ކޮވިޑްގައި މަރުވި މީހުންގެ އަދަދު 100 އަށް އަރައިފި

ކޮވިޑް-19 އަށް ފަރުވާ ހޯދަމުން ދަނިކޮށް ރާއްޖޭގައި 100 ވަނަ މީހަކު މަރުވެއްޖެއެވެ.

އެޗްޕީއޭއިން އަންގަނީ ރޭ ފަތިހު 4:41 ހާއިރު ދަރުމަވަންތަ ހޮސްޕިޓަލްގައި ކޮވިޑްގެ ބަލި މީހުންނަށް ހާއްސަކޮށްފައިވާ ޑީއެޗް 11 ގައި ފަރުވާ ދެމުން ދަނިކޮށް މަރުވެފައިވަނީ 56 އަހަރުގެ ދިވެހި އަންހެނެއް ކަމަށެވެ.

advertisement

އަދި ހުޅުމާޅޭ މޭޑިކަލް ފެސިލިޓީގައި ފަރުވާ ހޯދަމުންދިޔަ ޢުމުރުން 80 އަހަރުގެ ދިވެހި އަންހެނެއްވެސް ރޭ 10:44ހާއިރު ވަނީ މަރުވެފައިކަމަށް އެޗްޕީއޭއިންވަނީ ބުނެފައެވެ.

އަދި މިހާތަނަށް ރާއްޖޭގައި ކޯވިޑް-19ގައި ނިޔާވި އެންމެ ހަގު މީހާވެސް ނިޔާވެފައިވަނީ މިވޭތުވެދިޔަ 24 ގަޑިއިރުގެ ތެރޭގައެވެ.

ކޯވިޑް ޖެހިގެން ހޮނިހިރު ދުވަހު 2 މީހަކު ނިޔަވެފައިވާއިރު ހުކުރުދުވަހު އެކަނިވެސް 5 މީހަކުވަނީ މިބަލީގައި ނިޔާވެފައެވެ. މިއާއެކު ރާއްޖެއިން 98 މީހަކުވަނީ ކޯވިޑް ބަލީގައި ނިޔާވެފައެވެ. އެއީ 85 ދިވެހިންނާއި 13 ބިދޭސީންނެއެވެ.

ރާއްޖޭގައި ކޯވިޑް ބަލީގައި ނިޔާވާ މީހުންގެ ޢަދަދު އިތުރުވަމުން އަންނައިރު މިދިޔަ 24 ގަޑިއިރު ޓެސްޓް ކުރެވުނު 2،881 ސާމްޕަލްގެ ތެރެއިން 741 ސާމްޕަލް ވަނީ ޕޮޒިޓިވް ވެފަ އެވެ.

ވަގުތު 262 މީހަކަށް ހޮސްޕިޓަލްގައި އެޑްމިޓްކޮށްގެން ފަރުވާ ދެމުންދާއިރު ކޮވިޑްގެ ބަލި މީހުންނަށް ފަރުވާ ދިނުމަށް ހާއްސަ ދަރުމަވަންތަ ހޮސްޕިޓަލާއި ހުޅުމާލެ މެޑިކަލް ފެސިލިޓީ ވަނީ ފުރުމާ ދާދި ގާތުގަ އެވެ.