ދުނިޔޭގެ ފިނިހޫނުމިން މައްޗަށްދާ ވަރު 1.5 ޑިގްރީ ސެލްސިއަސްގައި ހިފަހައްޓަން އެންމެ މުހިންމީ ރާއްޖެ އަށް!

އދ.ގެ އިންޓަގަވަމެންޓަލް ޕެނަލް އޮން ކްލައިމެޓް ޗޭންޖުގެ ވޯކިން ގުރޫޕް (އައިޕީސީސީ) އިން މިދިޔަ އޮގހަސްޓުމަހު ނެރުނު ރިޕޯޓުގައިވާ ގޮތުން 2030 ވަނަ އަހަރު އަންނަ އިރު, ދުނިޔޭގެ ފިނިހޫނުމިން 1.5 ޑިގްރީ ސެލްސިއަސްއަށް އިތުރުވާނެ އެވެ. މިއީ ކުރިން އަންދާޒާ ކުރި ވަރަށްވުރެ އަވަސް މުއްދަތެކެވެ.

މިކަމުގެ ސަބަބުން ރާއްޖެފަދަ ކުދި ޖަޒީރާ ގައުމުތަކަށް މިކަމުގެ ނުރައްކާ ބޮޑެވެ. އެހެން ކަމުން 1.5 ޑިގްރީ ސެލްސިއަސްގައި ދުނިޔޭގެ ފިނިހޫނުމިން ހިފަހައްޓަން އެންމެ މުހިންމުވާނީ ރާއްޖެ އަށް ކަމާމެދު ޝައްކެތް ނެތެވެ.ނިމިގެންދިޔަ ކޮޕް26 ސަމިޓުގައިވެސް އެންމެ ބޮޑަށް ދެކެވުނީ މިވާހަކަ އެކެވެ. އެ ސަމިޓު މުހިންމުވާ މައިގަނޑު އެއް ސަބަބކީވެސް މިއީ އެވެ. ރާއްޖޭގެ ރައީސުލްޖުމްހޫރިއްޔާ އދ. އާންމު މަޖިލީހުގައި ތަގުރީރު ކުރައްވަމުން އެންމެ ބޮޑަށް ކަންބޮޑުވުން ފާޅު ކުރެއްވީވެސް މިމައްސަލަިއގަ އެވެ.

advertisement

އެމަނިކުފާނު ވިދާޅުވީ އެއްވެސް ގައުމަކަށް ދިރި ދެމި އޮވެވޭނީ އެންމެން ގުޅިގެން ވެށި ހިމާޔަތް ކޮށްގެން ކަމަށެވެ. އަދި ކަނޑުގެ ލޮނުގަނޑުގެ އުފުލުން ހުއްޓުވިގެންނެވެ. މިދާ ސްޕީޑުގައި ދާނަމަ، 1.5 ޑިގްރީ އަކީ މިއަދު ރާއްޖެ ނެތިގެންދާ ޕޮއިންޓު ކަމަށް ވެދާނެކން އެމަނިކުފާނު ވަނީ ފާހަގަ ކުރައްވާ ކަންބޮޑުވުން ފާޅުކޮށްފަ އެވެ.

އައިޔޫއެފް އޭޝިއާ ޕެސިފިކް އިން ކުރި ޓުވީޓެއްގައި ބުނެފައިވަނީ މިހާރު ލިމިޓަށް އާދެވިއްޖެ ކަމަށެވެ. އެހެންކަމުން މިއީ ހަމައެކަނި ހުއްޓުވަންވީ ވަގުތު ކަމަށާއި ސިއްހަތު ރައްކާތެރިކުރުމަށާއި، މޫސުމަށް އަންނަ ކާރިސާއަކުން ސަލާމަތްވުމަށްޓަކައި، ކާބޯތަކެތީގެ ނިޒާމުތައް، އަސާސީ ގޮތުން ބަދަލުކުރަން ޖެހޭ ކަމަށެވެ.

ކާބޯތަކެއްޗާއި ނިއުޓްރިޝަންގެ ހައްގު ހިމާޔަތްކޮށް، ދުނިޔެއަށް ކުރިމަތިވެފައިވާ ސިއްހީ ކާރިޘާއަކުން ސަލާމަތްވުމަށާއި، ދުނިޔެ ދެމެހެއްޓުމަށްޓަކައި ރައްކާތެރި، ދެމެހެއްޓެނިވި ކާބޯތަކެތީގެ ނިޒާމުތައް ކުރިއެރުވުމަށް މަސައްކަތް ކުރަންޖެހޭ ކަމަށްވެސް ފާހަގަކޮށްފައިވެ އެވެ.