ނޭންގި ނަމަވެސް ދަރީންގެ ތަރުބިއްޔަތަށް ގެއްލުންދެވޭ ބައްޕައިން މަދެއް ނޫން

ދަރިންގެ ތަރުބިއްޔަތުގައި ބައްޕައިންނަކީ ވަރަށް މުހިންމު ރޯލެއް އަދާކުރާ ބައެކެވެ. ރަނގަޅު ބައްޕަޔަކު ލިބުމަކީ ހަމަޔަޤީނުންވެސް ކުއްޖާގެ ދިރިއުޅުމުގައި ލިބޭނެ ވަރަށް ބޮޑު ނަސީބެކެވެ. ބައްޕައެއްގެ ޒިންމާ އަދާކުރުމަކީ ވަރަށް ޒިންމާބޮޑު ކަމެކެވެ. ރަނގަޅު ބެލެނިވެރިއަކަށްވާން މަސައްކަތް ކުރިނަމަވެސް ބައެއް ފަހަރު ކުރެވޭ ބައެއް ކަންތައްތަކުގެ ސަބަބުން އެކަމަށް ހުރަސް އެޅޭ ފަހަރުވެސް އާދެއެވެ. އަދި ބައްޕައިންގެ އަމަލުތައް ބެހެއްޓޭ ގޮތުގެ ސަބަބުންވެސް ކުއްޖާގެ ދިރިއުޅުން ހަލާކުވެގެންދެއެވެ.

ދަރިފުޅުގެ ކަންކަމުގައި ބައިވެރިނުވުން

advertisement

ފިޒިކަލީވިއަސް އަދި އެމޯޝަނަލީ ވިއަސް ދަރިފުޅުގެ ކަންކަމުގައި ބައްޕައިން ބައިވެރިނުވާނަމަ އެކުއްޖާގެ ދިރިއުޅުމުގައި ހުސްކަމެއް އާދެއެވެ. އަދި މި ހުސްކަން ފުރޭނެ ހަމައެކަނި މީހާއަކީ ބައްޕައެވެ. ބައްޕަގެ އެހީތެރިކަން ހުރިހައި ކަމެއްގައިވެސް ލިބިގެން ބޮޑުވާ ކުދިންނާއި އެ އެހީތެރިކަން ނުލިބި ބޮޑުވާ ކުދިންގެ ތަފާތު ބޮޑެވެ. މަންމަގެ އަޅާލުމާއި ލޯބި ލިބިގެން ބޮޑުވިނަމަވެސް ބައްޕަގެ އަޅާލުމާއި ބައިވެރިވުމަކީ މަންމައަކަށްދެވޭނެ އެއްޗެއްނޫނެވެ. އެހެންކަމުން ކުއްޖާގެ މުޅި ދިރިއުޅުމުގައިވެސް މި ހުސްކަން އަންނާނެއެވެ.

ޑިމާންޑްކުރާ ބައްޕައިން

ކުޑައިރު ޑިމާންޑިން ބެލެނިވެރިއެއްގެ ދަށުގައި ބޮޑުވާ މީހުން ފަހުން ބޮޑުވެގެން ޑިމާންޑިންގ ބައްޕައަކަށް ވުމަކީ ގާތްކަމެކެވެ. ތިމާއަކީ ޑިމާންޑިން ބައްޕައަކަށްވާނަމަ މީގެ ސަބަބުން ކުއްޖާއަށް އަސަރުތަކެއް ކުރާނެއެވެ. މިސާލަކަށް މުބާރާތެއްގައި ބެލެނިވެރިޔާ ބޭނުންވާ ފެންވަރަށް ދަރިފުޅަށް ނުދެވިދާނެއެވެ. ނުވަތަ ބެލެނިވެރިޔާގެ އެކްސްޕެކްޓޭޝަންއަށް ދަރިފުޅަށް ހާސިލްނުވެދާނެއެވެ. ނަމަވެސް ޑިމާންޑް ކުރުމަކީ ދަރިފުޅުގެ ކުރިމަގަށް އެޅޭ ހުރަހެކެވެ.

ދަރިފުޅުގެ އުފާވެރި ކަންކަމުގައި ބައިވެރިނުވުން

ދިރިއުޅުމުގެ ކަންކަމައިގެން ބިޒީވެގެން ދަރިފުޅުގެ އުފާވެރި ވަގުތުތަކުގައި ބައިވެރިނުވުމަކީ ބައެއް ބައްޕައިންނަށް ކުރެވޭ ވަރަށް ދެރަ ކަމެކެވެ. ބެލެނިވެރިޔާގެ ހައިސިއްޔަތުން ބައްޕައިން ދަރިފުޅަށް އެމީހުންގެ އެންމެ ބެސްޓް ދިނުމަކީ ދަރިފުޅަށް އޭނާގެ އެންމެ ބެސްޓަށް ވުމަށް ހުޅުވައިދެވޭ ފުރުސަތެކެވެ. އެހެންކަމުން ދަރިފުޅުގެ މުހިންމު ކަންކަމުގައި ބައިވެރިވެ ދަރިފުޅަށްޓަކައި ބައްޕަ އަބަދުވެސް ހުންނަކަން ސާބިތުކޮށްދޭންޖެހެއެވެ.

ޖިންސުގެ ތަފާތުކުރުންތައް ގެންގުޅުން

ޖިންސުގެ ތަފާތުކުރުންތައް ގެންގުޅުމަކީ ބައެއް ބެލެނިވެރިންނަށް ހެދޭ ގޯހެކެވެ. ނަމަވެސް ބައްޕައެއްގެ ހައިސިއްޔަތުން ދަރިފުޅަށް ބުނެދޭންވީ އަދި ދަސްކޮށްދޭންވީ ޖިންސުގެ ތަފާތުކުރުންތައް ނައްތާލާ ރަނގަޅު އިންސާނަކަށް ވުމަށެވެ. މިސާލަކަށް ފިރެހެން ކުއްޖެއްނަމަ އަންހެން ކުދިންނަށް އިހްތިރާމްކުރަން ދަސްކޮށްދޭންޖެހެއެވެ. އަދި ބައެއް ފަހަރު ފިރެހެންކުދިން ނުރޯނެއޭ ބުނުމަކީވެސް ހެދޭ ގޯހެކެވެ. އެއީ ފިރެހެން ކުއްޖެއްގެ ދިރިއުޅުމުގައިވެސް ހިތާމަވެރި ކަންކަން ދިމާވުމުން ރުޔުމަކީވެސް އަންނާނެކަމެކެވެ.