މާބަނޑުވުމުން ކޮވިޑް ވެކްސިން ޖެހޭނެތަ؟

މިފަހުން މުޅި ދުނިޔެއަށް ކުރިމަތިލާންޖެހުނު އެންމެ ބޮޑު ސިއްހީ ކާރިސާއަކީ ކޯވިޑް19 އެވެ. ކޯވިޑް19 އަށް މިހާރު ވެކްސިންއެއް ހޯދިފައިވީނަމަވެސް އަދިވެސް ކޯވިޑް19 ގެ ނުރައްކާ ކުޑައެއްނުވެއެވެ. މުޅި ދުނިޔޭގައިވެސް ބާރަށް ކޯވިޑް19 އަދިވެސް އަންނަނީ ފެތުރެމުންނެވެ.

ކޯވިޑް19 ޖެހުމުން ބޮޑުވަރުވެ ރިސްކު ހައި މީހުންވެސް ހިމެނެއެވެ. މީގެތެރޭގައި ބޮޑެތި ބަލިތަކާއި ދާއިމީ ބަލިތަކަށް ބޭސްކުރާ މީހުންނާއި ދިފާއީ ނިޒާމް ބަލިކަށި މީހުންނާއި މާބަނޑު މީހުން ހިމެނެއެވެ.

advertisement

ވެކްސިން ނުޖެހޭ މީހުންގެ އާބާދީއެއްވެސް އަޅުގަނޑުމެންގެ ތެރޭގައި އެބައުޅެއެވެ. މާބަނޑު މީހުންނަށް ވެކްސިން ޖެހޭނެތޯ މިއީ ގިނަ ބަޔަކު އުފައްދާ ސުވާލެކެވެ.

ޔުނިސެފް މޯލްޑިވްސްއިން ބުނެފައިވަނީ މާބަނޑު އަންހެނުންނަށް ކޯވިޑް ވެކްސިން ޖެހޭނެކަމަށެވެ. ނަމަވެސް ވެކްސިން ޖަހަންވާނީ ސިއްހީ ހިދުމަތްތެރިންގެ މަޝްވަރާގެ މަތިންނެވެ.

ޑަބްލިއުއެޗްއޯއިން އެޕްރޫވްކޮށްފައިވާ ކޯވިޑް ވެކްސިންތަކަކީ އޭގެ ސަބަބުން ސިއްހީ ނުރައްކަލެއްހުރި ވެކްސިންތަކެއް ނޫންކަން ވަނީ ހާމަވެފައެވެ. އެހެންކަމުން މާބަނޑު މީހުން މި ވެކްސިންތައް ޖެހުމަށް ބިރުގަންނާކަށް ނުޖެހެއެވެ. ސަބަބަކީ:

ކޯވިޑް19 ވެކްސިންއަކީ ޑަބްލިއުއެޗްއޯއިން އެޕްރޫވްކޮށް ބޭނުންކުރުމުގެ ކުރިން މާބަނޑު ޖަނަވާރުންނަށް ޓެސްޓްކޮށްފައިވާ ވެކްސިންތަކެކެވެ. އަދި މީގެ ސަބަބުން އެ ޖަނަވާރުންގެ ބަނޑުގައިވާ ދަރިއަށް އެއްވެސް ގެއްލުމެއް ލިބިފައެއް ނުވެއެވެ.

މާބަނޑު ނޫންމީހުންނަށް މީގެ އަސަރު ކުރާ މިންވަރަށް މާބަނޑު މީހުންނަށްވެސް ވެކްސިންގެ އަސަރުކުރާކަން ހޯދުންތަކުން ދައްކައެވެ.