އެލް10 ހުއްދަ ދޫކޮށްފައިވާ އުޅަނދުތައް މިއަހަރުގެ ނިޔަލަށް ރަޖިސްޓްރީކުރަން އަންގައިފި

މިއަހަރުގެ ނިޔަލަށް “L10” ހުއްދަ ދޫކޮށްފައިވާ ހަތަރު ފުރޮޅުލީ އެއްގަމު އުޅަނދު ރަޖިސްޓްރީ ކުރުމަށް ޓްރާންސްޕޯޓް މިނިސްޓްރީން އަންގައިފިއެވެ.

ޓްރާންސްޕޯޓް މިނިސްޓްރީން ވިދާޅުވީ، “L10” ހުއްދަ ދޫކޮށްފައިވާ އުޅަނދުތައް 22 ޖޫން 2021 ވަނަދުވަހުން ފެށިގެން 21 ސެޕްޓެމްބަރ 2021 ގެނިޔަލަށް ރަޖިސްޓްރީ ކޮށްދިނުމަށް ނިންމާފައިވާކަމަށެވެ. އަދި މިއުޅަނދުތައް ރަޖިސްޓްރީ ކުރުމަށްޓަކައި، އެ އޮޓޯރިޓީގެ އީ-ޕޯޓަލް 22 ޖޫން 2021 އިން ފެށިގެން ހުޅުވާލުމުން ލަސްނުކޮށް ރަޖިސްޓްރޭޝަންގެ ކަންތައް ނިންމެވުމަށް އެދޭކަމަށް ވަނީ ބުނެފައެވެ.

advertisement

ޓްރާންސްޕޯޓް މިނިސްޓްރީން ވިދާޅުވީ، ކޮވިޑް-19 ގެ ޕެންޑަމިކްގެ ޙާލަތާއިގުޅިގެން ރަޖިސްޓްރީގެ މަސައްކަތް ކުރިޔަށް ގެންދިއުމަށް ނިންމާފައިވަނީ، މާލެ’ ފިޔަވައި، ހުޅުމާލެ އާއި ރާއްޖޭގެ އަތޮޅުތަކަށް ރަޖިސްޓްރީ ކުރުމަށް ކަމުގައިވެސް އެ މިނިސްޓްރީން ވަނީ ވިދާޅުވެފައެވެ. އަދި މާލެ’ އަށް ރަޖިސްޓްރީ ކުރާގޮތަށް L10 ދޫކޮށްފައިވާ ފަރާތްތަކަށް ފުރަބަންދުގެ ޙާލަތަތަށް ލުއިލިބުމުން، ފުރުޞަތު ހުޅުވާލާނެ ކަމަށްވެސް ޓްރާންސްޕޯޓް މިނިސްޓްރީން ބުނެއެވެ.