ކިޔެވުމުގެ އިތުރުން ކުދިންނަށް އެކި އެކި ހުނަރު ދަސްކޮށްދިނުން މުހިއްމު

ކިޔެވުމުގެ އިތުރުން ސްކޫލްގެ މާހައުލުގައި އިތުރު ހަރަކާތްތަކުގައި ބައިވެރިވުމަކީ ވަރަށް ގިނަ ކުދިން ކުރާކަމެކެވެ. ނަމަވެސް މިފަދަ ހަރަކާތްތަކުގައި ބައިވެރިވުމުގެ ސަބަބުން ކުއްޖާގެ ކިޔެވުމަށް އޭގެ ސަބަބުން ނޭދެވޭ އަސަރުކުރާކަމަށްބުނެ ބައެއް ބެލެނިވެރިން އެމީހުންގެ ދަރިން އިތުރު ހަރަކާތްތަކުގައި ބައިވެރިއެއް ނުކުރެއެވެ.

މަދަރުސީ ދައުރުގައި ބޭންޑް، ކެޑޭޓް، ސްކައުޓް ފަދަ ކަންކަމަކީ އަޅުގަނޑުގެ ނަޒަރުގައި ދަރިވަރުންގެ ކިޔެވުމަށް އެޅޭ ހުރަހެއް ނޫނެވެ. މިއީ ކުއްޖާއަށް އިތުރު ހުނަރުތަކާއި މައުލޫމާތުތައްލިބި އައު ކަންތައްތައް ތަޖުރިބާކުރުމަށް ލިބޭ ފުރުސަތެކެވެ. މި ހަރަކާތްތަކުގައި ބައިވެރިވުމުގެ ސަބަބުން މީހުންގެ ތެރޭގައި އުޅެން ދަސްވެ މީހުންނަށް އިޚްތިރާމް ކުރުމާއި އަޅާލުމާއި އެހީވުން ފަދަ ކަންކަން ދަސްވެގެންދެއެވެ. އިންސާނާގެ ސިކުނޑީގައި ގިނަވަގުތު ހަރުލައި ހުންނަނީ ތިމާ އަބަދުވެސް ކުރަމުން އަންނަ ކަންކަމެވެ. އެހެންކަމަށްވާނަމަ ސުކޫލު ދައުރުގާ އިތުރު ހަރަކާތްތަކާއި ހުނަރުތައް ދަސްކުރުމަކީ ނުހަނު މުހިންމުކަމެކެވެ.

advertisement

ކިޔަވަމުން އިތުރު ކަންކަމާއި ބޯގާނަންވެއްޖެނަމަ ކިޔެވުން ނޫނީ ދެންއެކުރާ އެހެންކަމެއްގެމަތިން ފޫހިވުމަކީ ފަހަރުގައި ބައެއް ކުދިންނަށް ވެދާނެކަމެކެވެ. މީގެ އިތުރުން މަސައްކަތުގެ މާހައުލަކީ ތަފާތު އަޚުލާޤުގެ ތަފާތު ވިސްނުންތަކާއި ފިކުރުތަކުގެ މީހުން އުޅޭ ތަނެކެވެ. އެގޮތުން ނުބައި އަޚުލާގެއްގެ ބަޔަކު އުޅޭތަނަކާއި ދިމާވެއްޖެނަމަ ތިބާގެ ގައިގައި އެފަދަ ސިފަތަކެއް އަށަގެންފާނެއެވެ. ނަމަވެސް ކުރަންވީކަމަކީ އިތުރު ހަރަކާތްތަކުގައި ބައިވެރިވުމާއި ކިޔެވުމަށް ވަގުތުދިނުން ބަހާލަންވީއެވެ. އިތުރު ހަރަކާތްތަކުގައި ބައިވެރިވާންވާނީ އެކުންޖަކަށް ކުރެވޭނެ މިންވަރަކުންނެވެ. ކިޔެވުމަށް ވަގުތު ހުސްކުރެވޭނެ މިންވަރު ބަލައިގެންނެވެ. ބެލެނިވެރިންވެސް މިކަމަށް ސަމާލުކަން ދިނުމަކީ މުހިންމުކަމެކެވެ.