ޚަބަރު

ޕެންޝަން އޮފީހުގެ 2022 ވަނަ އަހަރުގެ ކަލަންޑަރު ޑިޒައިންކޮށްދޭނެ ބަޔަކު ހޯދަނީ

4 އޯގަސްޓް 2021 - 12:00

ޕެންޝަން އޮފީހުގެ 2022 ވަނަ އަހަރުގެ ޑެސްކް ކަލަންޑަރުގައި ހިމެނުމަށް ބޭނުންވާ “ފޮޓޯގްރަފީ އަދި އާރޓްވޯކް ޑިޒައިނިންގ” މަސައްކަތް ކޮށްދޭނެ ފަރާތެއް ހޯދަން އިއުލާންކޮށްފިއެވެ. ޕެންޝަން އޮފީހުން ވިދާޅުވީ، އެ އޮފީހުގެ 2022 ވަނަ އަހަރުގެ ޑެސްކް ކަލަންޑަރުގައި ހިމެނުމަށް ބޭނުންވާ “ފޮޓޯގްރަފީ އަދި އާރޓްވޯކް ޑިޒައިނިންގ” މަސައްކަތް ކުރުމަށް ޝައުގުވެރިވާ ފަރާތްތަކުން މަޢުލޫމާތު ސާފުކުރެއްވުމަށްފަހު އަންދާސީހިސާބު ހުށަހެޅުމަށް ހުޅުވާލާފައިވާކަމަށެވެ.

މަޢުލޫމާތު ސާފުކުރެއްވުމަށް ވަޑައިނުގަންނަވާ ފަރާތްތަކަށް ޕްރޮޕޯސަލް ހުށަހެޅުއްވުމުގެ ފުރުޞަތު ދެވެން ނޯންނާނެކަމަށް ޕެންޝަން އޮފީހުން ވިދާޅުވެއެވެ. އަދި މަޢުލޫމާތު ސާފުކުރެއްވުމަށާއި ޕްރޮޕޯސަލް ހުށަހެޅުއްވުމަށް ކަނޑައަޅާފައިވާ ގަޑި ޖެހުމުގެފަހުން ވަޑައިގަންނަވާ ފަރާތްތަކަށް އެފުރުޞަތު ދެވެން ނޯންނާނެކަމަށްވެސް ވަނީ ވިދާޅުވެފައެވެ. އަންދާސީ ހިސާބު ހުށަހަޅާ ފަރާތަކީ ދިވެހިރާއްޖޭގެ ޕެންޝަން ޤާނޫނާ އެއްގޮތަށް ޢަމަލުކުރާ ފަރާތެއްކަމުގައި ނުވާނަމަ، އެފަދަ ފަރާތްތަކުގެ ޕްރޮޕޯސަލް ބާޠިލުކުރެވޭނެކަމަށް ޕެންޝަން އޮފީހުން ވަނީ ވިދާޅުވެފައެވެ.

ރިއެކްޝަންސް
0
0
0
0
0
0
0