މާބަނޑު އަންހެނުން ކޯވިޑް ވެކްސިން ޖެހުން މުހިއްމު

ކޯވިޑްގެ ސަބަބުން މާބަނޑު އަންހެނުންނަށް ރިސްކް ހައިކަމަށާއި އެހެންކަމުން މާބަނޑު އަންހެނުން ވެކްސިން ޖެހުމަކީ މުހިންމުކަމެއްކަމަށް އެޗްޕީއޭއިން ވިދާޅުވެއްޖެއެވެ.

އެޗްޕީއޭއިން ވަނީ މާބަނޑު އަންހެނުން ވެކްސިން ޖެހުމަށް ބާރުއެޅުމުގެ ގޮތުން މަޝްހޫރު ލަވަކިޔުންތެރިޔާ ލަމްހާ ލަތީމް މެދުވެރިކޮށް މާބަނޑު އަންހެނުން ވެކްސިން ޖެހުމަށް ފުރިހަމަކުރަންޖެހޭ މަރުހަލާތައް ވީޑިއޯއެއްގެ ޒަރިއްޔާއިން ދައްކާލާފައެވެ. މި ވީޑިއޯގައި ލަމްހާ ބުނެފައިވަނީ އޭނާ ވެކްސިން ޖަހަން އައިސްފައިވަނީ ވެކްސިން ޖަހަން ބޭނުންވެގެންކަމަށެވެ.

advertisement

މާބަނޑު މީހުންނަށް ވެކްސިން ޖެހުމުގެ ކަންކަން އިންތިޒާމްކޮށްފައިވަނީ ވަރަށް ފަސޭހަކޮށްކަމަށެވެ. އެގޮތުން އެޕޮއިންޓްމަންޓް ހައްދަން ނުޖެހޭކަމަށާއި، އެމީހުންނަށް ޙާއްސަ އިންތިޒާމްތަކެއް ހަމަޖައްސައިދީ ކިޔުގައި މަޑުކުރަންވެސް ނުޖެހޭކަމަށެވެ.

ވެކްސިން ޖެހުމުގެ ހުރިހައި ކަމެއްވެސް ދިޔައީ ވަރަށް އަމާންކަމާއި އޮމާންކަމާއިއެކުގައިކަމަށް ލަމްހާ ވަނީ ފާހަގަކޮށްފައެވެ. ވެކްސިން ޖަހާ ނިންމާފައި 15 މިނެޓް އެތަނުގައި މަޑުކޮށްލަން ޖެހުނުކަމަށް އޭނާ ވަނީ ބުނެފައެވެ. އެއީ ވެކްސިން ޖެހުމަށްފަހު އެއްވެސް ސައިޑް އިފެކްޓެއް އާދޭތޯ ބެލުމަށެވެ.

ކޯވިޑްގެ ނަންބަރުތައް ދައްކޮށް ބެހެއްޓުމަށް ވެކްސިން ޖެހޭ އާބާދީގެ ވީހާވެސް ގިނަ މީހުން އަވަހަށް ވެކްސިންގެ 2 ޑޯޒް ފުރިހަމަކުރުމަކީ ވަރަށް މުހިންމުކަމެކެވެ. ޙާއްސަކޮށް މާބަނޑުމީހުންނަކީ ހައި ރިސްކު މީހުންކަމަށް ވުމާއިއެކު އެމީހުން ވީހާވެސް އަވަހަށް ވެކްސިން ޖެހުމަކީ މުހިންމުކަމެކެވެ.