މަސްތުވާތަކެތި ބޭނުން ކުރުމާ ނަފްސާނީ މައްސަލަތަކާ ގުޅިފައި

މަސްތުވާތަކެތީގެ މައްސަލައަކީ މުޖްތަމައުގައި ބޮޑުވެފައިވާ މައްސަލައެކެވެ. ހަގީގަތަކީ މަސްތުވާތަކެތީގެ މައްސަލަތައް ކޮންމެވެސް އެހެންކަމަކާއި ގުޅިފައިވުމެވެ. މަސްތުވާތަކެއްޗަށް މީހާ ހުށައެޅުމުގައި ސަބަބުތަކެއްވެސް ހުރެއެވެ.

ޖަރނީ އެންޖީއޯއަކީ މަސްތުވާތަކެއްޗާއި ދެކޮޅަށް ރާއްޖޭގައި މަސައްކަތްކުރާ އެންޖީއޯއެކެވެ. މި އެންޖީއޯއިން އަންނަނީ މަސްތުވާތަކެތީގެ ވަބާގައި ޖެހިފައިވާ މީހުންނަށް އެކަމުން ސަލާމަތްވުމަށް އެހީތެރިކަން ފޯރުކޮށްދެމުންނެވެ.

ޖަރނީ އެންޖީއޯއިން ބުނެފައިވަނީ މަސްތުވާތަކެތި ބޭނުންކުރުމާއި ނަފްސާނީ މައްސަލަތަކަކީ ގުޅިފައިވާ ދެކަން ކަމަށެވެ. ބައެއް ހާލަތްތަކުގައި ނަފްސާނީ މައްސަލަތައް މިސާލަކަށް އެންޒައިޓީ، ޑިޕްރެޝަން އަދި ސްކިޒޮފްރޭނިޔާ ފަދަ ނަފްސާނީ މައްސަލަތަކަކީ މަސްތުވާތަކެތި ބޭނުންކުރުމުގެ ކުރިންވެސް މީހާގައިގައި ހުރެދާނެކަމެއްކަމަށެވެ. އަދި ބައެއް ހާލަތްތަކުގައި މިފަދަ ނަފްސާނީ ބަލިތަކަށް ދޯޅު މީހުންނަށް، މަސްތުވާތަކެތި ބޭނުންކުރުމުގެ ސަބަބުން ނަފްސާނީ މައްސަލަތައް ކުރިމަތިވެ ނުވަތަ ހުންނަ މައްސަލަތައް އިތުރަށް ބޮޑުވެގެންދާކަމަށެވެ.

މަސްތުވާތަކެތީގެ މައްސަލަތަކަށް ހުށައެޅޭ މީހުން އަނބުރާ ގައުމަށް ގެނައުމަށް އެމީހުންގެ އާއިލާއާއި ރަހުމަތްތެރިން އަދި މުޖްތަމައުގެ ފަރާތުން އެއްބާރުލުން ބޭނުންވެއެވެ. ނަފްސާނީ ގޮތުން މީހުންނަށް ދިމާވާ މައްސަލަތައް ދެނެގަނެ އެމީހުންނަށް އެކަމުން އަރައިގަތުމަށް ބޭނުންވާ އެހީތެރިކަން ފޯރުކޮށްދޭންޖެހެއެވެ.