ރާއްޖެއާއި އިންޑިއާ އާއި ދެމެދު އެކްސްޕޯޓް ކުރުމުގެ އެމްއޯޔޫއެއްގައި ސޮއެކޮށްފި

ދިވެހިރާއްޖެއާއި އިންޑިއާ އާ ދެމެދު “އެކްސްޗޭންޖް އޮފް ޕްރީ-އެރައިވަލް އިންފޮމޭޝަން ފޯ ފެސިލިޓޭޝަން އޮފް ޓްރޭޑް އެންޑް ކަސްޓަމްސް ކޮންޓްރޯލް އޮން ގުޑްސް” އާއި ގުޅޭ އެމް.އޯ.ޔޫ އެއްގައި ސޮއެކޮށްފިއެވެ. މި އެމް.އޯ.ޔޫ ގައި ސޮއި ކޮށްފައި ވަނީ އިންޑިއާގެ ސެންޓްރަލް ބޯޑް އޮފް އިންޑައިރެކްޓް ޓެކްސަސް އެންޑް ކަސްޓަމްސް (ސީ.ބީ.އައި.ސީ) ގެ ޗެއާމަން، އަޖިތު ކުމާރު އާއި ދިވެހިރާއްޖޭގެ ކަސްޓަމްސް ސާވިސް ގެ ކޮމިޝަނަރ ޖެނެރަލް އޮފް ކަސްޓަމްސް، އަބްދުﷲ ޝަރީފް އެވެ.

މި އެމް.އޯ.ޔޫ ގެ ދަށުން އެކްސްޕޯޓްގެ ވަގުތު ސަބްމިޓް ކުރެވޭ ކަސްޓަމްސް ޑޮކިއުމެންޓް ތަކުގައިވާ މައުލޫމާތު މުދާ ޕޯޓާއި ހަމައަށް އައުމުގެ ކުރިން ބަދަލު ކުރެވޭނެ ފްރޭމްވޯކެއް ފޯރުކޮށްދެވޭނެއެވެ. މީގެ ސަބަބުން ކަސްޓަމްސް ޕްރޮސީޖާ ތަކުގައި ހޭދަވާ ވަގުތު ކުޑަ ކުރެވި، މުދަލުގެ ކަސްޓަމްސް ކޮންޓްރޯލް މެތަޑް ތަކާއި ފޯމްތައް އޮޕްޓިމައިޒް ކުރެވިގެންދާނެއެވެ. އަދި މި އެމް.އޯ.ޔޫ ގެ ދަށުން ޑޭޓާ އެކްސްޗޭންޖް ކުރުމުގައި ދެފަރާތުގެ ކޯޕަރޭޝަން އިތުރުވުމުގެ ސަބަބުން ދެ ފަރާތުގެ ކަސްޓަމްސް އެޑްމިނިސްޓްރޭޝަން މަރުހަލާތަކުގެ އެފިޝެންސީ އިތުރުވެ، ވިޔަފާރި ކުރުމަށާއި، ސަޕްލައި ޗެއިން އަދި ރެވެނިއު ކަލެކްޝަންގެ ސެކިއުރިޓީ ވަރުގަދަ ވުން ފަދަ އެތައް ފައިދާއެއް ލިބިގެންދާނެއެވެ.

advertisement

ރައީސް އިބްރާހިމް މުޙައްމަދު ޞާލިޙް އަދި ބޮޑު ވަޒީރު ނަރޭންދްރަ މޯދީގެ ވެރިކަމާއި އިސްނެންގެވުމުގެ ދަށުން އިންޑިއާ އާއި ދިވެހިރާއްޖޭގެ މެދުގައިވާ ބައިލެޓަރަލް ގުޅުން ބަދަހިވެ، ދެގައުމުގެ މެދުގައިވާ ވިޔަފާރި އަދި ކޮމާޝަލް ގުޅުން ވަނީ ވަރަށް ވެސް ބޮޑަށް ވަރުގަދަ ވެފައެވެ. ފާއިތުވި މަސްތަކުގެ ތެރޭގައި ދެގައުމުގެ މެދުގައި ބައިލެޓަރަލް ޓްރޭޑް ވަރުގަދަ ކުރުމަށް އެތައް މަސައްކަތްތަކެއް ވަނީ ކުރެވިފައެވެ.

އެގޮތުން ސެޕްޓެމްބަރު 2020 ގައި އިންޑިއާ އާއި ދިވެހިރާއްޖޭގެ މެދުގައި ގާއިމް ކުރެވުނު އިންޑިއާ-މޯލްޑިވްސް ޑައިރެކްޓް ކާގޯ ވެސެލް ސާވިސްގެ ސަބަބުން ދެގައުމުގެ ބައިލެޓަރަލް ޓްރޭޑް ޕާޓްނަޝިޕް އަށް ވަނީ އިތުރު އާރޯ ކަމެއް ލިއްބައިދީފައެވެ. މި ޑައިރެކްޓް ކާގޯ ވެސެލް ސާވިސްގެ ސަބަބުން ދިވެހިރާއްޖޭގެ ދެވަނައަށް އެންމެ ބޮޑު ޓްރޭޑް ޕާޓްނަރ ގެ މަގާމު 2020 ވަނަ އަހަރު އިންޑިއާއަށް ވަނީ ލިބިފައެވެ. މިއީ 2019 ވަނަ އަހަރު މި ލިސްޓުގެ 5 ވަނައިގައި އޮތުމަށް ފަހު ލިބުނު ބޮޑު ކާމިޔާބީއެކެވެ.

2021 ވަނަ އަހަރުގެ ޖަނަވަރީ އާއި ޖޫން މަހުގެ ދެމެދުގައި ދިވެހިރާއްޖެއިން އިންޑިއާއަށް ކޮށްފައިވާ އެކްސްޕޯޓްތަކުގެ އަދަދު ވަނީ ފާއިތުވި އަހަރު ތަކާއި އަޅާކިޔާއިރު ވަރަށް ބޮޑުތަން އިތުރުވެފައެވެ. މީގެ އިތުރުން ދިވެހި ސަރުކާރުގެ އެދިލެއްވުމުގެ މަތިން ދާދި ފަހުން އިންޑިއާއިން ވަނީ ރާއްޖެއަށް ފޯރުކޮށްދޭ 9 ޒަރޯރީ ބާވަތުގެ ކޯޓާ އިތުރުކޮށް، އާކޮށްދީފައެވެ. މިއީ 1981 ވަނަ އަހަރު ދެގައުމުގެ މެދުގައި ސޮއިކުރެވިފައިވާ ވިޔަފާރީގެ ގުޅުންތަކާ ބެހޭ އެއްބަސްވުމުގެ ދަށުން، ދިވެހިރާއްޖޭގެ ކާބޯތަކެތީގެ ސެކިއުރިޓީ އާއި، ކޮންސްޓްރަކްޝަން ސާމާނުގެ ސަޕްލައި ގެރެންޓީ ކުރުމަށްޓަކައި ހުއްޓުމެއް ނެތި ހިނގަމުންދާ މެކޭނިޒަމް އެކެވެ. މި އަހަރު މި މެކޭނިޒަމްގެ ދަށުން ކޯޓާތައް ވަނީ 15% އިތުރުކުރެވިފައެވެ. މިއީ 1981 ވަނަ އަހަރު ދެގައުމުގެ މެދުގައި ވިޔަފާރި އެއްބަސްވުމުގައި ސޮއިކުރެވުނީއްސުރެ އެޕްރޫވްކުރެވިފައިވާ އެންމެ ބޮޑު އަދަދުތަކެވެ.

ޖޫން 2019 ގައި ބޮޑު ވަޒީރު މޯދީ ދިވެހިރާއްޖެއަށް ކުރެއްވި ރަސްމީ ދަތުރުފުޅުގައި ސޮއި ކުރެވުނު “އެމް.އޯ.ޔޫ އޮން ކޯޕަރޭޝަން އިން ޗަސްޓަމްސް ކެޕޭސިޓީ ބިލްޑިން” ގެ ދަށުން މި ބައިވެރިކަން ވަނީ އިތުރަށް ވަރުގަދަ ކުރެވިފައެވެ. 2020 ވަނަ އަހަރުގެ ކުރީކޮޅު ދިވެހިރާއްޖޭގެ ކަސްޓަމްސް އޮފިޝަލުން ވަނީ އިންޑިއާގައި ތަމްރީން ޕްރޮގްރާމްތަކުގައި ބައިވެރިވެފައެވެ. ކޮވިޑް-19 ބަލިމަޑުކަން މެދުވެރި ވުމުގެ ކުރިން ދިވެހި ކަސްޓަމްސް އޮފިޝަލުންގެ ދެ ބެޗު ވަނީ އިންޑިއާގައި ތަމްރީން ފުރިހަމަކޮށްފައެވެ. އަދި ނޮވެމްބަރ 2020 އިން ފެށިގެން ދިވެހި ކަސްޓަމްސް އޮފިޝަލުން އަންނަނީ އޮންލައިން ތަމްރީން ޕްރޮގްރާމްތަކުގައި ބައިވެރިވަމުންނެވެ.