ދައުލަތުގެ ބެލުމުގެ ދަށުގައި ތިބޭ ކުދިންނަށް ފޮސްޓަރ ކެއަރ މުހިިއްމު

ކޮންމެ ކުއްޖަކީވެސް އާއިލާއެއްގެ ލޯތްބާއި އަޅާލުން ބޭނުންވާނެ ކުއްޖެކެވެ. ނަމަވެސް ކޮންމެވެސް ސަބަބަކާއިހުރެ މި އަޅާލުމާއި ލޯބިން ބައެއް ކުދިން މަހުރޫމްވެގެންދެއެވެ. މިފަދަ ބައެއް ކުދިން އެކުދިންގެ މުޅި ދިރުއުޅުން އުޅެންޖެހިފައިވަނީ ދައުލަތުގެ ބެލުމުގެ ދަށުގައި ހަދާފައިވާ ކުދިން ބަލަހައްޓާ ތަންތަނުގައެވެ.

ރާއްޖޭގައިވެސް ގިނަ ކުދިންތަކެއް އަޅާލާނެ މީހަކު ނެތުމުގެ ސަބަބުން ދައުލަތިގެ ބެލުމުގެ ދަށުގައި އެބަތިއްބެވެ. ނަމަވެސް މިއިން ކޮންމެ ކުއްޖަކަށްވެސް ފޮސްޓަރ ކެއަރ ބޭނުންވާނެ ކުއްޖެކެވެ. ކޮންމެ ކުއްޖަކީވެސް އާއިލާއެއް ބޭނުންވާނެ ކުއްޖެކެވެ. އެއީ އަދި އެ ކުއްޖާގެ އަމިއްލަ އާއިލާ ނޫނަސްއެވެ.

advertisement

ދައުލަތުގެ ބެލުމުގެ ދަށުގައި ތިބޭ ކުދިންނަށް ފޮސްޓަރ ކެއަރ މުހިންމު ވަނީ ކީތްވެ؟

ކުއްޖާއަށް ރައްކާތެރި އަދި ސްޓޭބަލް އެންވަޔަރަމަންޓެއް ފޯރުކޮށްދިނުމަށް ފޮސްޓަރ ކެއަރ އަކީ ކޮންމެ ކުއްޖަކަށްވެސް މުހިންމު ކަމެކެވެ. މީގެ ސަބަބުން ކުއްޖާއަށް އޭނާގެ އަމިއްލަ ގޭގައި އުޅުމުގެ އިހްސާސް ކުރެވޭނެއެވެ.

ދައުލަތުގެ ބެލުމުގެ ދަށައްދާ ގިނަ ކުދިންނަކީ އެބިއުސް ނުވަތަ ނެގްލެކްޓް ކުރެވިފައިވާ ކުއްޖެކެވެ. އެހެންކަމުން އާއިލާއެއްގެ ފަރާތުން ލިބެންޖެހޭ އަޅާލުމާއި ލޯބިން އެކުދިން ވަނީ މަހުރޫމްވެފައެވެ. ނަމަވެސް ފޮސްޓަރ ޕޭރަންޓްގެ ފަރާތުން އާއިލާގެ ފަރާތުން އުނިވެފައިވާ ކަންކަން އެކުދިންނަށް ހޯދައިދެވޭނެއެވެ.

ފޮސްޓަރ ހޯމްގެ ސަބަބުން ކުދިންނަށް ކުއްޖެއްގެ ޒިންމާތައް އަދާކުރަން ދަސްވެގެންދެއެވެ. އަދި މިއީ ކުއްޖާއަށް އޭނާ ބޭނުންވާ ކަންކަން ކުރުމަށް މަގުފަހިވެގެންދާނެކަމެކެވެ. ދިރިއުޅުމުގައި އަޅާނުލެވި އާއިލާގެ ލޯބި ނުލިބި ތިބި ކުދިންނަށް ފޮސްޓަރ ޕޭރަންޓުންގެ ސަބަބުން ދިރިއުޅުމައިގެން ކުރިއަށްދާން ދަސްވެ އަމިއްލަ ނަފްސަށް އޮންނަ އިތުބާރާއި ޔަޤީންކަން އިތުރުވެގެންދެއެވެ.

އެހެންކަމުން އާއިލާގެ ތެރޭގައި މައްސަލަތައް ބޮޑުވެ ދައުލަތުގެ ބެލުމުގެ ދަށުގައި ތިބި ކުދިންނަށް ފޮސްޓަރ ޕޭރަންޓުންގެ އަޅާލުމަކީ މުހިންމު ކަމެކެވެ. މިއީ އެކުދިންނަށް އިތުރު ދިރިއުޅުމެއް ލިބުން ފަދަ ކަމެކެވެ.

ޖެންޑަރ މިނިސްޓްރީގެ މެންޑޭޓުގެ ތެރޭގައިވެސް ދައުލަތުގެ ބެލުމުގެ ދަށުގައި ތިބޭ ކުދިންނަށް މި ފުރުސަތު ހޯދައިދިނުން ވަނީ މަތިކޮށްފައެވެ. އެގޮތުން ޖެންޑަރ މިނިސްޓްރީއަށް ކުޑަކުދިންގެ ބެލެނިވެރިކަން ދައުލަތަށް ނެގޭ ކުދިން “ފޮސްޓަރ މެކޭނިޒަމް” އެއްގެ ދަށުން އާއިލާތަކާއި ހަވާލުކުރުމަށް ކުރަންޖެހޭ މަސައްކަތްތައް ކުރުމާއި، އެގޮތުން ހަވާލުކުރެވޭ ކުދިންގެ ހާލަތު މޮނިޓަރކޮށް ބެލެހެއްޓުމަށް ވަނީ ހިމަނާފައެވެ.