ޚަބަރު

ހާސްވެ ކަންބޮޑުވާނަމަ ރެޑްކްރެސެންޓުގެ ހެލްޕްލައިންގެ އެހީ ހޯދާ

2 ޖޫން 2021 - 10:51

ދިރިއުޅުމުގައި ދިމާވާ އެކިއެކި ކަންކަމާއި މެދު ހިޔާލާއި މަޝްވަރާ ހޯދަން ބޭނުންވާނަމަ ރެޑްކްރެސެންޓްގެ ސައިކޮލޮޖިކަލް ސަޕޯޓް ހޮޓްލައިން 1425 އަށް ގުޅުމުން އެ އެހީތެރިކަން ލިބިގެންދާނެކަމަށް އެ ޖަމާއަތުން ވިދާޅުވިއެވެ.

ދިވެހި ރެޑްކްރެސެންޓުން ބުނީ އާންމުގޮތެއްގައި ހެލްޕްލައިންއަށް ގުޅަނީ ދިރިއުޅުމުގައި ދިމާވާ އެކި ކަހަލަ ކަންބޮޑުވުންތައް ހިއްސާކުރުމަށްކަމަށެވެ. މީގެތެރޭގައި ނިދަން އުނދަގޫވުން، ކެއުމަށް ނުވަތަ އާންމު ދިރިއުޅުމަށް ބުރުއެރުން ފަދަ ކަންކަން ހިމެނޭކަމަށެވެ. މީގެއިތުރުން ދިރިއުޅުމުގެ ފިކުރުބޮޑުވެގެން އެހެން ކަންކަން ނުކުރެވޭ ހާލަތައް ގޮސްގެންވެސް ބައެއްފަހަރު މީހުން ހޮޓްލައިންއަށް ގުޅާކަމަށެވެ.

advertisement

ރެޑްކްރެސެންޓުން ބުނީ ހެލްޕްލައިންއަށް ގުޅާ ހުރިހައި ކޯލްތަކުގެ ސިއްރު ހިފެހެއްޓޭނެކަމަށެވެ. ނަމަވެސް އެއްވެސް މީހަކަށް ގެއްލުމެއް ދިބޭކަހަލަ ވާހަކައެއް ދައްކާނަމަ އެކަން ހިއްސާކޮށްލަން ޖެހިދާނެކަމަށެވެ.

ރިއެކްޝަންސް
0
0
0
0
0
0
0