ބަނގްލަދޭޝްގެ މެޑިކަލް ޓީމު ރާއްޖެއިން ފުރައިފި

ކޯވިޑް19 އިން ރައްޖާތެރިވުމަށް ރާއްޖެއިން ކުރާ މަސައްކަތައް އެހީތެރިވުމުގެ ގޮތުން ރާއްޖެ އައި ބަންގްލަދޭޝް އަސްކަރިއްޔާގެ މެޑިކަލް ޓީމް ރާއްޖެއިން ފުރައިފިއެވެ.

ފޮރިން މިނިސްޓްރީން ބުނީ ބަންގްލަދޭޝްގެ މެޑިކަލް ޓިމް ރާއްޖެއިން ފުރީ އިއްޔެ މެންދުރުކަމަށެވެ.

advertisement

ބަންގްލަދޭޝްއިން ރާއްޖެއަށް މެޑިކަލް ޓީމް އައީ މި އަހަރުގެ މާޗު މަހުގެ ތިން ވަނަ ދުވަހުއެވެ. މި ޓީމް ރާއްޖެއައީ ރައިސޫލްޖުމްހުރިއްޔާ އިބްރާހިމް މުހައްމަދު ސޯލިހުގެ އެދިލެއްވުމުގެ މަތިން ގައުމީ ވެކްސިނޭޝަން ޕްރޮގްރާމް “ކޮވިޑް19 ދިފާއު” ކެމްޕެއިނުގައި އެހީތެރިވުމުގެ ގޮތުންނެވެ. މި ޓީމްގައި 10 ނަރުހުންނާއި، ހަތް މެޑިކަލް އެސިސްޓެންޓުން އަދި އެނެސްތިޒިއޮލޮޖިސްޓެއް ހިމެނެއެވެ.

ފޮރިން މިނިސްޓްރީން ވިދާޅުވީ، ބަންގްލަދޭޝްގެ އަސްކަރީ މެޑިކަލްޓީމް ރާއްޖޭގެ ސިއްހީ ޚިދުމަތްތެރިންނާ އެއްކޮށް ގާތުން މަސައްކަތް ކުރިކަމަށެވެ. އަދި ސިއްހީ ހިދުމަތްތެރިންނާއެކު ގްރޭޓާ މާލެ ސަރަހައްދުގައި ވެކްސިން ދިނުމުގެ ކަންކަމުގައި ވެސް އެހީތެރިވިކަމަށް މިނިސްޓްރީން ވިދާޅުވެއެވެ.