ކިޔެވުމުގެ އިތުރުން ކުޅިވަރުގެ ހަރަކާތްތަކުގައިވެސް ކުދިންނަށް ހަމަހަމަ ފުރުސަތުތައް ލިބެންޖެހޭ: އާކް މޯލްޑިވްސް

ކިޔެވުމުގެ އިތުރުން ކުޅިވަރުގެ ހަރަކާތްތަކުގައިވެސް ކޮންމެ ކުއްޖަކަށްވެސް ހަމަހަމަ ފުރުސަތުތަކެއް ލިބެންޖެހޭކަމަށް އެޑްވަކޭޓިންގ ރައިޓްސް އޮފް ޗިލްޑްރަންސް، އާރކްއިން ވިދާޅުވެއްޖެއެވެ.

އާރކްއިން ވަނީ ކިޔެވުމުގެ އިތުރުން ކުޅިވަރުގެ ހަރަކާތްތަކުގައިވެސް ކުދިންނަށް ހަމަހަމަ ފުރުސަތުތަކެއް ލިއްބައިދިނުމަށް ޚާއްސަ މަސައްކަތްތަކެއް ފަށާފައެވެ. އާރކްއިން ބުނެފައިވަނީ ކިޔެވުމުގެ އިތުރުން ކުޅިވަރުގެ ހަރަކާތްތަކުގައިވެސް ބައިވެރިވުމަކީ ހަމަ ކޮންމެ ކުއްޖަކަށް ލިބިގެންވާ ހައްޤެއްކަމަށާއި އެކަމަށްޓަކައި މުޅި މުޖްތަމައު މަސައްކަތް ކުރަންޖެހޭކަމަށެވެ.

އާރކްއިން ވަނީ އެފްއޭއެމް ފައުންޑޭޝަންއާއި ގުޅިގެން ޚާއްސަ މަސައްކަތްތަކެއް ފަށާފައެވެ. އެގޮތުން އައްޑޫ ސިޓީގައި ބެލެނިވެރިންނަށް އަމާޒުކޮށްގެން ވަނީ ޚާއްސަ ސެޝަންތަކެއް ކުރިއަށްގެންގޮސްފައެވެ. މި ސެޝަންތަކުގައި ޗައިލްޑް އެބިއުސްގެ މައްސަލަތަކާއި މެދު ބެލެނިވެރި ހޭލުންތެރިކުރުވުމަށް ވަނީ މައުލޫމާތު ދީފައެވެ. މި ސެޝަންގައި ބައިވެރިވެފައިވަނީ އައްޑޫގެ ޖޫނިއަރ ފުޓްބޯޅަ ޓީމުގައި ހިމެނޭ ކުދިންގެ ބެލެނިވެރިންކަމަށް އާރކްއިން މައުލޫމާތުދެއެވެ.