ބިން ހިއްކުމަކީ ތިމާވެއްޓަށް ހުރި އެންމެ ރަނގަޅު ގޮތްތަ؟

ރާއްޖޭގެ ރަށްރަށުގައި އާބާދީ އިތުރުވެ ބިން ކުޑަވުމުގެ ސަބަބުން ގިނަ ރަށްރަށުގައި އަންނަނީ ބިން ހިއްކަމުންނެވެ. 2020 ވަނަ އަހަރުގެ ދައުލަތުގެ ބަޖެޓްގައިވެސް އެކި ރަށްރަށުގެ ބިން ހިއްކުމަށް 954.5 މިލިއަން ރުފިޔާ ކަނޑައަޅާފައިވާކަމަށް ފިނޭންސް މިނިސްޓްރީގެ ތަފާސްހިސާބުތަކުން ދައްކައެވެ. ނަމަވެސް ބިން ހިއްކުމަކީ މިކަމުގައި އޮތް އެންމެ ރަނގަޅު ގޮތްތޯ މިއީ އުފެދޭ ސުވާލެކެވެ.

ބިން ހިއްކުމުގެ ސަބަބުން ކަނޑުފަޅުގެ ދިރުމަށް އަސަރުކޮށް އިކޯސިސްޓަމަށްވެސް ވަރަށް ބޮޑު ނޭދެވޭ އަސަރުތަކެއް ކުރެއެވެ. ބިން ހިއްކުމުގެ ސަބަބުން މާހައުލުގައި ދިރިއުޅޭ ޖަނަވާރުތަކާއި ދިރޭތަކެއްޗަށް މީގެ ސަބަބުން އަސަރުކުރެއެވެ.

advertisement

ބިން ހިއްކުމުގެ ސަބަބުން ޤުދުތަރީ މާހައުލަށް އަސަރުކޮށް ރަށް ގިރުމަށްވެސް މަގުފަހިވެގެންދާކަމެކެވެ. މީގެ ސަބަބުން ކޮންމެވެސް އެހެން ގޮތަކުން އަނެއްކާވެސް އޮންނަނީ ރަށްގިރުން ހުއްޓުވުމަށް މަސައްކަތްކުރަންޖެހިފައެވެ. އަދި މިއީ މަސްވެރިކަމަށްވެސް އަސަރުކުރުވާ ކަމެކެވެ. ރާއްޖެއަކީ ކަނޑު ރޯއްޖަށް ވަރަށް ބޮޑަށް ބަރޯސާވެފައިވާ ގައުމަކަށްވުމުގެ ސަބަބުން މީގެ ނޭދެވޭ އަސަރު ވަރަށް ބޮޑަށްވެސް ރާއްޖެއަށް ކުރާނެއެވެ.

ބިން ހިއްކުމުގެ ސަބަބުން ބިމަށް ފެން ހިނދުމުގައިވެސް މައްސަލަތައް ކުރިމަތިވެއެވެ. މީގެ ސަބަބުން ފެން ބޮޑުވުން ފަދަ ހާދިސާތައް އިތުރުވެގެންދެއެވެ. އަދި މިއީ ފެން ތަޢައްޔަރު ވުމަށްވެސް މަގުފައިވެގެންދާ ކަމެކެވެ.

ހޯދުންތަކުން ދައްކާގޮތުން ބިން ހިއްކުމުގެ ސަބަބުން އިންސާނުންނަށާއި ޖަނަވާރުންނަށް ލިބޭ ގެއްލުންތައް ގިނައެވެ. މިއީ ބިންހެލުންތައް ގިނަވުމަށްވެސް މަގުފަހިވެގެންދާކަމެކެވެ.

ބިން ހިއްކުމުގެ ބަދަލުގައި އޮތް އެހެން ހައްލެއް

ބިން ކުޑަވެ އާބާދީ އިތުރުވުމުގެ ސަބަބުން ބިން ހިއްކުމަކީ އެންމެ އެދެވިގެންވާ ގޮތް ނޫންކަމަށްވާއިރު ބިން ނުހިއްކާ މިކަމުގައި އޮތް ހައްލަކީ ކޮބައިތޯ ބަލާލަންޖެހެއެވެ. އެގޮތުން ފްލޯޓިން ސިޓީތައް އެޅިދާނެއެވެ. މިއީ މޫދުގައި ގެތައް އަޅައިގެން އޭގައި ދިރިއުޅުމެވެ. ރާއްޖެއިންވެސް މިހާރު ވަނީ ފްލޯޓިން ސިޓީތައް ތަރައްޤީކުރުމަށް ތައްޔާރުވެފައެވެ.

މި ފްލޯޓިން ސިޓީ ތަރައްޤީކުރަނީ މާލެ އަތޮޅު އާރަށް ކައިރީގައެވެ. މިތަން ތަރައްޤީކުރަނީ ނެދަލެންޑްސްގެ ޑަޗްލޮކްލޭންޑާ ކުންފުންޏާއެވެ. މަތީފަންތީގެ މިސިޓީއަކީ ކަނޑުގައި ތަރައްޤީކުރާ ތަނަކަށްވުމުން މިއާއެކު އެސަރަޙައްދުގެ ކަނޑުގެ ދިރުންތަކަށް ނޭދެވޭ އަސަރެއް ކޮށްފާނެތޯ ބެލުމަށް މިހާރު އަންނަނީ އީއައިއޭ ހެދުމުގެ މަސައްކަތް ކުރަމުންނެވެ.