މަސައްކަތްތަކެއް ކުރުމަށްޓަކައި މާދަމާ ހެނދުނު މާލޭގެ ބައެއް ސަރަހައްދުތަކުން ކަރަންޓު ކަނޑާލަނީ

މާދަމާގެ ހެނދުނު މާލޭގެ ބައެއް ސަރަހައްދުތަކުން ކަރަންޓު ކެނޑޭނެކަމަށް ސްޓެލްކޯއިން ވިދާޅުވެއްޖެއެވެ. ސަޓެލްކޯއިން ވިދާޅުވީ، އިންޓަކަނެކްޝަން މެދުވެރިކޮށް މާލެ، ހުޅުމާލެ އަދި ހުޅުލެ އެއްވިއުގައަކުން ގުޅާލުމަސްޓަކައި ކޮންމެހެން ކުރަންޖެހޭ މަސައްކަތްތަކެއް ކުރުމަށްޓަކައި މާދަމާ ހެނދުނު 07:00 އިން 09:00 އަކަށް މާލޭގެ ބައެއް ސަރަހައްދުތަކުން ކަރަންޓު ކަނޑާލަން ޖެހުމަކީ އެކަށީގެންވާ ކަމެއްކަމަށެވެ.

ސްޓެލްކޯއިން ވިދާޅުވީ، މި ގަޑިތައް މިހެން ބަޔާންކޮށްފައިވީނަމަވެސް މަސައްކަތް ނިމުނުހާ އަވަހަކަށް ކަރަންޓުގެ ޚިދުމަތް މެދުކެނޑޭ ހިސާބުތަކަށް އަލުން ކަރަންޓު ދޭނެކަމަށެވެ. މިކަމުގެ ސަބަބުން ކަސްޓަމަރުންނަށް ދިމާވެދާނެ އެންމެހައި ދަތިތަކަށް އެ ކުންފުނިން ވަނީ މައާފަށް އެދިފައެވެ.