އަވަހަށް ސްޓޫޑަންޓް ލޯނު ދެއްކިދާނެ ގޮތްތަކެއް!

ކިޔަވާ ނިމުމަށްފަހުވެސް ސްޓޫޑަންޓް ލޯނުން ސަލާމަތްވާ ގޮތެއް ނުވެއެވެ. ގިނަ އަހަރުތަކެއް ވަންދެން ލޯނު އޮތީ ބޮލުގައި އެޅިފައެވެ. ސްޓޫޑަންޓް ލޯނު ނުދެއްކިގެން ނުވަތަ އެއިން ސަލާމަތްނުވެވިގެން ގިނަ ބަޔަކު އަންނަނީ އުޅެމުންނެވެ. ނަމަވެސް މި އާޓީކަލްގައި މި ހިއްސާކޮށްލަނީ އަވަހަށް ސްޓޫޑަންޓް ލޯނު ދެއްކުމަށް ކުރެވިދާނެ ބައެއް ކަންކަމަށެވެ.

އެއްފަހަރާ ބޮޑު އަދަދެއް ދެއްކިދާނެ
އެއްފަހަރާ ބޮޑު އަދަދެއް ދެއްކުމުގެ ޤާބިލްކަން ހުރިނަމަ މިއީ ކުރެވިދާނެކަމެކެވެ. މީގެ ސަބަބުން އަވަހަށް ލޯނު ދައްކާ ނިމޭނެއެވެ. މިސާލަކަށް ބަލާނަމަ 10 އަހަރުން ދައްކަންޖެހޭ 25000 ޑޮލަރުގެ 6.8 އިންސައްތައިގެ ލޯނެއްނަމަ ދައްކަންޖެހޭނީ މަހަކަށް 288 ޑޮލަރެވެ. ނަމަވެސް މަހަކަށް 700 ޑޮލަރު ދައްކާނަމަ އަވަހަށް ލޯނު ދެއްކޭނެއެވެ. ނަމަވެސް މިއީ މާލީގޮތުން ތަނަވަސްކަން ހުރިނަމަ ކުރެވޭނެކަމެކެވެ.

advertisement

ކޮލެޖް ރީޕޭމަންޓް ފަންޑެއް ޤާއިމްކުރުން
ކޮލެޖްއަށް ފައިސާ ރައްކާކުރުމަކީ ލޯނު ދެއްކުން އަވަސްކުރުމަށް ކުރެވިދާނެ މުހިންމު ކަމެކެވެ. މިސާލަކަށް ވަކި ޙާއްސަ އެކައުންޓެއް ހެދުމަށްފަހު ކޮންމެ މަހަކުވެސް ވަކި އަދަދަކަށް އެ އެކައުންޓަށް ފައިސާ ޖަމާކޮށް ކޮލެޖް ފީދެއްކުމަށް ރައްކާކުރެވިދާނެއެވެ. މީގެ ސަބަބުން ބޭކާރުގޮތުގައި ފައިސާ ބޭނުންކުރުމުގެ ބަދަލުގައި މުހިންމު ކަމަކަށް ރައްކާކުރެވި ކޮލެޖް ލޯނު ދައްކަން ފަސޭހަވެގެންދާނެއެވެ.

ކޮލެޖްގައި އުޅޭއިރު ޕާޓްޓައިމްކޮށް ވަޒީފާއަކަށް ދިއުން
ކޮލެޖްގައި ކިޔަވަމުންދާއިރު ޕާޓްޓައިމްކޮށް ވަޒީފާއަކަށް ދިއުމަކީ ކޮލެޖް ލޯނު ދެއްކުމަށް ފައިސާ ދައްކާ އަވަހަށް ލޯނު ދެއްކުމަށް މަގުފަހިވެގެންދާނެކަމެކެވެ. މިސާލަކަށް ބަލާނަމަ ޕާޓްޓައިމްކޮށް ވަޒީފާއަކަށްގޮސް މަހަކަށް 500 ޑޮލަރު ލިބުނު ނަމަވެސް އަހަރަކަށް ބަލާނަމަ އެއީ 6000 ޑޮލަރެވެ. އެހެންކަމުން މީގެ ސަބަބުން ލޯނު އަވަހަށް ދެއްކުމަށް މަގުފަހިވެގެންދާނެއެވެ.

ބަޖެޓާއި އެއްގޮތައް އަމަލުކުރުން
ފައިސާ ހަރަދުކުރާނެ ގޮތުގެ ޕްލޭންއެއް ހެދުމަކީ ވަރަށް މުހިންމު ކަމެކެވެ. އަދި ޕްލޭނާއި އެއްގޮތައް އަމަލުކުރަމުން ގެންދިއުމަކީ މާމުހިންމު ކަމެކެވެ. އެހެންކަމުން ފައިސާ ލިބޭވަރު ބަލައި ހަރަދުކުރާނެ ގޮތާއި ރައްކާކުރާނެ ގޮތުގެ ޕްލޭންއެއް ހަދާލައި ބޭކާރު ޙާރަދުތައް މަދުކުރުމުން ލޯނު ދެއްކުމަށް އެހީއަކަށްވެގެންދާނެއެވެ.

ލޯނު މާފުކޮށްދިނުމަށް އެދި ހުށައެޅުން
ލޯނު މާފުކޮށްދޭ ޕްރޮގްރާމްތަކަށް އެދި ހުށައެޅުމަކީ ލޯނު ދެއްކުމަށް ދަތިވެފައިވާ ފަރާތްތަކަށް ކުރެވިދާނެކަމެކެވެ. ނަމަވެސް މިއިން ކޮންމެ ޕްރޮގްރާމެއްގައިވެސް ޤަވައިދުތަކަކާއި އުސޫލުތަކެއް އޮންނާނެއެވެ. އެހެންކަމުން މިފަދަ ޕްރޮގްރާމަކަށް ހުށައަޅާއިރު ރަނގަޅު މައުލޫމާތު ހޯދުމަށްފަހު ހުށައެޅުމަކީ މުހިންމުކަމެކެވެ.

އިންޓްރެސްޓް ރޭޓު ދައްކުރެވޭނެ ގޮތްތައް ބެލުން
އޮޓޮމެޓިކުން ލޯނު ދެއްކޭގޮތް ހަދާނަމަ ބައެއް ފަރާތްތަކުން އިންޓްރެސްޓް ރޭޓު 0.25 އިންސައްތައާއި 0.5 އިންސައްތައަށް ދައްކޮށްދޭނެއެވެ. ޕްރައިވެޓް ފަރާތްތަކުން މީގެއިތުރަށްވެސް އިންޓްރެސްޓް ރޭޓު ވަކި ޝަރުތުތަކަކާއިއެކު ދަށްކޮށްދީފާނެއެވެ. އެގެތެރޭގައި އެއްފަހަރާއި ގިނަ އަދަދެއް ދެއްކުމާއި އެ ފަރާތްމެދުވެރިކޮށް އެހެން ލޯނެއް ނެގުން ފަދަ ކަންކަން ހިމެނެއެވެ.

ރާއްޖޭގައިވެސް ގިނަ އަދަދެއްގެ ކިޔަވާކުދިންނަކަށްވަނީ ލޯނު ދެއްކުމުގައި ބުރަބޮޑުވެފައެވެ. އެހެންކަމުން ލޯނު ނެގުމުގެ ކުރިން ލޯނު ދައްކާނެ ގޮތުގެ ޕްލޭންއެއް ހަދައި ލޯނު ނެގުމަކީ މުހިންމު ކަމެކެވެ. އެހެންނޫންނަމަ ކިޔަވާ ނިމުމަށްފަހު އެތައް އަހަރެއް ވަންދެން ލޯނު ނުދެއްކިގެން އުޅެންޖެހިދާނެއެވެ.