މޫސުމީ ބަދަލުތަކާ އެންޒައިޓީ

މޫސުމީ ކާރިސާތަކުގެ ސަބަބުން ދުނިޔޭގެ އެކި ހިސާބުތަކުން އެތައް މިލިއަން މީހުނެއްގެ ނަފްސާނީ ދުޅަހެޔޮކަމަށް އަންނަނީ އަސަރުކުރަމުންނެވެ.

ހީޓްވޭވްގެ ސަބަބުން އަމިއްލައަށް މަރުވާ މީހުންގެ އަދަދު އަންނަނީ އިތުރުވަމުންނެވެ. ފެންބޮޑުވުމާއި އަދި ބޮޑެތި އަލިފާންގަނޑުތަކުގެ ސަބަބުން މީހުންނަށް ކުއްލި ޝޮކުތައް ލިބުމާއި ފިޒިކަލީ އެކިކަހަލަ ގެއްލުންތައް ލިބުން ހިމެނެއެވެ. އަދި ކާއެއްޗެހި ލިބުން ދަތިވުމާއި، ގެދޮރަށް ލިބޭ ގެއްލުންތަކުގެ ސަބަބުން ހާސްވުމާއި ޑިޕްރެޝަންއަށްދެއެވެ.

advertisement

ނަފްސާނީ މައްސަލަތައް ދުނިޔޭގެ އެކި ކަންކޮޅުތަކުން އެތައް ބިލިއަން މީހުންނަކަށް ވަނީ ދިމާވެފައެވެ. އަދި މިފަދަ މައްސަލަތަކުގެ ސަބަބުން އަހަރެއްގެ މައްޗަށް އެތައް ފައިސާއެއް ހަރަދުވެއެވެ. ހޯދުންތަކުން ދައްކާގޮތުން މޫސުމީ ބަދަލުތަކާއި ކާރިސާތަކަށް އަޅާނުލައިފިނަމަ މީގެ ސަބަބުން މީހުންގެ ނަފްސާނީ ދުޅަހެޔޮކަމަށް ވަރަށް ބޮޑަށްވެސް އަސަރުކުރާނެއެވެ. އެހެންކަމުން މޫސުމީ ބަދަލުތަކާއި ދެކޮޅަށް މަސައްކަތްކުރަންޖެހެއެވެ.

މޫސުމީ ބަދަލުތަކުން މީހުންގެ ނަފްސާނީ ދުޅަހެޔޮކަމަށް އަސަރުކުރާކަމަކީ އަދި އަހަރެމެންނަށް އެހާބޮޑަށް ދެނެނުގަނެވި ނުވަތަ އަޅާނުލެވިވާ ކަމެކެވެ. ނަމަވެސް މިކަން ދެމިގެންދާނަމަ މީގެ ސަބަބުން މީހުންނަށް ނުރަނގަޅު އަސަރުތަކެއް ކުރާނެއެވެ.

މޫސުމީ ބަދަލުތަކާއި ދެކޮޅަށް ފަރުދީ ފެންވަރުގައިވެސް މަސައްކަތްކުރެވިދާނެއެވެ. އަދި މުޖްތަމައުގެ ފެންވަރުގައާއި ސަރުކާރުގެ ފެންވަރުގައިވެސް މިކަމަށް ކުރެވިދާނެ މަސައްކަތްތައް ގިނައެވެ. މި މައްސަލަތަކަށް އެންމެ އެދެވޭގޮތުގައި އެޑްރެސް ކުރެވިއްޖެނަމަ މީހުންގެ ދިރިއުޅުމާއި އެމީހުންގެ ވެލްބީންއަށް ހެޔޮ އަސަރުތަކެއް ކުރާނެއެވެ.