ޓުއަރިޒަމް ސިނާއަތުގެ 57 އިންސައްތަ މަސައްކަތްތެރިން ދެ ޑޯޒް ފުރިހަމަކޮށްފި: މިނިސްޓްރީ

ޓޫރިޒަމް މިނިސްޓްރީން އިއްޔެ ހާމަކުރީ، ފަތުރުވެރިކަމުގެ ސިނާއަތުގައި މަސައްކަތްކުރާ މުވައްޒަފުންގެ 57 އިންސައްތަ މީހުން ކޮވިޑް ވެކްސިންގެ ދެ ޑޯޒް ފުރިހަމަކޮށްފައިވާ ކަމަށެވެ.

ރާއްޖޭގައި ކޮވިޑް ވެކްސިން ޖަހަން ފަށާފައިވަނީ ފެބްރުއަރީ މަހުގެ އެއް ވަނަ ދުވަހުއެވެ. އެގޮތުން މިހާތަނަށް 300،000 ވުރެ ގިނަ މީހުން ވަނީ ވެކްސިންގެ ފުރަތަމަ ޑޯޒް ފުރިހަމަކޮށްފައެވެ. ދެވަނަ ޑޯޒް ފުރިހަމަކޮށްފައިވަނީ 156،002 މީހެވެ.

advertisement

ޓޫރިސަމް މިނިސްޓްރީން އަންނަނީ ވެކްސިން ޓޫރިސަމްއަށް ކަމްޕޭން ކުރަމުންނެވެ. އަދި ރާއްޖެއަކީ ފަތުރުވެރިންނަށް އަމާން އަދި ރައްކާތެރި މަންޒިލެއްގެ ގޮތުގައި ދެމި އޮންނާނެ ކަމަށްވެސް މިނިސްޓްރީން ބުންޏެވެ.