އަލީ ވަހީދަށް ކުރި ޖިންސީ ފުރައްސާރައިގެ ތުހުމަތުތައް ހަނދާންނެތުނީތޯ؟

މަގާމުގައި ހުންނަވައިގެން މުވައްޒަފުންތަކަކަށް ޖިންސީ ގޯނާކުރި ކަމަށް ތުހުމަތުކުރެވި، ކޯޓަށް ފިއްލަވައިގެން އިނގިރޭސިވިލާތުގައި އުޅުއްވާ ކުރީގެ ޓޫރިޒަމް މިނިސްޓަރު އަލީ ވަހީދު، އެ މަގާމުން ވަކިކުރި ފަހުން ފުރަތަމަ ފަހަރަށް ނޫސްވެރިންނާ ބައްދަލުކުރައްވައި ދެއްވި ނޫސްވެރިންގެ ބައްދަލުވުމަށް ގިނަ ބައެއްގެ ފާޑުކިޔުންތައް އަމާޒުވެއްޖެއެވެ.

އިނގިރޭސިވިލާތުގައި ހުންނަވައި ވީޑިއޯ މެދުވެރިކޮށް، ކުރިއަށްގެންދިޔަ މި ނޫސްވެރި ބައްދަލުވުމުގައި އޭނާ މައިގަނޑު ގޮތެއްގައި ވާހަކަ ދެއްކެވީ، މަގާމުން ވަކިކުރި ގޮތާއި ތުހުމަތު ކުރެވޭ މައްސަލައިގެ ތަހުގީގާއި އެކަމާ ގުޅިގެން އޮތް ހިތްހަމަނުޖެހުންތަކާއި ޝަކުވާތަކުގެ މައްޗަށެވެ. އޭނާ ވިދާޅުވީ, ކުށެއް ނުކުރާ ކަމަށާއި އަދި ކުށެއް ނުދެއްކޭނެ ކަމަށާއި މިއީ އެހެން މީހުން ޒާތީވެގެން ހިންގާ ކަންތައްގަނޑެއް ކަމަށެވެ. ދެން މުޅިންހެން ދެއްކެވީ އެހެން މީހުންގެ ގޯސްތަކުގެ ވާހަކަ އެވެ.

advertisement

މިކަމާއި ގުޅިގެން ގިނަ ބަޔަކު ވަނީ ސޯސަލް މީޑިއާގައި އަލީ ވަހީދަށް ފާޑުކިޔުންތައް އަމާޒުކޮށްފައެވެ. މީހުން ބުނެފައިވަނީ ޓޫރިޒަމް މިނިސްޓްރީގެ މުވައްޒަފުންނަށް ޖިންސީ ގޯނާ ކުރިކަމުގެ ތުހުމަތު މިހާރު އޭނާ ހަނދާންވެސް ނެތްކަމަށެވެ. ޖިންސީ ފުރައްސާރައިގެ މައްސަލަ އޮއްބަން އެހެނިހެންވާހަކަ ދެއްކިޔަސް މިކަމުން ސަލާމަތެއް ނުވާނެކަމަށާއި އަދި އަލީ ވަހީދު ސަލާމަތްވެގެން ނުވާނެކަމަށް ޓްވިޓަރގައި ވަނީ މީހުން ބުނެފައެވެ.

އަލީ ވަހީދު ވަނީ ރައީސް އިބްރާހިމް ޞާލިހްއަށްވެސް ތުހުމަތުތަކެއް ކުރައްވާފައެވ. އެގޮތުން ކުރީގެ ރައީސް އަބްދުﷲ ޔާމީންގެ ވެރިކަމުގައި, އެމްއެމްޕީއާރުސީގެ ހިޔާނާތުގެ ފައިސާގެ ތެރެއިން 35 މިލިއަން ރުފިޔާ އަޅާފައި ހުރި ދަބަހެއް ރައީސް އިބްރާހީމް މުހައްމަދު ސޯލިހު ގެންދެވި ކަމުގެ ތުހުމަތު އަލީ ވަހީދު ކުރައްވިއެވެ.

މާލޭގެ ރެހެންދި ފްލެޓުން “ކަޅު ދަބަސް” އުފުއްލެވި ބޭފުޅުންގެ ތެރޭގައި އެމްޑީޕީގެ އެންމެ އިސް ފަސް މަގާމުގައި ތިއްބެވި ބޭފުޅުން ހިމެނިވަޑައިގަންނަވާ ކަމަށް އަލީ ވަހީދު ވިދާޅުވިއެވެ. އޭގެ ފަހުން، ތަފުސީލަށް ވަޑައިގެން އޭނާ ވިދާޅުވީ އޭގެ ތެރޭގައި ރައީސް ވެސް ހިމެނިވަޑައިގަންނަވާ ކަމަށާއި އޭގެ ވީޑިއޯ ޕޮލިހުގައި ވެސް ހުންނާނެ ކަމަށެވެ. އަދި، ފުލުހުންގެ އެ ލިސްޓްގައި ހިމެނޭ ބައެއް ބޭފުޅުންގެ ނަންތައް ކަނޑާލައިފައިވާ ކަމުގެ ތުހުމަތު ކުރައްވައި، އެކަމަށް ޓަކައި، އެ މައްސަލަ އިސްކޮށް ބެއްލެވި އެސިސްޓެންޓް ކޮމިޝަނަ އޮފް ޕޮލިސް މުހަންމަދު ރިޔާޒު، ﷲއަށް ބިރުވެތިވާން ޖެހޭނެ ކަމަށް އޭނާ ވިދާޅުވި އެވެ.