މަސައްކަތްތެރިންގެ ހައްޤުގައި 2 ބިލެއް ފާސްކޮށްދޭން ޕަބްލިކް އިންޓްރެސްޓް ލޯ ސެންޓަރުން ގޮވާލައިފި

އިންޑަސްޓްރިއަލް ރިލޭޝަންސް ބިލްއާއި، އޮކިއުޕޭޝަނަލް ސޭފްޓީ އެންޑް ހެލްތް ބިލް ފާސްކޮށްދޭން ޕަބްލިކް އިންޓްރެސްޓް ލޯ ސެންޓަރުން މަޖިލީހަށް ގޮވާލައިފިއެވެ.

ޕަބްލިކް އިންޓްރެސްޓް ލޯ ސެންޓަރުން ވަނީ މި 2 ބިލް ފާސްކުރުމަށް ގޮވާލާ އިހްތިޖާޖުކޮށްފައެވެ. މި 2 ބިލް އަކީ ރާއްޖޭގެ މަސައްކަތްތެރިންނަށް ވަރަށް މުހިންމު 2 ޤާނޫނުކަމަށް އެ ސެންޓަރުން ވަނީ ބުނެފައެވެ. މިހާތަނަށް ރާއްޖޭގައި ފެނިގެންދަނީ މަސައްކަތްތެރިންނަށް އެކި ގެއްލުންތަކެއްވެ، މަސައްކަތްތެރިންގެ ވަރަށް ބައިވަރު ހައްޤުތަކެއް ގެއްލޭތަންކަމަށާއި، މި 2 ޤާނޫނާއިއެކު މަސައްކަތްތެރިންނަށް ދޭންޖެހޭ އަސާސީ ހައްޤުތައް ކަށަވަރު ވެގެންދާނެކަމަށް ވަނީ ވިދާޅުވެފައެވެ.

އެހެންކަމުން ޕަބްލިކް އިންޓްރެސްޓް ލޯ ސެންޓަރުގެ ފަރާތުން ރައްޔިތުންގެ މަޖިލީހުގައި އެދެނީ މި 2 ބިލް ފާސްކޮށްދިނުމަށްކަމަށް ވަނީ ބުނެފައެވެ.