ގެވެށި އަނިޔާގެ ޝިކާރައަށްވާ 57 އިންސައްތަ އަކީ ކުޑަކުދިން

މޯލްޑިވްސް ޕޮލިސް ސަރވިސްއިން އާންމުކޮށްފައިވާ މިދިޔަ އަހަރުގެ 3 ވަނަ ކުއާޓަރުގެ ކުއްތަކުގެ ތަފާސްހިސާބު ރިޕޯޓުން ދައްކާގޮތުން ގެވެށި އަނިޔާގެ ޝިކާރައަކަށްވާ މީހުންގެ %57 އަކީ ކުޑަކުދިންނެވެ. އަދި އަންހެނުންގެ ނިސްބަތަކީ %37 އެވެ. އަދި ގެވެށި އަނިޔާ ލިބޭ ފިރެހެނުންގެ އަދަދަކީ %6 އެވެ.

ފުލުހުންގެ ރިޕޯޓުން ދައްކާގޮތުން ކުޑަކުދިންނަށް ކުރާ ޖިންސީ އަނިޔާގެ މައްސަލަތައް ގިނައެވެ. އެގޮތުން މި މުއްދތުގެ ތެރޭގައި މިބާވަތުގެ 84 މައްސަލައެއް ފުލުހުންނަށް ވަނީ ހުށައަޅާފައެވެ. އުމުރުގެ ގޮތުން ބަލާއިރު އެންމެ ގިނައިން ޖިންސީ އަނިޔާގެ މައްސަލަތައް ރިޕޯޓްކޮށްފައިވަނީ 15 އަހަރާއި 17 އަހަރާއި ދެމެދުގެ ކުދިންގެއެވެ. %34 މައްސަލައަކީ މި އުމުރުފުރާގެ ކުދިންގެ މައްސަލަތަކެވެ.

advertisement

ކުޑަކުދިންނަސް ކުރާ ގެވެށި އަނިޔާގެ މައްސަލަތަކުގައި ޖިސްމާނީގޮތުން ކުރާ އަނިޔާތަކުގެ މައްސަލަތައްވެސް އިތުރެވެ. އެގޮތުން އެބާވަތުގެ 45 މައްސަލައެއް ވަނީ ފުލުހުންނަށް ރިޕޯޓްކޮށްފައެވެ.

ގެވެށި އަނިޔާއާއި ގުޅޭގޮތުން ހުށައެޅޭ މައްސަލަތަކުގެ %3 މައްސަލަ ޕްރޮސެކިއުޝަންއަށް ފޮނުވެއެވެ.