ހަށިގަނޑުގެ ދިފާއީ ނިޒާމް ވަރުގަދަ ކުރުމަށް ކުރެވިދާނެ ބައެއް ކަންތައްތައް

ބަލިތަކުން ސަލާމަތްވެ ހުރުމަށް އިންސާނާގެ ދިފާއީ ނިޒާމަކީ މުހިންމު އެއްޗެކެވެ. ދިފާއީ ނިޒާމު ވަރުގަދަނަމަ ބަލިތައް ޖެހުން ސަލާމަތްވެ އަދި ބަލީގައި ބޮޑުވަރުވުމުން ރައްކާތެރިކޮށްދޭނެއެވެ. ދިފާއީ ނިޒާމަކީ އިންފެކްޝަނާއި އަދި ޓޮކްސިން އިން ސަލާމަތްކޮށްދޭ ނިޒާމެކެވެ. އެހެންނަމަވެސް ބޭނުންކުރާ ކާނާގެ ސަބަބުން ދިފާއީ ނިޒާމަށް އަސަރު ފޯރާނެއެވެ.

ދިފާއީ ނިޒާމު ބަލިކަށިނަމަ އެކަން އެމީހެއްގެ އަމަލުތަކުން ފެންނަން ހުންނާނެއެވެ. އޭގެތެރެއިން ބައެއް އަލާމާތްތަކުގެ ތެރޭގައި ގިނަގިނައިން ކެއްސުން، ގިނަގިނައިން ބަނޑުގައި ރިއްސާ ގޮތްވުން، އަބަދު ވަރުބަލިކަން އިހުސާސް ކުރެވުން އަދި ސްޓްރެސް ލެވެލް މަތިވުން ހިމެނެއެވެ.

advertisement

ދިފާއީ ނިޒާމް ވަރުގަދަވުމަށް ގުޅިފައިވަނީ އިންސާނާ ކާ ކާނާގެ މައްޗަށެވެ. އެގޮތުން ދިފާއީ ނިޒާމް ވަރުގަދަ ކުރުމަށް ކެއުމުގައި ކޮންމެހެން ހިމެނިދާނެ ބާވަތްތައް ހުރެއެވެ. އޭގެތެރޭގައި ބަދަން، އަމަރަންތު އަދި ބޭބީ ކޯން ހިމެނެއެވެ. އަދި ޕީނަޓް ބަޓާ، ލޯ ފެޓް ކޮޓޭޖް ޗީޒް، ސީފުޑް، އޯގެނިކް ބިސް، ގްރީކް ޔޯގަޓް އަކީވެސް ދިފާއީ ނިޒާމް ވަރުގަދަ ކުރުމަށް ކެއުމުގައި ބޭނުންކުރެވިދާނެ ބާވަތްތަކެވެ.

ދިފާއީ ނިޒާމު ވަރުގަދަ ކުރަން ބޭނުންނަމަ ކެއުމުގެ އިތުރުން އެހެނިހެން މުހިންމު ބައެއް ކަންކަންވެސް ކުރެވިދާނެއެވެ. އޭގެތެރޭގައި ހަމަނިދި ހޯދުމާއި. ކޮންމެދުވަހަކު ވެސް ކަސްރަތު ކުރުމާއި، ގިނަގިނައިން އަތް ދޮވުމުގެ އިތުރުން ގިނައިން ވިސްނާ ފިކުރު ނުކުރުން ހިމެނެއެވއަދި ދުންފަތުގެ އިސްތިއުމާލު ކުރުމަކީ ދިފާއީ ނިޒާމު ބަލިކަށި ކޮށްދޭ ކަމެއްކަމަށް ދިރާސާތަކުން ދައްކައެވެ.