އެޗްޕީއޭގެ ގައިޑްލައިންއާއި ހިލާފަށް ބައެއް ގެސްޓްހައުސްތަކުން ފަތުރުވެރިން ބޭތިއްބުމުން ގެސްޓްހައުސް އެސޯސިއޭޝަނުން ކަންބޮޑުވުން ފާޅުކޮށްފި

ދެކުނު އޭޝިއާގެ ފަތުރުވެރިން ގެސްޓްހައުސް ތަކަށް ގެނައުމުގައި ޢަމަލު ކުރުމަށް އެޗްޕީއޭ އިން ކަނޑައަޅާފައިވާ އޮންނަ އުސޫލާއި ހިލާފުވެ ބައެއް ގެސްޓްހައުސްތަކުން ފަތުރުވެރިން ގެނެސްފައިވާނީ ގެސްޓްހައުސް އެސޯސިއޭޝަން އޮފް މޯލްޑިވްސް އިން މިކަން ކުށްވެރިކޮށްފިއެވެ.

ގެސްޓްހައުސް އެސޯސިއޭޝަނުން ނެރެފައިވާ ބަޔާނުގައި ބުނެފައިވަނީ ދިވެހިރާއްޖޭގައި ކޮވިޑް.19ގެ ހާލަތުން އަރައިގަތުމަށްޓަކައި ސަރުކާރާއި ގެސްޓްހައުސް އެސޯސިއޭޝަން އޮފް މޯލްޑިވްސް އާއި ގުޅިގެން ނުހަނު ގިނަ މަސައްކަތްކޮށް ، ސައުތު އޭޝިއާގެ ގެސްޓުން ގެނައުމުގެ ހުއްދަ 30 ޖުލައި އިން ފެށިގެން ދެއްވަން ނިންމަވައި އިއުލާންކޮށްފައި ވާކަމަށެވެ. ނަމަވެސް 15 ޖުލައި ވަނަ ދުވަހު ދިވެހިރާއްޖެ އަށް ޒިޔާރާތް ކުރި ސައުތު އޭޝިއާގެ ފަތުރުވެރިން ތަކެއް (މާލެ ، ހުޅުމާލެ ، ވިލިމާލެ) ގައި ހުއްދަ ދެވިފައިވާ ގެސްޓްހައުސް ތަކުގައި ތިބި ކަމަށް މިނިސްޓްރީ އޮފް ޓޫރިޒަމް އާއި އެޗް.ޕީ.އޭ ގުޅިގެން ކޮވިޑުގެ ގައިޑްލައިންއަށް އަމަލު ކުރޭތޯ ބެލުމަށްޓަކައި ހިންގުނު އިންސްޕެކްޝަންއަށް ފަހު އޮޅުވާލައިގެން ދެކުނު އޭޝިއާގެ ފަތުރުވެރިންނަށް ހިދުމަތް ދެމުންދިޔަކަމަށް ފާހަގަ ކުރެވިގެން މާލެ ސަރަހައްދުގެ ތިން ގެސްޓްހައުސްއެއްގެ ހުއްދަ ޓޫރިޒަމް މިނިސްޓްރީން ހިފަހައްޓާފައިވާކަމަށެވެ.

advertisement

ދެކުނު އޭޝިއާގެ ފަތުރުވެރިން ގެސްޓްހައުސް ތަކަށް ގެނައުމުގައި ޢަމަލު ކުރުމަށް އެޗްޕީއޭ އިން ކަނޑައަޅާފައިވާ އޮންނަ އުސޫލާއި ހިލާފުވެ ބައެއް ގެސްޓްހައުސްތަކުން މި ހިންގި ޢަމަލު ގެސްޓްހައުސް އެސޯސިއޭޝަން އޮފް މޯލްޑިވްސް އިން ކުށްވެރިކުރާކަމަށް ވަނީ ބުނެފައެވެ. އަދި މިނިސްޓްރީ އޮފް ޓޫރިޒަމްއިން އަޅާފައިމިވާ ފިޔަވަޅުތަކަށް މި އެސޯސިއޭޝަންއިން މަރުހަބާ ކިޔާކަމަށެވެ.

އަދި މި ދަނޑިވަޅުގައި ފަތުރުވެރިން ގެސްޓްހައުސް ތަކަށްގެނައުމުގައި އެޗްޕީއޭގެ ގައިޑްލައިންއާއި އެއްގޮތަށް ޢަމަލު ކޮއްގެން މެނުވީ ކޮވިޑް 19ގެ ހާލަތުން އަރައި ނުގަނެވޭނެ ކަމަށް އެ އެސޯސިއޭޝަން އިން ދެކޭކަމަށް ވަނީ ބުނެފައެވެ. ކުރިޔަށް އޮތް ދުވަސް ތަކުގައިވެސް އެއްވެސް ވެސްޓްހައުސް އަކުން ވެސްޓުން ގެނެސް ގެސްޓްހައުސް ހިންގުމުގެ ހުއްދަ ނެތް ތަންތަންގައި ފަތުރުވެރިން ނުބޭތިއްބުމަށްވެސް ވަނީ ނަސޭހަތްތެރިވެފައެވެ.

އެ އެސޯސިއޭޝަންއިން އިލްތިމާސް ކުރަނީ އެއްވެސް ގެސްޓްހައުސް އަކުން އެޗް.ޕީ.އޭ ގެ ގައިޑްލައިންއާއި ހިލާފަށް އެއްވެސް އަމަލެއް ނުކުރުމަށްކަމަށް ވަނީ ބުނެފައެވެ.