަށް ހުށަހަޅަންޖެހޭ ޓެކްސް ބަޔާންތައް ހުށަހެޅުމާއ ފައިސާ ދެއްކުމުގެ ސުންގަޑި، މި ހަފުތާގައި ބޭންކުތަކުން ޚިދުމަތް ދޭ ފުރަތަމަ ދުވަސް ކަމަށްވާ 17 މޭ 2021 އަށް ވަނީ .ފަސްކޮށްފައެވެ

• ދިވެހިރާއްޖޭގައި ވަޒަންވެރިވެފައިވާނުވާ ފަރާތްތަކުގެ ވިތުހޯލްޑިންގ ޓެކްސް
• ވައްޒަފުންގެ ވިތުހޯލްޑިންގ ޓެކްސް
• އެއަރޕޯޓް ޓެކުހާއި ފީ

މި ގޮތަށް ސުންގަޑިއަށް ބަދަލު ގެނެސްފައި މިވަނީ އެމް.އާރް.ޓީ.ޖީ.އެސް މެދުވެރިކޮށް ފައިސާ ދައްކާ ފަރާތްތަކަށްސުންގަޑިއަށް ފައިސާ ދެއްކުމުގެ މަގުފަހިކޮށްދިނުމުގެ ގޮތުންކަމަށްވެސް މީރާއިން ހާމަކުރިއެވެ.