ގޭތެރޭގައި ތަށިދޮވުމަކީ އަންހެނުން އެކަނި ކުރަންޖެހޭ ކަމެއް ނޫން

ގޭތެރޭގައި ތަށި ދޮވުމުގައި އަންހެނުންނަށް އެހީތެރިވެދެން ހެއްޔެވެ؟ ބައެއް ފިރެހެނުން ބުނާގޮތުގައި ގޭތެރޭގައި ތަށިދޮވުމުގައި އަންހެނުންނަށް އެމީހުން އެހީތެރިވެދެއެވެ. ނަމަވެސް އަނެއްބައި މީހުން ބުނާގޮތުގައި ގޭތެރޭގެ މަސައްކަތްތައް ކަމުގައިވާ ކެއްކުމަށް ތަކެތި ކޮށުމުގައި އެމީހުން އަންހެނުންނަށް އެހީތެރިވެދެއެވެ. ނަމަވެސް އެމީހުން ތަށިދޮންނަން އަންހެނުން ނުވަތަ މަންމަ ބޭނުމެއް ނުވެއެވެ. ސަބަބަކީ އެ މަސައްކަތް ކުރަން ނޭންގޭކަމަށް ބުނެއެވެ.

ގިނަ ފިރެހެނުންނަކީ އެހާމޮޅަށް ކައްކަން އިނގޭނެ ބައެއް ނޫނެވެ. ނަމަވެސް ގޭތެރޭގައި ތަށިދޮވުމުގެ މަސައްކަތުގައި ފިރެހެނުންނަށް އެހީތެރިކަން ފޯރުކޮށްދެވިދާނެއެވެ. މި ރިޕޯޓުގައި މި ހިމަނާލަނީ ފިރެހެނުން ތަށިދޮންނަން ޖެހޭ ބައެއް ސަބަބުތަކެވެ.

advertisement

• މިއީ ވަކި ޖިންސަކަށް ޙާއްސަ މަސައްކަތެއް ނޫން

ގޭތެރޭގެ މަސައްކަތްތަކާއި ކުދިންބެލުން ފަދަ މަސައްކަތަކަކީ ވަކި ޖިންސަކަށް ޙާއްސަ މަސައްކަތްތަކެއްކަމަށް ޤަބޫލުކުރި ޒަމާން ވަނީ މާޒީވެ ވަނީ ގޮސްފައެވެ. ކުރީ ޒަމާނުގައި މިއީ ހަމައެކަނި އަންހެނުންނަށް ޙާއްސަ މަސައްކަތެއްކަމަށް ޤަބޫލުކުރެވުނަސް މިހާރު މިއީ އެހެން އޮންނަންޖެހޭ ކަމެއްކަމަކަށް މުޖްތަމައު ޤަބޫލެއް ނުކުރެއެވެ.

• ރަނގަޅު ރޯލް މޮޑެލްއަކަށް ވުން

ބަދަލަކަށް ވާހަކަދެއްކުމުގެ ބަދަލުގައި މީހާ އަމިއްލައަށް އެ ބަދަލު ދެއްކުމަކީ އެންމެ މުހިންމު ކަމެވެ. އެހެންކަމުން ތިމާގެ އަމިއްލަ ދަރިފުޅަށް ރަނގަޅު ރޯލް މޮޑަލްއަކަށް ވުމަށްވެސް މިއީ ކުރެވިދާނެ މުހިންމު ކަމެކެވެ. ދަރިފުޅު ބޮޑުވެގެން އަންނައިރު ދަރިފުޅު ކާތަށި އަމިއްލައަށް ދޮންނަން ބުނުމުގެ ބަދަލުގައި ބެލެނިވެރިޔާ މިކަން ކުރާނަމަ ދަރިފުޅަށް ރަނގަޅު މިސާލެއް އެ ދައްކާދެވެނީއެވެ. އަދި ދަރިފުޅު މިކަން ޤަބޫލުކުރާލެއްވެސް އަވަސްވާނެއެވެ.

• ދިރިއުޅުމުގެ ހާސްކަމުން ދުރުވުން

ދިރިއުޅުން ބިނާވެފައިވާ ގޮތުން ކޮންމެ މީހަކީވެސް ވަރަށް ބިޒީކޮށް އުޅޭ މީހަކަށް މިހާރު މިވަނީ ވެފައެވެ. ދިރިއުޅުމުގައި ހާސްކަން ވަނީ ވެރިވެފައެވެ. އެހެންކަމުން ތަށިދޮވުމާއި، ކެއްކުމާއި، އިސްތިރިކުރުން، ކުނިކެހުން ފަދަ މަސައްކަތް ކުރުމަކީ މީހާ ހާސްކަމުން ދުރުކޮށް ސިކުނޑިއަށް ހަމަޖެހުން ލިއްބައިދޭނެ ކަންކަމެވެ.

ތީގެތެރެއިން ގިނަ ފިރެހެނުންނަކީ މިހާރުވެސް ގޭތެރޭގެ މަސައްކަތުގައި އެހީތެރިވެދޭ ބައެކެވެ. ނަމަވެސް ގޭތެރޭގެ މަސައްކަތް އެއްގޮތަކަށްވެސް ނުކުރާ ފިރެހެނުން އެބައުޅެއެވެ. އެހެންކަމުން މި މަސައްކަތުގައި ކުރިއަށްއޮތް ތަނުގައި އަންހެނުންނަށް އެހީތެރިވެދިނުމަކީ ކުރަންވީކަމެކެވެ. މީގެ ސަބަބުން އާއިލީ ގުޅުންވެސް ބަދަހިވެގެންދާނެއެވެ.