ބައެއް ތަކެތި ރީޔޫސްކޮށް، ގޭގެއިން އުކާލެވޭ ކުނި މަދުކުރަން އެބަ ޖެހޭ

ގޭގައި ވަރަށް ގިނަ ކުދި އުކާލަން ޖެހޭދޯއެވެ. ކުދި ގިނަވެ ތިންހަތަރު ކޮޅަކަށް ނޭޅޭ ފަހަރުވެސް އާދޭދޯއެވެ. ނަމަވެސް ދިރިއުޅުމުގެ ވައްޓަފާޅި ބަދަލުކޮށްލުމުން ކުންޏަކީ މަދުކުރެވިދާނެ އެއްޗެކެވެ. މި އާޓިކަލްގައި މި ހިއްސާކޮށްލަނީ ކުނި މަދުކުރެވިދާނެ ބައެއް ގޮތްތަކެވެ.

ތިމާވެއްޓާއި ރަހުމަތްތެރި ރީޔޫސަބަލް ކޮތަޅު ބޭނުންކުރުން

advertisement

ފިހާރައަކަށް ގޮސް އަންނައިރު ގޭގައި ކޮތަޅުތައް ގިނަވެފައި ހުންނާނެއެވެ. ނަމަވެސް ވިޔަފާރިކުރަން ދާއިރު ރީޔޫސަބަލް ކޮތަޅެއް ހިފައިގެން ދިއުމުން މި މައްސަލަ ހައްލުވީއެވެ. އަދި މިއީ ތިމާވެއްޓާވެސް އެންމެ ރަހުމަތްތެރިގޮތެވެ.

ބަދިގޭގައި ބޭނުންކުރާ ޕްލާސްޓިކް ތަކެތި މަދުކުރުން

ޕްލާސްޓިކް ރެޕް، ޓިން ފޮއިލް، ޕޭޕަރ ޓަވަލް، ޕްލާސްޓިކް ޒިޕް ކޮތަޅު ފަދަ ތަކެއްޗަކީ ބޭނުންކުރަން ފަސޭހަ ތަކެތި ކަމަށްވެސް ވެދާނެއެވެ. ނަމަވެސް މިއީ ގޭތެރޭގައި އިފެދޭ އިތުރު ކުންޏެވެ.

ޑިސްޕޯސަބަލް ފެންފުޅި އަދި ކޮފީތަށި ބޭނުންކުރުން ހުއްޓާލުން

ޑިސްޕޯސަބަލް ކޮފީ ތައްޓަކީ 2 ވަނަ ފަހަރު ބޭނުންކުރެވޭނެއެއްޗެއްނޫނެވެ. އެހެންކަމުން މިފަދަ ތަށީ ބޭނުންކުރުމުގެ ބަދަލުގައި ތަނަކަށްދާއިރު ޓްރެވެލް މަގެއްގައި ކޮފީ ގެންދިއުމަކީ އެންމެ އެދެވިގެންވާ ގޮތެވެ. އަދި ފެންވެސް މިގޮތައް ގެންދެވިދާނެއެވެ. މީގެ ސަބަބުން ޚަރަދުވެސް ކުޑަވާނެއެވެ.

ބޭނުންނުކުރާ ތަކެތި ވިއްކާލުން

ބޭނުންނުކުރާ ތަކެތި ގޭތެރޭގައި ހުރުމަކީ ގޭގެ ޖާގަވެސް ގެއްލޭނެ ކަމެކެވެ. ނަމަވެސް ބޭނުންކޮށްފައި ހުރި ރަނގަޅު ހާލަތްތަކުގައި ހުރި ތަކެތި ހެޔޮ އަގެއްގައި އެހެންމީހުންނަށް ވިއްކާލެވިދާނެއެވެ.

މިކަންކަމަކީ ތިމާވެއްޓާއި ރަހުމަތްތެރި ގޮތް އިހުތިޔާރުކޮށް ޚަރަދު ކުޑަކުރުމަށްވެސް ކުރެވިދާނެކަމެކެވެ. އަދި މީގެ ސަބަބުން ގޭތެރޭގައި އުފެދޭ ކުނިވެސް މަދުވެގެންދާނެއެވެ. އެހެންކަމުން ދެން ފަހަރަކުން މިގޮތައް އަމަލުކުރުން ކިހިނެތްވާނެ ހެއްޔެވެ؟