ރާއްޖޭގެ ޖާޒީ ލައިގެން އިންޑިއާ އެޓްލީޓަކު ރާއްޖެ ތަމްސީލެއް ނުކުރޭ – އެޓްލެޓިކް އެސޯސިއޭޝަން

ރާއްޖޭގެ ޖާޒީ ލައިގެން އިންޑިއާގެ އެތުލީޓަކު ރާއްޖެ ތަމްސީލު ކުރިކަމަށް ދެކެވޭ ވާހަކަ އެޓްލެޓިކް އެސޯސިއޭޝަން އޮފް މޯލްޑިވްސްއިން ދޮގުކޮށްފިއެވެ.

އެ އެސޯސިއޭޝަނުން ނެރެފައިވާ ނޫސްބަޔާނެއްގައި ބުނެފައިވަނީ އިންޑިއާ އިންޓަރ ސްޓޭޓް ސީނިއަރ އެތުލެޓިކްސް ޗެމްޕިއަންޝިޕާއި، އިންޑިއަން ގްރޭންޑް ޕްރީ 4 ގައި ރާއްޖޭގެ ޖާޒީގައި އިންޑިއާގެ އެތުލީޓަކު ދުވެފައިވާ ކަމަށް ބުނެ ދައްކަމުން ގެންދާ ވާހަކައަކީ ހަޤީޤަތާއި ޚިލާފު ދޮގު ވާހަކައެއްކަމަށެވެ. އަދި އިންޑިއާގެ

advertisement

އެތުލީޓަކު ރާއްޖެ ރާއްޖެ ތަމްސީލްކޮށްފައެއްވެސް ނުވާކަމަށާއި، ބައިނަލްއަޤުވާމީ މުބާރާތްތަކުގައި އެ ޤައުމެއްގެ

ރަށްވެހިކަން އޮންނަ ރައްޔިތުންނޫން ބަޔަކަށް އެގައުމު ތަމްސީލްކުރުމުގެ ފުރުޞަތު ނޯންނަކަމަށެވެ. އަދި އެފަދަ އެއްވެސްކަމެއް ވި އެސޯސިއޭޝަންގެ ފަރާތުން ނުކުރާނެކަމުގެ ޔަގީންކަންވެސް އެޓްލެޓިކް އެސޯސިއޭޝަން އޮފް މޯލްޑިވްސްއިން ވަނީ ދީފައެވެ.

އިންޑިއަން އިންޓަރ ސްޓޭޓް ސީނިއަރ އެތުލެޓިކްސް ޗެމްޕިއަންޝިޕްއި، އިންޑިއަން ގްރޭންޑް ޕްރީގައި ވާދަކުރުމަށް ފުރުމުގެ ކުރިން ހަދަންޖެހޭ ކޮވިޑް ޓެސްޓް ނަތީޖާ ލިބުނު އިރު އަންހެން ޓީމްގެ ދުވުންތެރިޔާ ވަނީ ކޮވިޑަށް ޕޮޒިޓިވްވެފައިކަމަށް އެ އެސޯސިއޭޝަނުން ބުނެއެވެ. އެއެތުލީޓް ޕޮޒިޓިވް ވުމާއި ގުޅިގެން ޕޮޒިޓިލް ވީ އެތުލީޓާއި އިތުރު އަންހެން އެތުލީޓެއް އުނިކޮށް މުބާރާތަށް ދިޔައީ ޖުމްލަ 3 އަންހެން އެތުލީޓުންނެވެ. ރާއްޖޭގެ އަންހެން ޓީމްގެ ޢަދު 4 އެތުލީޓުންނަށްވުރެ މަދުވުމުން، މިދެންނެވި މު މުބާރާތުގައި

ރާއްޖޭގެ ގައުމީ ޓީމަށް ވާދަކުރުމުގެ ފުރުޞަތު ވަނީ ގެއްލިގެން ގޮސްފައެވެ. މިހެން ކަމުން މި ދެމުބާރާތުގައި އަންހެން 100މ ރިލޭގައި ރާއްޖެއިން ވާދަކޮށްފައި ނުވާކަމަށްވެސް އެ އެސޯސިއޭޝަނުން ވަނީ ބުނެފައެވެ.

ރާއްޖެގެ އެތުލީޓުން އިންޑިއާއަށް ގޮސް މުބާރާތުގައި ވާދަ ނުކޮށް އައުމަކީ އެންމެ ރަނޤަޅު ގޮތް ކަމަށް ޤަބޫލު ނުކުރެވޭތީ، އެ ކުދިންނަށް މުބާރާތުގައި ވާދަ ކޮށްލުމުގެ ފުރުޞަތެއް ތަނަވަސްކޮށް ދިނުމަށް އެސޯސިއޭޝަނުން ވަނީ މަސައްކަތްކޮށްފައިކަމަށް ވަނީ ބުނެފައެވެ. އެގޮތުން ކުރެވުނު މަސައްކަތުން ކުދިންނަށް ރިލޭގައި މަދު ކުރުމުގެ ފުރުޞަތު ވަނީ މުބާރާތް ރާވާފަރާތުން ދީފައެވެ. އެއީ ރާއްޖެގެ 3 އެތުލީޓުންނަށް ދެވުނު ފުރުޞަތެކެވެ. އެއްވެސް ހާލެއްގައި މިއީ ރާއްޖޭގެ ޤައުމީ ޓީމަށް ލިބުން ފުރުޞަތެއް ނޫން ކަމުގައިވެސް އެ އެސޯސިއޭޝަނުން ވަނީ ބުނެފައެވެ. އެގޮތުން އެ 3 އެތުލީޓުންނާއި އިންޑިއާގެ އެތުލީޓަކު ހިމަނައިގެން މުބާރާތުގެ ރިލޭ އިވެންޓުގައި ޓީމެއް ބައިވެރި ކުރުމަށް ލިބުނު ފުރުޞަތުގެ ބޭނުން ވަނީ އެސޯސިއޭޝަނުން ހިފާފައެވެ. އެ އިވެންޓު ގައި ބައިވެރިވުމަށް 3 އަންހެން އެތުލީޓުންނަށް ލިބުނު ފުރުޞަތުގެ ބޭނުން އެސޯސިއޭޝަނުން ހިފާފައިވަނީ ތަމްރީނު އަދި ތަޖުރިބާގެ އިވެންޓެއްގެ ގޮތުގައިކަމަށްވެސް އެޓްލެޓިކް އެސޯސިއޭޝަން އޮފް މޯލްޑިވްސްއިން ވަނީ ބުނެފައެވެ.

ރިލޭ އިވެންޓްގައި ވާދަކުރި ރާއްޖޭގެ 3 އެތުލީޓުންނާއި އިންޑިއާގެ އެތުލީޓް ދުވުނު އިރު
ބޭނުންކޮށްފައިވަނީ ރާއްޖޭގެ ގައުމީ ޓީމްގެ ދުވާ ކިޓެއްނޫންކަމަށާއި، ނަމަވެސް ރިލޭގައި ވާދަކުރާ ހުރިހާ އެތުލީޓުންވެސް ތިބެން ޖެހެނީ އެއްވައްތަރެއްގެ ހެދުމެއްގައި ކަމުން، 4 އެތުލީޓުންވެސް އިވެންޓްގައި ބޭނުންކޮށްފައިވަނީ، އެތުލެޓިކްސް ޓްރެއިނިންގ ޓީޝާޓުކަމަށެވެ.