ކޮވިޑް-19 ވެކްސިން ޖެހުމަކީ މިއަދު ގައުމީ، ވަތަނީ، ފަރުދީ އަދި އާއިލީ ޒިންމާ އެއް – އެމްޓީޑީ

ކޮވިޑް-19 ވެކްސިން ޖެހުމަކީ މިއަދު ގައުމީ، ވަތަނީ، ފަރުދީ އަދި އާއިލީ ޒިންމާ އެއްކަމަށް މޯލްޑިވްސް ތަރޑް-ވޭ ޑިމޮކްރެޓްސް (އެމްޓީޑީ) ސިޔާސީ ޕާޓީ ވިދާޅުވެއްޖެއެވެ.

           އެ ޕާޓީން ވިދާޅުވަނީ ކޮވިޑް-19ގެ އާލަމީ ވަބާ އަކީ ދުނިޔޭގެ ފަހުގެ ތާރީހުގައި ދިމާވި އެންމެ ބޮޑު ސިއްހީ ކާރިސާއެއް ކަމެވެ. އަދި މިކަމާ ގުޅިގެން އަޅަން ޖެހުނު ފުރަބަންދުގެ ސަބަބުން ދަތުރުފަތުރުކުރުމާއި އަދި އެހެން ގޮންޖެހުންތަކުގެ ސަބަބުން ބޭސްފަރުވާއަށް ހުރަސްއެޅި އެތައް ބަޔަކު ވަނީ އެހެން ބަލިތަކުގައި ވެސް ދުނިޔެދޫކޮށް ގޮސްފައި ކަމަށެވެ. އަދި ނަފްސާނީ ގޮތުން އެތައް މައްސަލަތަކެއް ދިމާވެ އިގްތިސާދީ ގޮތުން އިއާދަ ނުކުރެވޭނެ ވަރުގެ ގެއްލުންތައް އެތައް ގައުމަކަށާއި އެތައް ބަޔަކަށް ވަނީ ކުރިމަތިވެފައިކަމަށެވެ. އެހެންކަމުން ދުނިޔޭގެ ގައުމުތަކުގައި ކޮވިޑް-19 އާއި ދެކޮޅަށް ބޭނުން ކުރަމުންދާ އެންމެ ބޮޑު ހަތިޔާރަކީ ވެކްސިނޭޝަން އެވެ.

advertisement

ގިނަ ގައުމުތަކުގެ މިއަދުގެވެސް ހާލަތަކީ އެގައުމުގެ ރައްޔިތުންނަށް ދޭނެ ވެކްސިންވެސް ނުލިބި އެތައް ބަޔަކު ކޮވިޑް-19 ގެ ބަލީގެ ޝިކާރައަކަށްވެ ނިޔާވަމުންނެވެ. ދިވެހި ރާއްޖެއިން މިވަނީ މިކަމުގައި ބޮޑެތި ކުރިއެރުންތަކެއް ހޯދައިފައިކަމަށް އެމްޑީޑީ ފާހަކުރެއްވިއެވެ. ރައީސް ސޯލިހްގެ ލީޑަރޝިޕްގެ ދަށުން ރާއްޖެއަށް ބޭނުންވާވަރަށް މިވަނީ ވެކްސިން ހޯދިފައި ކަމަށް ފާހަގަ ކުރެއްވިއެވެ.

         އެމްޓީޑީން އަންގަނީ އެޕާޓީގެ އެންމެ ބޮޑު ކަންބޮޑުވުމަކީ އަދިވެސް ތަފާސް ހިސާބުތައް ދައްކާ ގޮތުން ކޮވިޑް-19 ވެކްސިން ނުޖަހާފަރާތްތަކުގެ ތެރޭގައި 18 އަހަރާއި 26 އަހަރުގެ ދެމެދު ޒުވާނުން ގިނަކަމެވެ. އެމްޓީޑީގެ އެދުމަކީ ރައީސް ސޯލިހު ގޮވާލާފައިވާ ގޮވާލުމާއި އެއްގޮތަށް ފަރުދީ އަދި އާއިލީ ޒިންމާއެއްކަން މިކަން ދެކިގެން ވެކްސިން ފުރިހަމަކުރުމަށް ހުރިހާ ޒުވާނުން އަތުކުރި އޮޅާލާ އިސްނަގައިގެން ވެކްސިންޖަހަން ދިޔުމަށްވެސް އަންގައެވެ.