ލައިފް ސަޕޯޓް ގެ 10 ވަނަ އަހަރި ދުވަސް ފާހަގަ ކުރުމުގެ ޕްރޮގަރާމް ފަށައިފި

މި އަހަރަކީ ލައިފް ސަޕޯޓްގެ 10 ވަނަ އަހަރީ ދުވަސް ފާހަނގަކުރާ އަހަރެވެ. ޖޫންމަހުގެ 10 ވަނަ ދުވަހާއި ދިމަވާގޮތަށް ފާއިތުވީ 10 އަހަރުގެ ހިދުމަތް ފުޅާގޮތެއްގައި ފާހަގަކުރުމަށް ވަނީ ރޭވިފައެވެ. ރައްޔިތުންނަށް ސިއްޙީ ހިދުމަތް ދިނުމަށްޓަކައި ލައިފް ސަޕޯޓް ވުޖޫދަށް އައީ 06 ޖޫން 2011 އަހަރުގައެވެ. ކުންފުނިން ދޭ ހިދުމަތްތަށް ފުޅާކުރުމުގެ ގޮތުން ކުންފުނީގެ މައިގަނޑު އަސާސްކަމުގައިވާ ފާރމަސޫޓިކަލްގެ އިތުރުން، ނިއުޓްރިޝަންލް، މެޑިކަލް ކޮންސިއުމަބަލްސް، ޖެނެރަލް ކޮންސިއުމަބަލްސް ރީޓެއިލް އަދި ހޯލްސޭލް ކުރުމުގެ އިތުރުން ހެލްތްކެއަރ ސާރވިސްގެ ހިދުމަތްދަނީ ދެމުންނެވެ.

ލައިފް ސަޕޯޓްގެ ޚިދުމަތް ފަށާފައިވަނީ 10 މުވައްޒަފުންނާއެކުއެވެ. ނަމަވެސް މިއަދު ލައިފްސަޕޯރޓްގައި ޖުމްލަ 54 މުވައްޒަފުން މަސައްކަތް ކުރަމުން ގެންދެއެވެ. ވޭތުވެދިޔަ 10 އަހަރަށް ބަލާލާއިރު ދުނިޔޭގެ މަޤްބޫލްކަން ލިބިފައިވާ ގިނަ ކުންފުނިތަކުގެ އުފެއްދުންތައް ރާއްޖެ ގެނެސް މާރކެޓްކޮށް އެތަކެތި ކަސްޓަމަރުންނާއި ހަމައަށް މިކުންފުނިން ދަނީ ފޯރުކޮށްދެމުންނެވެ. މި ގޮތުން އެބޮޓް ފާރމަސޫޓިކަލް، އެބޮޓް ނިއުޓްރިޝަން، ކިން، ފާރމިކްސް، ބެލާ ސަނިޓަރީ ، ހެޕީ ޑައެޕާރ، ސެނީ ބޮޑެތި ބޭފުޅުންނަށް ހާއްސަ ޑައެޕާރ، ސްޓާރ ބާމް އަދި ޕިޖަން ބްރޭންޑްއަކީ މިގޮތުން ފާހަގަ ކޮށްލެވޭ ބްރޭންޑްތަކެވެ.

advertisement

ލައިފް ސަޕޯޓަކީ މިއަދު ރާއްޖޭގައި ގިނަ ފާމަސީތަކެށް އޮޕަރޭޓް ކުރަމުންދާ ކުންފުންޏެކެވެ. މިގޮތުން މާލޭގައި ލައިފް ސަޕޯޓް ވައިޓަލް ކެއާރ، އެލް. އެސް ވައިޓަލް ކެއާރ 7 ގެ ނަމުގައި ފާމަސީތަށް ދަނީ ހިދުމަތް ދެމުންނެވެ. މީގެ އިތުރުން ފ.ނިލަންދުގައި އަދި އައްޑު އަތޮޅު ހިތަދޫގައިވެސް ފަމާސީ ގެ ހިދުމަތް ތައާރަފް ކުރެވިފައެވެ. ހަމަ މިއާއި އެކު ޕާރސަންލް ކެއާރ އަދި ކޮސްމެޓިކްސްއަށް ހާއްސަކުރެވިގެން ސަފާޔަރ ގެ ނުމުގައި ފިހާރައެށް ވަނިހުޅުވިފައެވެ. އަދި ފާމަސީގެ 24 ގަޑިއިރުގެ ޙިދުމްތް ލިބޭގޮތަށް އާސަންދަ، އެލައިޑް އަދި އަމާނަތަކަފުލް ގެ އިންޝުއަރަންސްގެ ދިދުމަތް ލިބޭ ގޮތަށް ލައިފް ސަޕޯޓް ފަމަސީ- އައި.ޖީ.އެމް.އެޗް ގެ ނަމުގައި އައި.ޖީ.އެމް. ހޮސްޕިޓަލްގައި ފާމަސީއެއް ހިންގަމުންދެއެވެ. ހަމަ މި އާއިއެކު އީކޮމާރސް ތައާރަހް ކުރުމުގެ ގޮތުން ފާމަސީ.އެމްވީ ގެ ނަމުގައި އޮންލައިންކޮށް ބޭސް އަދި މެޑިކަލް ކޮންސިއުމަބަލްސްގެ އިތުރިން ކޮސްމެޓިކްސްއާއި ޕާރސަނަލް ހައިޖީންއަށް ބޭނުންވާތަކެތި އޮންލައިންކޮށް އޯޑަރކުރެވޭނެ އެޕްލިކޭޝަންއެށް ވަނީ ތައާރަފްކުރެވިފައެވެ.

ލައިފް ސަޕޯޓްގެ އެންމެ މުހިންމު އަމާޒަކީ ސިއްހީގޮތުން ދުޅަހެޔޮކަމަށް ހޭލުންތެރި މުޖުތަމައެއްބިނާކުރުމުގައި އެހީތެރިކަން ފޯރުކޮށްދިނުމާއި އެފަދަ ކަންކަމުގައި ބައިވެރިވުމެވެ. އެ ކުންފުނިން އަބަދުވެސް ކަށަވަރުކުރަނީ ދޭ ހިދުމަތްތަކާއި ފޯރުކޮށްދޭ ތަކެއްޗަކި މިކުންފުނީގެ އަސާސްތަކާޢި އެއްގޮތަށްފޯރުކޮށްދެވޭ ހިދުމަތާއި ތަކެއްޗަށް ހެދުމަށެވެ. މިގޮތުން ގިނަ މުވައްޒަފުންނަށް ގޭގައި ތިބެގެން މަސައްކަތް ކުރެވޭނެ ގޮތް ވަނީ ހަމަޖެހިފައެވެ. މި ދަތި އުނދަގޫ ވަގުތުގައިވެސް ކުންފުނީގެ ވެރިންނާއި ހީވާގި މުވައްޒަފުންގެ މަސައްކަތުން ކުންފުނިން ދެމުންދާ ހިދުމަތްތައްއެންމެ ފުރިހަމައަށް ކަސްޓަމަރުންނާއި ހަމައަށް ފޯރުކޮށްދެމުން ގެންދާކަން ފާހަގަކޮށްލެވެއެވެ.

ކުރިއަށްއޮތްތަނުގައި ކުރުމަށް ހުރި ކަންތަކުގެ ތެރޭގައި މި އިންޑަސްޓްރީ ތަރައްގީކުރުމަށްޓަކައި ޑަކްޓަރުންނާއި ނަރުހުން ތަމްރީންކުރުމާއި، ބޭރުގެ ކަމާއިބެހޭ މާހިރުން ގެނެސް ވޯކްށޮޝޮޕްތައް ބޭއްވުމާއި، ބޭސް އުފައްދާ ކުންފުނިތަކުން ޝާއިޢު ކުރާ ބޭހާއި ބެހޭގޮތުން ރިސާރޗްތައް ކަމާބެހޭ މާހިރުންނާއި ހަމައަށް ފޯރުކޮށްދިނުމަށް އެކިއެކި ފަރާތްތަކާއި މަޝްވަރާކުރަމުންދާކަމަށް އެ ކުންފުނިން ބުނެއެވެ. ހަމައެހެންމެ ރާއްޖޭގެ އެކި ބަލިތަކަށް ރައްކާތެރިވެ އެކެއެކި ބަލިތަށް ތަހައްމަލްކުރަމުންދާ ފަރާތްތަކަށް ހާއްސް އެހީތެރިކަން ފޯރުކޮށްދިނުމާއި، ރިސާރޗް އެންޑް ޑިވެލޮޕްމަންޓް ގެ ދާއިރާއިން ކުރަންޖެހޭ ކަންތައްކުގައި މިކުންފުނީގެ ކެޕޭސިޓީން އެކަމަކަށްބޭނުންވާ ރިސޯށް ހޯދައިދީ އެހީތެރިކަން ފޯރުކޮށްދިނުމުގެ އިތުރުން ބަލިން ރައްކާތެރިވުމަށް އަޅަންޖެހޭ ފިޔަޅުތަކާއި ހޭލުންތެރިކުރުމުގެ ގޮތުން ހިންގގިދާނެ އެކިއެކި ކަންކަމުގައި ތަމްރީން ދިނުމާއި އެކަމުގައި ލިބެންޖެހޭ މައުލޫމާތު ހޯދުމަށް އެހީތެރިކަން ފޯރުކޮށްދިނުމަށް ހާއްސަ އަހައްމިޔަތުކަމެށް ދިނުމަށް ރާވާފައިވާކަމަށްވެސް އެ ކުންފުނިން ބުނެއެވެ.