ޕްލާސްޓިކް ޓަރފް ދަނޑުތަކަކީ ތަރައްޤީއެއް ނޫން

ރާއްޖޭގެ ގިނަ ރަށްރަށުގައި ވަނީ ޓާފު ދަނޑުތައް އަޅާފައެވެ. މިފަދަ ގިނަ ދަނޑުތައް ހަދާފައިވަނީ ޕްލާސްޓިކް ޓާފުންނެވެ. ނަމަވެސް މިއީ ސިއްހީގޮތުންނާއި އަދި ތިމާވެއްޓަށްވެސް އެންމެ ރައްކާތެރި ގޮތެއްނޫނެވެ. މިކަމާއި ދެކޮޅަށް ޓްވިޓަރގައި ގިނަ ބަޔަކު ވަނީ ކަންބޮޑުވުން ފާޅުކޮށްފައެވެ.

ސޭވް މޯލްޑިވްސް ކެންޕެއިނުން ޓްވިޓަރގައި ބުނެފައިވަނީ އުދައިގައި ކުރެންދޫ ރީތި ފުޓުބޯޅަ ދަނޑު ހަލާކުވެފައިވާކަމަށެވެ. މި ރީތިކަމަކީ އަވާމެންދުރެއްކަން ރައްޔިތުންނަށް ނޭންގޭކަމަށް ވަނީ ބުނެފައެވެ. ޕްލާސްޓިކް ޓާފަކީ ބިމަށާއި އެތާކުޅޭމީހުންގެ ސިއްހަތައް ރަނގަޅު އެއްޗެއްނޫންކަމަށާއި މިއީ ވެއްޓަށްވެސް ގެއްލުންދޭ އެއްޗެއްކަމަށް ސޭވް މޯލްޑިވްސްއިން ވަނީ ބުނެފައެވެ. އަދި މިއީ މާލީގޮތުންވެސް ބޮޑު ގެއްލުމެކެވެ.

advertisement

މުޅި ރާއްޖޭގެ ރަށްތަކުގައި މި ޕްލާސްޓިކް ފަތުރަމުންދަނީ އެއްވެސް ގޮތަކަށް އެއިން އާންމުންގެ ސިއްހަތައް ހުރި ނުރައްކަލަކަށް މާދަމާއަށް ބެލުމެއް ނެތިއެވެ. ޕްލާސްޓިކާއިހެދި ބިމަށް ފެންހިނދޭނެގޮތެއްވެސް ނޯންނާނެކަމަށާއި، ރަށައް މިފަދަ ބޮޑެތި ގެއްލުންދޭއިރު ރައްޔިތުންގެ ބައިވެރިވުންވެސް ބޮޑުކަމަށް ސޭވް މޯލްޑިވްސްއިން ވަނީ ބުނެފައެވެ.

ކަނޑޫދޫގައި ގުދުރަތީ ވިނަ ހައްދައިގެން ހަދާފައިވާ ފުޓުބޯޅަ ދަނޑެއްގެ ފޮޓޯއެއް ޓްވިޓަރގައި ހިއްސާކުރަމުން މީހަކު ބުނެފައިވަނީ ގުދުރަތީ ވިނަ ހައްދައި އެ ދަނޑުވެސް ބަލަހައްޓައިގެން ގެންގުޅެވޭނަމަ މާފުރިހަމަ ވެފައި ހިތްގައިމުކަން ކަނޑޫދޫ ޒުވާނުންނާއި ރައްޔިތުން އެންމެންނަށް ސާބިތުކޮށްދީފައިވާކަމަށެވެ. މިއީ ޒުވާނުންނަށް ޒިންމާ އަދާކުރަންވެސް ދަސްވެގެންދާނެކަމެއްކަމަށް މީހުން ވަނީ ބުނެފައެވެ.