ކޯވިޑް ބަލީގައި ރާއްޖެއިން ފުރަތަމަ ފަހަރަށް ކުޑަކުއްޖަކު ނިޔާވެއްޖެ

ކޯވިޑް ބަލީގައި ރާޢްޖެއިން ފުރަތަމަ ފަހަރަށް ކުޑަކުއްޖަކު ނިޔާވެއްޖެއެވެ. ނިޔާވެފައިވަނީ އުމުރުން 10 އަހަރުގެ ކުއްޖެކެވެ.

މަޢުލޫމާތު ލިބިފައިވާގޮތުގައި ނިޔާވެފައިވަނީ ނުކުޅެދުންތަރިކަން ހުންނަ ކުއްޖެކެވެ. މިކުއްޖާ ނިޔާވެފައިވަނީ ހާލު ބޮޑުވެގެން އައިޖީއެމްއެޗަށް އެމަރޖެންސީގައި ގެންގޮސް ފަރުވާދެމުން އަންނަނިކޮށެވެ. މައުލޫމާތު ލިބިފައިވާ ގޮތުގައި މި ކުއްޖާ ހޮސްޕިޓަލަށް ގެންދިޔައިރުވެސް ވަނީ ހޭނެތިފައެވެ.

advertisement

މުޅި ދުނިޔޭގައިވެސް ވަރަށް މަދުން ނޫނީ ކޯވިޑް ބަލީގައި ކުޑަކުއްޖަރު މަރުވެފައެއް ނުވެއެވެ. މިބަލީގައި ނިޔާވަނީ ޕޮޒިޓިވްވާ ކުދިންގެ ތެރެއިން ދިފާޢީ ނިޒާމު ބަލި ކުދިންނެވެ. ކޯވިޑް ބަލީގައި ހާލު ދެރަވެ އުމުތުން 7 އަހަރުގެ ކުއްޖަކަށް ވެންޓީލޭޓަރުގައި މިހާރުވެސް އަންނަނީ ފަރުވާދެމުންނެވެ.
ކޯވިޑްގެ ނުރައްކާ ކުޑަކުދިންގެ އިތުރުން ޒުވާނުންނަށްވެސް މިހާރު އަންނަނީ ކުރަމުންނެވެ. ކޯވިޑަށް ޕޮޒިޓިވްވާ މީހުން ބަލިން ރަނގަޅުވުމަށްފަހުވެސް އެތައް މަހެއްވަންދެން އޭގެ އަސަރުތައް ހަށިގަނޑުގައި ދެމިހުރެއެވެ.

ކޯވިޑް19 ގައި ރާއްޖެއިން ނިޔާވި މީހުންގެ އަދަދު މިހާރު ވަނީ 170 އަށް އަރާފައެވެ.