އެންޒައިޓީގެ އަސަރު މަދުކުރުމަށް ކުރެވިދާނެ ކަންތައްތައް

އެންޒައަޓީ ޑިސްއޯޑާ އަކީ ނަފްސާނީ ބައްޔެކެވެ. އަދި އެންޒައަޓީ ޑިސްއޯޑާއެއް ހުންނަ ނަމަ އަދައިގެ ދިރިއުޅުމެއް ވޭތު ކުރަން އުދަނގޫ ވެއެވެ. މި ޑިސްއޯޑާގެ ވައްތަރުތަކުގެ ތެރެގައި ޕެނިކް ޑިސްއޯޑާ އަދި ސޯޝަލް އެންޒައެޓީ ޑިސްއޯޑާ، ސްޕެސިފިކް ފޯބިއާސް ގެ އިތުރުން ޖެނެރަލައިޒްޑް އެންޒައިޓީ ޑިސްއޯޑާ ހިމެނެ އެވެ.

ޕެނިކް ޑިސްއޯޑާ އެއް ތަހައްމަލު ކުރާނަމަ ކުއްލިއަކަށް ވަރަށް ބޮޑަށް ބިރުގަނެ، ދާހިތްލައި މޭގައި ރިއްސާ އަދި މޭ ތެޅޭ ގޮތް ވެއެވެ. އަދި ބައެއް ފަހަރަށް ނޭވާ ނުލެވޭހެން ހީވެ، ހާސްވެ ހީވާނީ ހާޓް އެޓޭކެއް ޖެހެން އުޅޭހެންނެވެ.

ސޯސަލް އެންޒައިޓީ ޑިސްއޯޑާ ނުވަތަ ސޯޝަލް ފޯބިއާ އަކީ އާއްމުންގެ ތެރޭގައި އުޅޭއިރު އެހެން މީހުން މަލާމާތް ކުރާހެން ހީވެ ލަދުގަނެ އެކަމާއި މާބޮޑަށް ވިސްނުމެވެ. އަދި މީހުންގެ މަލާމަތާއި ފުރައްސާރަ ރައްދުވާހެން އިހްސާސް ވުމުގެ ސަބަބުން އެއްވެސް ކަމެއް ކުރަން ނުކެރި ހުރެވެއެވެ.
ދެން އޮތީ ޖެނެރަލައިޒްޑް އެންޒައިޓީ ޑިސްއޯޑާ އެވެ. މިއީ އާދާޔާ ހިލާފަށް ބޭކަރު ކުދި ކުދި ކަންކަމާ މުޅި މީހާ ވިންސާ، ޓެންޝަނަށް ގޮސް އުޅުމުގެ ސަބަބުން ކުރިމަތިވާ ކަމެކެވެ.

އެންޒައިޓީގެ މައްސަލަތައް ދިމާވާނަމަ މިކަން ކުޑަކުރުމަށް ކުރެވިދާނެ ބައެއް ކަންތައްތައް:

advertisement

ގަވައިދުން ކަސްރަތުކުރުން

ގަވައިދުން ކަސްރަތުކުރުމަކީ މީހާގެ ފިޒިކަލް އަދި އެމޯޝަނަލް ހެލްތްއަށް ވަރަށް މުހިންމު ކަމެކެވެ. މިއީ އެންޒައިޓީން ދުރުވުމަށް ކުރެވިދާނެ މުހިންމުކަމެކެވެ.

ދުންފަތުގެ އިސްތިއުމާލު ކުރުމުން ދުރުވުން

ހާސްވުން އިތުރުވުމުން ސިނގިރޭޓެއް ބޯލުމަކީ ވަރަށް ގިނައިން މީހުން ކުރާކަމެކެވެ. ނަމަވެސް މިއީ ވަގުތީ ފައިދާއެއް ލިބޭ ކަމެކެވެ. ސިނގިރޭޓު ބޯލާ ވަގުތުގައި ހާސްކަން ފިލާފާނެއެވެ. ނަމަވެސް  ދުރަށް ވިސްނާއިރު މިއީ އެންޒައިޓީ އިތުރުވުމަށް މަގުފައިވާކަމެކެވެ. ދިރާސާއިން ދައްކާގޮތުން ސިނގިރޭޓުގައި ހުންނަ ނިކޮޓިންއާއި އެހެން ކެމިކަލްގެ ސަބަބުން އެންޒައިޓީއަށް މަގުފަހިވެއެވެ.

ކެޕެއިން އެކުލެވޭ އެއްޗެހި ބޭނުންނުކުރުން

އެންޒައިޓީގެ މައްސަލަ ބޮޑު މީހެއްނަމަ ކެޕެއިން އެކުލެވޭ ބުއިންތައް ބުއިމަކީ ރަނގަޅުގޮތެއް ނޫނެވެ. މިއީ މީހާގެ އެންޒައިޓީގެ މައްސަލަތައް ބޮޑުވެގެންދާނެކަމެއްކަމަށް ދިރާސާއިން ދައްކައެވެ.

ނިދުން

ރަނގަޅަށް ނިދި ހަމަކުރުމަކީ އެންޒައިޓީގެ މައްސަލައަށް ހޯދިދާނެ ހައްލެކެވެ. ރޭގަނޑު ނިދުމާއި، ނިދާ ވަގުތާއި ކައިރިކޮށްފައި ޓީވީއާއި ފިލްމު ބެލުން މަދުކުރުމަކީ ހަމަ ނިދި ހޯދުމަށް ކުރެވިދާނެ ކަންކަމެވެ.

ސިއްހަތައް ފައިދާހުރި ކާނާ ކެއުން

ހަކުރު ދަށްވުމާއި، ޑީހައިޑްރޭޝަން، އަދި ޕްރޮސެސްކޮށްފައި ހުންނަ ކާނާ ކެއުމަކީ ބައެއް މީހުންގެ މޫޑަށް ބަދަލުއަންނަ ކަންކަމެވެ. ކެއުމަށް ފަހުގައި އެންޒައިޓީގެ މައްސަލަ ބޮޑުވާނަމަ ކެވޭ އެއްޗިއްސާއިމެދު ވިސްނާލާށެވެ. ކެއުމުގައި ކާބޯހައިޑްރޭޓްސް ގިނައިން އެކުލެވޭ ކާނާއާއި މޭވާއާއި ތަރުކާރީ ބޭނުންކޮށް ގިނައިން ފެން ބުއިމަކީ ކުރެވިދާނެކަމެކެވެ.