ރ. އަލިފުށިން ވަގަށް ނެގި ފައިސާތައް ފުލުހުން ހޯދައިފި

ރ. އަލިފުށީގައި ބިދޭސީއަކު ދިރިއުޅޭ ގެއަކުން ވަގަށްނެގި ފައިސާތައް ފުލުހުން ހޯދައި ވެރިފަރާތާއި ހަވާލުކޮށްފިއެވެ.

ރ. އަލިފުށީގައި ބިދޭސީއަކު ދިރިއުޅޭ ގެއަކުން ފައިސާތަކެއް ވަގަށްނަގާފައިވާ ކަމަށް ފުލުހުންނަށް ރިޕޯޓްކޮށްފައިވަނީ މި ޖުލައި މަހުގެ 5 ވަނަ ދުވަހުއެވެ. މިކަމާއި ގުޅިގެން ފުލުހުން ވަނީ ޚާއްސަ އޮޕަރޭޝަނެއް ކުރިއަށްގެންގޮސް އެ ފައިސާތައް ހޯދާފައެވެ.

advertisement

އެގޮތުން، ޖުލައި 5 ވަނަ ދުވަހު އަލިފުށި ޕޮލިސް ސްޓޭޝަނުން ކުރިއަށް ގެންދިޔަ އެ އޮޕަރޭޝަނުގެ ތެރެއިން އެ ރަށުގެ ތިން ގެއެއް ބަލައި ފާސްކޮށް 19000 ރުފިޔާ ހޯދާފައިވެއެވެ. އެ ފައިސާތައް މިހާރުވަނީ އޭގެ ވެރިފަރާތާ ހަވާލުކޮށްފައެވެ.

މި މައްސަލައާ ގުޅިގެން މިހާތަނަށް މީހަކު ހައްޔަރުކޮށްފައެއް ނުވެއެވެ. މި މައްސަލަ އަލިފުށީ ޕޮލިސް ސްޓޭޝަނުން ގެންދަނީ ތަހުގީގު ކުރަމުންނެވެ.