ލޯބިވާ ގާތް މީހެއް ނިޔާވުމުން ހިތާމަކުރާ މީހަކަށް އެހީވާނީ ކިހިނެތް؟

ލޯބިވާ މީހަކު މަރުވުމަކީ އެމީހެއްގެ ދިއުޅުން އޭގެ ސަބަބުން މުޅި އުމަރަށް ބަދަލުވެގެންދާނެ ކަމެކެވެ. ތިމާގެ ރަހުމަތްތެރިއެއް ނުވަތަ އާއިލާ މީހެއް ނުވަތަ އެހެންވެސް ދަންނަ މީހެއްގެ ލޯބިވާ މީހަކު މަރުވުމުން އޭނާއަށްޓަކައި ހުރުމަކީ މުހިންމު ކަމެކެވެ. ނަމަވެސް ބައެއް ފަހަރު ބައެއް މީހުންނަށް ނޭންގެނީ މިފަދަ ހާލަތެއްގައި އަމަލުކުރާނެ ގޮތެވެ. ނަމަވެސް މިއީ ލޯބިވާ މީހަކު މަރުވުމުން އޭނާއަށް އެހީތެރިކަމާއި ސަޕޯޓް ދެވިދާނެ ބައެއް ގޮތްތަކެވެ.

ކަނުލާ އަޑުއެހުން

advertisement

ބައެއް ފަހަރު ތިމާއަށް އަނެކާއަށް ދެވޭނެ އެންމެ ބޮޑު ސަޕޯޓަކީ އެނާގެ ވާހަކަތައް ކަނުލާ އަޑުއެހުމެވެ. އެމީހަކު އެ ތަހައްމަލް ކުރަމުންދާ ވޭން ފުހެނުދެވުނުނަމަވެސް އެމީހާއަށްޓަކައި ހުރިކަން ސާބިތުކޮށްދީ އޭނާގެ ވާހަކަތައް އަޑުއެހުމަކީ ހަމަގައިމުވެސް ލިބޭނެ ލުއެކެވެ.

އެމީހާގެ ހިތާމަތަކަށް އިހްތިރާމްކުރުން

މިފަދަ ކަންކަމުން އެކިމީހުންނަށް އަސަރުކުރާނީ އެކި މިންވަރަށެވެ. އަދި އެކިމީހުންގެ އަމަލުތަކާއި އެކަންކަމުން އިކަވަރ ވުންވެސް ބިނާވެގެންވަނީ އެކި މިންވަރަށެވެ. އެހެންކަމުން މިކަންކަމަށް އިހްތިރާމް ކުރަންޖެހެއެވެ.

މޫޑަށް އަންނާނެކަން ދެނެގަތުން

ލޯބިވާ މީހަކު މަރުވުމުން ހަމަގައިމުވެސް އެމީހެއްގެ މޫޑަށްވެސް ބަދަލުއަންނާނެއެވެ. ބައެއްފަހަރު އަޑިގުޑަންތައް އަންނާނެކަން ދަންނަންޖެހޭނެއެވެ.

އެޑްވައިސް ދިނުން ހުއްޓާލުން

ލޯބިވާ މީހަކު ވަކިވެފައިވާ މީހަކަށް ކަންތައްތައް ކުރަންވީ ގޮތުގެ އިރުޝާދުދިނުން ހުއްޓާލާށެވެ. މިއީ ރަނގަޅު އިރުޝާދަކަށް ވީނަމަވެސް އެ ހާލަތުގައި އެމީހެއްގެ ހާލަތު އިތުރަށް ގޯސްވެދާނެއެވެ.

ވަކިވެދިޔަ މީހާއާއި ގުޅޭގޮތުން ވާހަކަ ނުދެއްކުން

ބައެއްފަހަރު ވަކިވެދާ މީހާއާއި ބެހެގޮތުން ވާހަކަދެކެވޭ މަންޒަރު ފެނެއެވެ. މިސާލަކަށް އޭނާ ވަނީ މާރަނގަޅު ތަނެއްގައޭ، އޭނާ އެ ދަތުރު ކުރެއްވީ ﷲ ގެ ހަޒްރަތައްށޭ ފަދަ ބަސްތައް ބުނެވެއެވެ. ނަމަވެސް މިފަދަ ވާހަކަތައް ދެއްކުމުން ކުރާ އަސަރު އިތުރުވެގެންދެއެވެ.

އަބަދުވެސް އޭނާއަށްޓަކައި ހުރުން

ލޯބިވާ މީހަކު ވަކިވުމުން އެކިއެކި ވަގުތުތަކުގައި ހިތާމަވެރިކަން އިހްސާސްވެއެވެ. އެހެންކަމުން ކޮންމެ ވަގުތެއްގައިވެސް އޭނާއަށްޓަކައި ހުރުމަކީ މުހިންމު ކަމެކެވެ. އަދި ދޭތެރެދޭތެރެއިން ގުޅާ އޭނާގެ ހާލުބަލާށެވެ. އެއިރުން އޭނާއަށްޓަކައި މީހަކު ހުރިކަމުގެ އިހްސާސް ކުރެވޭނެއެވެ.