ޚަބަރު

ބްރެޒިލްއިން ރާއްޖެ އައި މީހެއްގެ އަތުން 3.197 ކިލޯގެ މަސްތުވާތަކެތި އަތުލައިގަނެފި

14 އޯގަސްޓް 2021 - 11:43

ބްރެޒިލްއިން ރާއްޖެ އައި މީހެއްގެ އަތުން 3.197 ކިލޯގެ މަސްތުވާތަކެތި ކަސްޓަމްސްއިން އަތުލައިގަނެފިއެވެ. މި މީހާ ރާއްޖެ އައީ ވައިގެ މަގުންނެވެ.

މޯލްޑިވްސް ކަސްޓަމްސް ސަރވިސްއިން ބުނީ މިއީ ބްރެޒިލްގެ އުމުރުން 31 އަހަރުގެ އަންހެނެއްކަމަށެވެ. އެމީހާގެ އަތުން މަސްތުވާތަކެތި ފެނިފައިވަނީ އޭނާގެ އަމަލުތައް ހުރިގޮތުން އެމީހާއާއިމެދު ޝައްކުކުރެވިގެން ބަލާ ފާސްކުރުމުންކަމަށް ކަސްޓަމްސްއިން ވިދާޅުވެއެވެ. ފުރަތަމަ މަރުހަލާގައި ކަސްޓަމްސްއިން މިތަކެތި ޓެސްޓްކުރިއިރު މަސްތުވާތަކެތީގެ ބާވަތެއްކަމަށްވާ ކޮކެއިންއަށް ޕޮޒިޓިވްވެފައިވާކަމަށް ކަސްޓަމްސްއިން ވިދާޅުވެއެވެ.

advertisement

މި ތަކެތީގެ މަގުމަތީ އަގު ފަނަރަ މިލިއަން ނުވަލައްކަ އަށްޑިހަ ފަސްހާސް ރުފިޔާއަށް އަރާކަމަށް ކަސްޓަމްސްއިން ވިދާޅުވެއެވެ. މިތަކެތި އިތުރަށް ތަހުޤީގުކުރުމަށްޓަކައި ވަނީ ފުލުހުންނާއި ހަވާލުކޮށްފައިކަމަށް ކަސްޓަމްސްއިން ވިދާޅުވެއެވެ.

ރިއެކްޝަންސް
0
0
0
0
0
0
0