ސްޓެޓިސްޓިކަލް ކައުންސިލް ގެ މެމްބަރުކަމަށް ކުރިމަތިލުމުގެ ފުރުޞަތު ހުޅުވާލައިފި

ސްޓެޓިސްޓިކަލް ކައުންސިލް ގެ މެމްބަރުކަމަށް ކުރިމަތިލުމުގެ ފުރުޞަތު ހުޅުވާލައިފިއެވެ. ޕްރައިވެޓް ސެކްޓަރ އަދި ސިވިލް ސޮސައިޓީ ތަކަށްވެސް ކުރިމަތިލުމުގެ ފުރުސަތު ވަނީ ހުޅުވާލާފައެވެ.

ކުރިމަތިލުމަށްއެދޭ ފަރާތްތަކުން 9 ސެޕްޓެމްބަރ 2021 ވާ ބުރާސްފަތި ދުވަހުގެ މެންދުރު 12:30ގެ ކުރިން ފޯމް ހުށައަޅަންޖެހެއެވެ. ކުރިމަތިލުމަށް އެދޭ ފޯމާއި ލިޔެކިޔުންތައް މޯލްޑިވްސް ބިއުރޯ އޮފް ސްޓެ ޓިސްޓިކްސްގެ ވެބްސައިޓުން ލިބެންހުންނާނެއެވެ.

advertisement

ދިވެހިރާއްޖޭގެ ތަފާސްހިސާބުގެ ޤާނޫނު ގެ ތިންވަނަ ބާބުގައި ބަޔާންކޮށްފައިވާ ފަދައިން ބިއުރޯގެ މަސައްކަތްތައް ކުރުމަށާއި ދިވެހިރާއްޖޭގެ ތަފާސްހިސާބާގުޅޭ ސިޔާސަތުތައް އެކުލަވާލުމަށް، އަދި ތަފާސްހިސާބުގެ ޤައުމީ ނިޒާމު ކުރިއެރުވުމަށް ލަފާދޭ ސްޓެޓިސްޓިކަލް ކައުންސިލެއް އޮންނަންޖެހެއެވެ. މިގޮތުން ސްޓެޓިސްޓިކަލް ކައުންސިލް އެކުލަވާލާ، މިކައުންސިލްއަށް މެމްބަރުން ކަނޑައެޅުން 18 ސެޕްޓެމްބަރ 2021 ގެ ނިޔަލަށް ހަމަވާތީ، ސްޓެޓިސްޓިކަލް ކައުންސިލްގައި ޕްރައިވެޓް ސެކްޓަރ އަދި ސިވިލް ސޮސައިޓީ ތަމްސީލުކުރާނެ 4 ފަރާތެއް ޢައްޔަންކުރެއްވުމަށްޓަކައި، އެކަމަށް ކުރިމަތިލުމުގެ ފުރުޞަތު، މިއަދުން ފެށިގެން ވަނީ ހުޅުވާލާފައެވެ.

ސްޓެޓިސްޓިކަލް ކައުންސިލަށް މެންބަރުން ޢައްޔަންކުރަންވާނީ، ތަފާސްހިސާބު، ނުވަތަ އިކޮނޮމިކްސް، ނުވަތަ ޑެމޮގްރަފީ، ނުވަތަ ސޯޝަލް ސައިންސް، ނުވަތަ އެންވަޔަރަމަންޓަލް ސްޓަޑީސް، ނުވަތަ ޑޭޓާ ސައިންސް، ނުވަތަ އެކައުންޓިންގ ފަދަ ރޮނގަކުން ޑިގްރީއެއް ނުވަތަ އެއާ އެއް ފެންވަރުގެ ސަނަދެއް ޙާޞިލުކޮށް، ހިންގުމުގެ ތަޖުރިބާ ލިބިފައިވާ ފަރާތްތައްކަމަށް ވަނީ ބުނެފައެވެ. އަދި މިއީ މޯލްޑިވްސް ބިއުރޯ އޮފް ސްޓެޓިސްޓިކްސް އިން އެކުލަވާލައި ޢާންމުކުރާ ތަފާސްހިސާބު ބޭނުންކުރާ ފަރާތްތަކަށްވާންޖެހެއެވެ.