ކުޑަކުދިންގެ ހިޔާއަކީ ކުދިން ބަހައްޓަން އެންމެ އެކަށީގެންވާ ތަނެއް ނޫން – ނިއުމަތު

ކުޑަކުދިންގެ ހިޔާއަކީ ކުދިން ބަހައްޓަން އެންމެ އެކަށީގެންވާ ތަނެއް ނޫންކަމަށް ޗިލްޑްރަންސް އޮމްބަޑްސް ޕާރސަން ނިއުމަތު ޝަފީގް ވިދާޅުވެއްޖެއެވެ.

ޗިލްޑްރަންސް އޮމްބަޑްސް ޕާރސަން ނިއުމަތު ޝަފީގް ވިދާޅުވީ ކުޑަކުދިންގެ ހިޔާއަކީ ކުދިން ބަލަހައްޓަން އެންމެ ރަނގަޅު ތަނެއްނޫންކަމަށެވެ. ނަމަވެސް ހުރިހައި ވުޒާރާއެއް އެކުގައި މަސައްކަތް ކުރެވޭނަމަ މިކަން ރަނގަޅުވާނެކަން ފާހަގަކުރައްވައި އޭނާ ވިދާޅުވީ މިގޮތައް ކަންކަން ކުރެވޭ މަންޒަރު ނުފެންނަ ކަމަށެވެ.

advertisement

ނިއުމަތު ވިދާޅުވީ، ދައުލަތުގެ ބެލުމުގެ ދަށުގައި ތިބޭ ކުދިންނާއިމެދު މުޖްތަމައު ދެކޭގޮތްވެސް ބަދަލުކުރަންޖެހޭކަމަށެވެ. އަދި ކުޑަކުދިންގެ ހިޔާގައި އުޅޭ ކުދިންނަށް ފުރިހަމަ އަޅާލުން ލިބިގެން ނުދާކަމަށެވެ. ނަމަވެސް އަވަސްގޮތަކަށް މިކަން ހައްލުކުރަންޖެހޭކަން އޭނާ ފާހަގަކުރެއްވިއެވެ.

ކުޑަކުދިންގެ ހިޔާއާއި ގުޅޭގޮތުން ގިނަ ބަޔަކު ވަނީ ކަންބޮޑުވުންތައް ފާޅުކޮށްފައެވެ. އޭގެތެރޭގައި އާރކްއިންވެސް މީގެކުރިން ވަނީ ކުޑަކުދިންގެ ހިޔާއަކީ ކުދިންނަށް އެންމެ ރައްކާތެރި ތަނެއް ނޫންކަން ފާހަގަކޮށް ކަންބޮޑުވުން ފާޅުކޮށްފައެވެ. އާރކްއިން މިގޮތައް ބުނެފައިވަނީ ކައިރިކައިރީގައި ކުޑަކުދިންގެ ހިޔާގައި އަލިފާނުގެ ހާދިސާތަކެއް ހިނގުމާއި ގުޅިގެންނެވެ.