މޫސުމީ ބަދަލްތަކުން ރާއްޖޭގައި ސަލާމަތްވެވެން އޮތީ މުއްސަދިންނަށް އެކަނިތަ؟

މޫސުމަށް އަންނަ ބަދަލުތަކުގެ ސަބަބުން ރާއްޖެއަށް އޮތް ނުރައްކާ ބޮޑެވެ. މިކަމުގެ ކަންބޮޑުވުންތައް ދުނިޔޭގެ ބޮޑެތި ޕްލެޓްފޯމްތަކުގައިވެސް ސަރުކާރުން ދަނީ ފާޅުކުރަމުންނެވެ. މޫސުމަށް އަންނަ ބަދަލުތަކުގެ ސަބަބުން ކަނޑުގެ ލޮނުގަނޑު އުފުލުމާއި ރާއްޖެ ނެތިދިއުމުގެ ބިރު ބޮޑުވެފައިވާއިރު ސަރުކާރުން ދަނީ މިކަމުގައި ކުރެވޭނީ ކޮންކޮން ކަމެއްތޯ ބަލަމުންނެވެ.

އެގޮތުން “މޯލްޑިވްސް ފްލޯޓިން އައިލެންޑް” ގެ ނަމުގައި މާލެ އަތޮޅުގައި ފްލޯޓިން ސިޓީއެއް ތަރައްގީކުރުމަށް ސަރުކާރުން މިހާރު ދަނީ މަސައްކަތްކުރަމުންނެވެ. މިއީ ދުނިޔޭގައިވެސް ޤާއިމްކުރެވޭ ފުރަތަމަ ފްލޯޓިން ސިޓީއެވެ. މިތަނުގެ އަމަލީ މަސައްކަތް އަންނަ މަހު ފަށާނެ ކަން މިހާރު ވަނީ ހާމަކޮށްފައެވެ.

advertisement

މާލެ އަށް 10 މިނެޓުގެ ތެރޭގައި ދަތުރު ކުރެވޭ މި ފްލޯޓިން ސިޓީގައި 5،000 ގެ ހަދަން އޮތީ ރާވައިފަ އެވެ. ތަފާތު ކޮންސެޕްޓަކަށް ހަދާ ފްލޯޓިން ސިޓީގައި ސްކޫލާއި ހޮސްޕިޓަލާއި މޯލްގެ އިތުރުން ކައުންސިލާއި ސަރުކާރު އޮފީސްތައް ވެސް ހަދާނެއެވެ. މިތަނުގެ ގެއެއްގެ އަގު އުޅޭނީ 250،000 ޑޮލަރެވެ. އެހެންކަމުން މޫސުމީ ބަދަލުތަކުން ރާއްޖެއަށް އަންނަ ގެއްލުމުން ސަލާމަތްވެވެންއޮތީ ހަމައެކަނި މުއްސަނދިންނަށް ހެއްޔެވެ؟

ރާއްޖެއަކީ ބޯހިޔާބަހިކަން އެހެން ޤައުމުތަކަށްވުރެ އަގުބޮޑު ގައުމެކެވެ. މާލެއަށް ބަލާލިނަމަވެސް މިކަން ވަރަށް ރަނގަޅަށް ހާމަވެގެންދެއެވެ. ނަމަވެސް މޫސުމަށް އަންނަ ބަދަލުތަކުން ސަލާމަތްވުމަށް ހަދާ ފްލޯޓިން ސިޓީތަކުގެ އަގުތައް މިހާ މަތިވުމަކީ މިއީ ކޮންމެ ކޮންމެ މީހަކަށް އެޕޯޑް ކުރެވޭނެ އަގެއްނޫނެވެ.

ރާއްޖޭގައި ފްލޯޓިން ސިޓީ ހެދުމަށް ނެދަލޭންޑްސް ކުންފުންޏަކާ ސަރުކާރުން ހަވާލުކޮށް، މަޝްރޫއު ރަސްމީކޮށް އިފްތިތާހު ކުރީ މިދިޔަ މާޗު މަހު އެވެ. ފްލޯޓިން ސިޓީ ތަރައްގީ ކުރަނީ ނެދަލޭންޑްސްގެ ޑަޗް ޑޮކްލޭންޑްސް އާއި ސަރުކާރާ ދެމެދު ގާއިމުކުރި ޖޮއިންޓް ވެންޗާއެއްގެ ދަށުންނެވެ.