ސަތޭކަ ޕަސަންޓް ބިދޭސީ ކުންފުނިތަކަށް މާފަރު އެއަރޕޯޓް އަދި ކޫއްޑޫ އެއަރޕޯޓް ވަނީ ކުރީގެ ސަރުކާރުން ހަވާލުކޮށްފައި – އިކޮނޮމިކް މިނިސްޓްރީ

މިސަރުކާރުން ހަވާލުވިއިރު ސަތޭކަ ޕަސަންޓް ބިދޭސީ ކުންފުނިތަކަށް މާފަރު އެއަރޕޯޓް އަދި ކޫއްޑޫ އެއަރޕޯޓް ވަނީ ކުރީގެ ސަރުކާރުން ހަވާލުކޮށްފައިކަމަށާއި 100 ޕަސެންޓް ހިއްސާވާ ކުންފުނިތަކަށް އެއާޕޯޓް ހިންގޭގޮތަށްް ހުައްދަދީފައިވަނީ ކުރީ ސަރުކާރުން ކަމަށް އިކޮނޮމިކް މިނިސްޓަރީން ހާމަކުރައްވައިފިއެވެ.

ފާޑުކިޔުންތަކާ ގުޅިގެން ރޭ ބޭއްވި ނޫސްވެރިންގެ ބައްދަލުވުމުގައި ފައްޔާޒް ވިދާޅުވީ އެއްވެސް އެއާޕޯޓެއްގެ ހިއްސާ ވިއްކުމަކަށް ނުވަތަ ދިނުމުގެ ވިސްނުން ވެސް ސަރުކާރުން ނުގެންގުޅޭ ކަމަށެވެ.

advertisement

ފައްޔާޒް ވިދާޅުވީ މަގާމާ ހަވާލުވިއިރު ބޭރު އިންވެސްޓަރުންނަށް އިންވެސްޓް ކުރެވޭ ގޮތާއި ކުރެވޭނެ ކަންކަމާއި ހިއްސާ ދެވޭނެ މިންވަރު އޮތީ އެއިރަކު ހުންނަ އިކޮނޮމިކް މިނިސްޓަރެއްގެ ސިކުނޑީގައި ކަމަށެވެ. އެހެންކަމުން ދެފުށް ފެންނަ ގޮތަކަށް އެކަން ބޭއްވުމަށްޓަކައި ގާނޫނީ ވަކީލުންނާ މަޝްވަރާ ކުރެއްވުމަށް ފަހު ޕޮލިސީތަކެއް ހެއްދެވީ ކަމަށް އޭނާ ވިދާޅުވި އެވެ.

ގއ. ކޫއްޑޫ އެއާޕޯޓް 2012 ވަނަ އަހަރު ހަދައި ތަރައްގީ ކުރީ ސިންގަޕޫރުގެ 100 ޕަސެންޓް ހިއްސާއޮތް ކުންފުންޏަކުން ކަމަށާއި، އަދި އެ އެއާޕޯޓް 2014 ވަނަ އަހަރު ރައީސް އަބްދުﷲ ޔާމީންގެ ވެރިކަމުގައި ރާއްޖޭގައި ރަޖިސްޓްރީވެސް ނުކުރާ ސިންގަޕޫރުގެ ކުންފުންޏެއް ކަމަށްވާ ކިޔޯންގް ހޮން ކޮންސްޓްރަކްޝަން ކިޔާ ކުންފުންޏަކަށް ދީފައިވާ ކަމަށް މިނިސްޓްރީން ނެރުނު ބަޔާނުގައިވެެއެވެ..

އަދި 2017 ވަނަ އަހަރުގެ އޮގަސްޓް މަހު އެ ކުންފުންޏާއި ސިންގަޕޫރުގެ އެހެން ކުންފުންޏެއް އެކުވެގެން ރާއްޖޭގައި ރަޖިސްޓްރީ ކުރި 100 ޕަސެންޓް ބޭރުގެ ހިއްސާ އޮންނަ، ޕްރިސްޓީން އައިލެންޑް މޯލްޑިވްސް ކިޔާ ކުންފުންޏަކަށް ކޫއްޑޫ އެއާޕޯޓް ހިންގުން ދީފައިވާ ކަމަށްވެސް މައުލޫމާތު ދެއްވިއެވެ.

އޭގެ އިތުރުން 2017 ވަނަ އަހަރު އަބޫދާބީ ސަރުކާރާއެކު ނ. މާފަރު އެއާޕޯޓް ހިންގަން ވެސް ބޭރުގެ ބަޔަކަށް ދޭން ރައީސް ޔާމީންގެ ސަރުކާރުން ސޮއި ކޮށްފައިވާ ކަމަށް މިނިސްޓްރީ ހާމަކޮށްފައިވެއެވެ.