ޚަބަރު

ކުއްލި ނުރައްކާ ހާލަތެއްގައި އަމަލު ކުރާނެ ގޮތް ކުދިންނަށް ދަސްކޮށްދޭންޖެހޭ: އާކް

17 އޮކްޓޯބަރ 2021 - 14:58

ކުއްލި ހާލަތްތަކާއި ދިމާވާ އެކިއެކި އެމަޖެންސީ ހާލަތްތަކުގައި އަމަލުކުރާނެގޮތް ކުޑަކުދިންނަށް ދަސްކޮށްދޭންޖެހެއެވެ. ސަބަބަކީ މިފަދަ ކާރިސާތަކުގެ ސަބަބުން އެންމެ ބޮޑު އަސަރެއްކުރާ އެއް ބަޔަކީ ކުޑަކުދިންނަށްވުމެވެ. އަދި ކާރިސާއެއް ދިމާވާ ހާލަތުގައި އެންމެ ރަނގަޅަށް އަސަރުކުރާނެ ގޮތް ކުޑަކުދިންނަށް ބުނެދެވިފައިނުވާނަމަ މީގެ ސަބަބުން ވަރަށް ހިތާވަވެރި ގޮތްތައް ދިމާވެދާނެތީއެވެ.

ކުއްލި ނުރައްކަލުގެ ބައެއް ހާލަތްތަކަށް ބަލާލާއިރު އަލިފާނުގެ ހާދިސާތަކަކީ ވަރަށް ގިނައިން ދިމާވާ ހާދިސާތަކެކެވެ. މިސާލަކަށް އަލިފާނުގެ ހާދިސާއެއް ދިމާވެއްޖެނަމަ އަމަލުކުރާނެގޮތް ކުޑަކުއްޖަކަށް ބުނެދެވިފައިވާނަމަ އެފަދަ ހާދިސާއެއް ދިމާވުމުން އެކަމުން ސަލާމަތްވުމަށް އަމަލުކުރަންޖެހޭނެގޮތް އެކުދިންނަށް ކުރީބައިގައި ހުންނާނީ އެނގިފައެވެ.

advertisement

މީގެއިތުރުން ރާއްޖެއަކީ ވަށައިގެން ކަނޑު އޮންނަ ގައުމަކަށް ވުމާއިއެކު ކަނޑުމަތީގައި ދިމާވެދާނެ އެކިއެކި ހާދިސާތަކަށްވެސް ކުޑަކުދިން ތައްޔާރުކުރުމަކީ މުހިންމު ކަމެކެވެ. އެގޮތުން ކުޑައިރުގައި އެކުދިންނަށް ފަތަން ދަސްކޮށްދެވިދާނެއެވެ. މިއީ މިފަދަ ހާދިސާއަކުން ސަލާމަތްވުމަށް ކުރެވިދާނެ އެންމެ މުހިންމު ކަމެވެ.

މީގެއިތުރުންވެސް ފެންބޮޑުވުމާއި އުދައެރުން ފަދަ ހާދިސާތަކަކީ ރާއްޖޭގެ ރަށްރަށުގައިވެސް ވަރަށް އާންމުކޮށް ދިމާވާ ހާދިސާތަކެކެވެ. މިކަންކަމަށް ކުއްޖާގެ ކުޑައިރު ތަރުބިއްޔަތުކޮށް ދަސްކޮށްދިނުމަކީ ވަރަށް މުހިންމު ކަމެކެވެ.

ރިއެކްޝަންސް
0
0
0
0
0
0
0