ތިމާ މުސްކުޅި ވިޔަސް ސިކުނޑި މުސްކުޅިވާކަށް ނުޖެހޭ

އުމުރުން ދުވަސްވާ ވަރަކަށް ސިކުނޑި މަސައްކަތް ކުރުމާއި، ހަނދާން ހުރުން ފަދަ ކަންކަން ދަށްވެއެވެ. މިއީ ސައިންސްގެ ހޯދުންތަކުގެ އަލީގައި އެނގެންއޮތް ކަމެކެވެ. މިކަމަކީ ގިނަބަޔަކު ކަންބޮޑުވާ ކަމަކަށްވެސް ވެދާނެއެވެ. ނަމަވެސް އުމުރުން ދުވަސްވި ނަމަވެސް ސިކުނޑި މަސައްކަތްކުރާ މިންވަރު އިތުރުކުރުމަށް ބައެއް ކަންކަން ކުރެވިދާނެކަމަށް ދިރާސާއަކުން ދައްކައިފިއެވެ. މިއީ ހަނދާންހުރުން އިތުރުކޮށްދީ ސިކުނޑި މަސައްކަތްކުރާ މިންވަރު އިތުރުކުރުމަށް ކުރެވިދާނެ ކަންކަންކަމަށް ވަނީ ހޯދިފައެވެ. އޭގެތެރޭގައި ހިމެނޭ ކަންކަމުގެ ތެރޭގައި:

ކްރޮސްވޯޑް ޕަޒަލް

advertisement

ކްރޮސްވޯޑް ޕަޒަލް ކުޅުމުގެ ސަބަބުން މީހާގެ ސިކުނޑި ތަނަވަސްވެގެންދެއެވެ. މިއީ އުމުރުން ދުވަސްވީ މީހުންނަށް ސިކުނޑި ތަނަވަސްކޮށް ހަނދާން ހުރުމަށް ކުރެވިދާނެކަމެކެވެ.

ސްކްރެބަލް

ހޯދުންތަކުން ދައްކާގޮތުން ސްކްރެބަލް ކުޅުމަކީ ބްލަޑް ޕްރެޝަރ ދަށްކޮށްދީ، މެމޮރީ ރަނގަޅަށް މަސައްކަތްކުރުވާ ކަމެކެވެ. އަދި މިއީ އުފާވެރިކަން ގެނުވާ ގޭމެއްވެސްމެއެވެ.

ރާޒުވާ

ރާޒުވާއަކީ ގިނަ މީހުން ކުޅޭ ގޭމެކެވެ. މިއީވެސް ސިކުނޑި ތަނަވަސްކޮށްދޭ ކުޅިވަރެކެވެ. ދިރާސާއިން ދައްކާގޮތުން 75 އަހަރުން މަތީގެ މީހުންގެ ތެރެއިން ރާޒުވާ ކުޅޭ މީހުންނަށް ސިކުޑީގެ އެކިއެކި މައްސަލަތައް ދިމާވުން ދަށްކޮށްދެއެވެ.

ޕަޒުލް ކުޅުން

ރަނގަޅު 2 ޕަޒުލް ހޯދާ އެ ގުޅުވުމަކީ މީހާގެ ސިކުނޑި މަސައްކަތްކުރުން ރަނގަޅުކޮށްދޭ ކަމެއްކަމަށް ދިރާސާއިން ދައްކައެވެ. އަދި މިއީ އުމުރުން ދުވަސްވާއިރު މީހާއަށް އުފާވެރިކަމާއި ރަނގަޅު ސިއްހަތެއްގައި ހުރުމަށް އެހީތެރިވެދޭނެކަމެއްވެސްމެއެވެ.

އުމުރުން ދުވަސްވުމުން ރަނގަޅު ސިއްހަތެއްގައި ހުރުމަށް ރަނގަޅު ކާނާވެސް މުހިންމު ރޯލެއް އަދާކުރެއެވެ. އެގޮތުން ރަނގަޅު ކާނާއާއި ކަސްރަތުކުރުމަކީވެސް މުހިންމު ކަމެކެވެ.