އުމްރާގެ އަޅުކަމަށް އަންނަ މަހުގެ 9 އަކުން ފެށިގެން ސައުދީ ހުޅުވާލަނީ

އުމްރާގެ އަޅުކަމަށް ސައުދީއަށް އެތެރެވުމުގެ ފުރުސަތު އަންނަ މަހުގެ 10 ވަނަދުވަހުން ފެށިގެން އެޤައުމުން ހުޅުވާލައިފިއެވެ. ސައުދީ ސަރުކާރުން ބުނީ މުހައްރަމު މަހުގެ 1 ވަނަ ދުވަހުން ފެށިގެން އުމްރާއަށް މީހުން ގޮވައިގެން ސީދާ ދަތުރުތައް އެޤައުމަށް ކުރެވޭނެކަމަށެވެ. އެހެންނަމަވެސް މި ލިސްޓުން 9 ޤައުމެއް ވަނީ އުނިކޮށްފައެވެ.

ސައުދީއަށް ޑައިރެކްޓް ފްލައިޓް ބޭއްވުމުގެ ހުއްދަ ދީފައި ނުވާ ޤައުމުތަކުގެ ތެރޭގައި ހިމެނެނީ އިންޑިއާ، ޕާކިސްތާނު، އިންޑޮނޭޝިއާ، މިސްރު، ތުރުކީ، އާޖެންޓިނާ، ބްރެޒިލް އަދި ސައުތް އެފްރިކާގެ އިތުރުން ލެބަނާނަށެވެ. މި ޤައުމުތަކުން ސައުދީއަށް ދަތުރުކުރާ އެންމެންވެސް އަމިއްލަ ޤައުމު ނޫން އެހެން ޤައުމެއްގައި 14 ދުވަހު ކަރަންޓީނު ފުރިހަމަ ކުރަންޖެހޭނެއެވެ.

advertisement

ސައުދީ ސަރުކާރުން ބުނީ އުމްރާއަށް އެތެރެވެވޭނީ ފައިޒަރ، މޮޑާނާ، އެސްޓަރަޒެނެކާ އަދި ޖޮންސަން އެންޑް ޖޮންސަނުން އުފައްދާފައިވާ ކޯވިޑްގެ ވެކްސިން ޑޯޒްތައް ފުރިހަމަކޮށްފައިވާ ފަރާތްތަކަށެވެ. ޗައިނާގައި އުފައްދާފައިވާ ސިނޮފާމް ވެކްސިން ޖަހާފައިވާ މީހެއްނަމަ އެމީހަކު ސައުދީއަށް އެތެރެވުމުގެ ކުރިން ފައިޒަރ، މޮޑާނާ، އެސްޓަރަޒެނެކާ އަދި ޖޮންސަން އެންޑް ޖޮންސަންގެ ބޫސްޓަރ ޝޮޓެއް ޖަހަން ޖެހޭނެކަމަށްވެސް ސައުދީ ސަރުކާރުން ބުނެއެވެ.

ދުނިޔޭގެ ހުރިހާ ކަންކޮޅަކުން 18 އަހަރުން މަތީގެ ކޮންމެ މީހަކަށްވެސް އުމްރާގެ އަޅުކަމަށް ސައުދީއަށް އެތެރެވުމުގެ ހުއްދަވެސް ވަނީ ދީފައެވެ.