“ސާރކިއުލަރ އިކޮނޮމީ” އަކީ ކޮބާ؟ އަދި ރާއްޖެ ސާރކިއުލަރ އިކޮނޮމީއަށް ދާނީ ކިހިނެއް؟

ސާކިއުލާ އިކޮނޮމީއަކީ ޤައުމަކަށް އިޤްތިޞާދީގޮތުން ގެންނަ ތަރައްޤީތައް ވިޔަފާރިތަކާއި، މުޖްތަމައުއަށާއި އަދި ތިމާވެއްޓާއި ރަހުމަތްތެރިގޮތްތަކަށް ކުރުމެވެ. މިސާލަކަށް ބަލާއިރު ކުނި މެނޭޖްކުރުމުގައިވެސް އެއީ ތިމާވެއްޓާއި އަދި މުޖްތަމައުއަށް އެކަމުގެ ސަބަބުން ފައިދާވާނެ ގޮތަކަށް އެކަން ކުރުމެވެ.

ކުނި ނައްތާލާ ޕްލާސްޓިކް ބޭނުންކުރުން ހުއްޓާލާ ޤައުމަކަށް ހެދުމަކީ މި ސަރުކާރުގެ އަމާޒެކެވެ. އެގޮތުން ސިންގަލް ޔޫސް ޕްލާސްޓިކް ފޭސްއައުޓް ކުރުމުގެ ސިޔާސަތެއް މި ސަރުކާރުން ގެންގުޅެއެވެ. 2030 ވަނަ އަހަރު ނެޓް ރީޒޯ ކުރުމުގެ ސިޔާސަތަކާއި، ނޫ އިޤްތިޞާދުގެ ތެރެއިން ކުނިން ނަފާ ހޯދުމަކީވެސް މި ސަރުކާރުގެ އަމާޒެކެވެ.

advertisement

ރާއްޖެ ޒީރޯ ވޭސްޓްއަށް ދިއުމަށްއޮތް އެންމެ ބޮޑު ގޮންޖެހުމަކީ ކުންޏާއި ބެހޭގޮތުން ހަދާފައިވާ ޤަވައިދުތައް ފުށުއެރުންކަމަށް މި ދާއިރާގައި މަސައްކަތްކުރާ ފަރާތްތަކުން ބުނެއެވެ. އެގޮތުން ޕްލާސްޓިކް މަދުކުރުމާއި ކުނިން ނަފާ ހޯދުމުގެ ވައުދަށް ފުށުއަރާ 1 ޕްރޮޖެކްޓް ކުނި މެނޭޖްކުރުމުގެ ނިޔަތުގައި ހިނގާކަމަށް ދާއިރާގެ ފަރާތްތަކުން ބުނެއެވެ. އެއީ ތިލަފުށީގައި މިއަޅާ 500 ޓަނުގެ އިންސިނިރޭޝަން ފެސިލިޓީއެވެ.

މި ފެސިލިޓީ ޤާއިމްކުރުމުން ޕްލާސްޓިކް ފޭސްއައުޓް ކުރަންވެސް ވަރަށް ބޮޑު ގޮންޖެހުންތަކެއް އަންނާނެއެވެ. އެއީ ޕްލާސްޓިކް މަދުކޮށްފިއްޔާ ފަހަރެއްގައި މިކަން ނުކުރެވުން އެކަށީގެންވެއެވެ.

ނެޓް ޒީރޯވާން 2030 އަށް އަމާޒުހިފާފައިވާއިރު އިންސިނަރޭޝަން ފެސިލިޓީއަށް އަޅާފަ އޭގެއިން ކުނި އެންދީމަ ޖެނެރޭޓްވާ ކާބަން އެމިޝަން އެއީ ކަރަންޓުން ހަކަތަ އުފައްދަން ބޯޓުދެލި އެންދުން ކަހަލަ ކަމެކެވެ. 500 ޓަނުގެ އިންސިނެރޭޝަން ފެސިލިޓީއަކީ 8 މެގަވޯޓްގެ ކަރަންޓުވެސް އުފައްދަންށާއި އެކު އަޅާ ފެސިލިޓީއެކެވެ.

މި ފެސިލިޓީއަކީ ކުނިން ނަފާ ހޯދުމުގެ ވައުދަށްވެސް ފުށުއަރާނެކަމެކެވެ. ޕްރޮޖެކްޓް ޑިޒައިން ކޮށްފައިވަނީ ޑިޒައިން ބިލްޑް އެންޑް އޮޕަރޭޓް މޮޑަލްއަށެވެ. އެހެންކަމުން ފެސިލިޓީ އަޅައި އޮޕަރޭޓް ކުރާނީވެސް ބޭރުގެ ފަރާތަކުންނެވެ. އެހެންވީމަ ފެލިސިޓީން ލިބޭ އާމްދަނީވެސް ދާނީ ރާއްޖެއިން ބޭރަށެވެ.