ވޭތުވެދިޔަ ދެ އަހަރުގައި ނޫސްވެރިންނަށް ބިރުދައްކާ މައްސަލައެއްގެ ތަހުގީގު ނިމި، އިންސާފު ލިބިފައެއް ނުވޭ!

ނޫސްވެރިކަމުގެ މިނިވަންކަމާއި، ނޫސްވެރިންގެ ސަލާމަތާއި ރައްކާތެރިކަމާއި، އަދަބު ނުދިނުމުގެ މައްސަލައާ މެދު ނޫސްވެރިން ވިސްނަންވީ ކޮން ކަމަކާ މެދުތޯ ސުވާލުކުރީމެވެ. އަދި އޮންލައިންކޮށް އަދި އޮފްލައިންކޮށް، އަނިޔާއާއި ވަކި ޖިންސަކަށް ވީތީ ކުރިމަތިވާ ނުރައްކާތަކާ މެދު އެކުދިންގެ އަމިއްލަ ތަޖުރިބާއާއި ބެހޭގޮތުން ވެސް ސުވާލުކުރީމެވެ.

މޯލްޑިވްސް ޖާނަލިސްޓް އެސޯސިއޭޝަންގެ އަނދާޒާގައި ވޭތުވެދިޔަ ދެ އަހަރުގެ ތެރޭގައި ނޫސްވެރިންނަށް ބިރުދައްކާ ފުރައްސާރަކުރުމުގެ އެއްވެސް މައްސަލައެއްގެ ތަހުގީގު ނިމި، ކުށްކުރާ މީހުން އިންސާފުގެ ކުރިމައްޗަށް ގެނެވިފައެއް ނުވެއެވެ. ހިޔާލު ފާޅުކުރުމުގެ މިނިވަންކަމަށް ހުރަސްއެޅުމަކީ ކޮންމެ ދިވެއްސެއްވެސް އަދި ޑިމޮކްރަސީއަށާއި ފަރުދީ މިނިވަންކަމަށް ލޯބިކުރާ ކޮންމެ މީހަކުވެސް ކަންބޮޑުވާންޖެހޭނެ ކަމެކެވެ.

advertisement

ނޫސްވެރިން ބުނީ މި ސަރުކާރުގައި ކޮންމެވެސް ވަރެއްގެ ރައްކާތެރިކަމެއް އިހުސާސް ކުރެވުނު ނަމަވެސް، ސަރުކާރުގެ އޮފީސްތަކާއި ސަރުކާރު ހިއްސާވާ ކުންފުނިތަކުގެ ޕަބްލިކް އޮފިޝަލުންނާއި، ހާއްސަކޮށް ސިޔާސީ މަގާމުތަކުގައި ތިއްބަވާ ބޭފުޅުންގެ ފަރާތުން އަދިވެސް އިންޒާރުތައް ލިބެމުންދާ ކަމަށެވެ. ނޫސްވެރިޔަކު ބުނީ 2018 ވަނަ އަހަރުގެ ކުރިން އަބަދުވެސް ބިރު ހީވެފައި އޮތީ ނޫސްވެރިންނަށް އެއްޗެއް ލިޔުމަށް ޓަކައި އެމީހުންގެ ފުރާނައަށް ނުވަތަ ވަޒީފާ އަދާކުރާ ތަނަކަށް ސީދާ ގޮތުން އިންޒާރުތައް ލިބިދާނެ ތީ ކަމަށެވެ. އެކަން މިހާރު ބަދަލުވެއްޖެ ކަމަށާއި އެކަމަކު ނޫސްވެރިންނަށް އަދިވެސް ސިޔާސީ މީހުންގެ ނުސީދާ ޕްރެޝަރު ވަރަށް ބޮޑު ކަމަށެވެ.

އެހެން ނޫސްވެރިޔަކު ބުނީ ނޫސްވެރިންނަށް ކުރިން ސީދާ ގޮތުންނާއި އޯވަރޯލްކޮށް ބިރުދެއްކުމާއި އިންޒާރުތައް އައި ނަމަވެސް މިހާރު، އެންމެ ބޮޑަށް ފަހަތުގައި މި އޮންނަނީ ފަރުދާގެ ފުރަގަހުގައި ހުރި ނުރައްކާތަކެވެ. އިތުރު ބިމު އަޑީގައި ޕްރެޝަރު ބޮޑު ކަމަށާއި އެމީހުން މިއުޗުއަލް ތާޑް ޕާޓީސް، އަކީ ގުޅުން އޮންނަ މީހަކު ކަމަށްބުނެ މިހެން ނުލިޔެދޭށޭ، މިހެން ނުލިޔާށޭ، މިހެން ކަންތައް ކޮށްފިނަމަ، ތިމަންނަމެން ކަލޭމެންގެ ފަންޑިން ކަނޑާލާނެ ކަމަށްބުނެ ދޭ އިންޒާރު ކަމަށެވެ. މި ނުސީދާ ޕްރެޝަރުތައް އަންނަނީ ސަރުކާރުގެ ތެރެއިން ކަމަށާއި ސަރުކާރުގެ އޮފީސްތަކުގައި ތިބި މީހުންނާއި، ސަރުކާރު ހިއްސާވާ ކުންފުނިތަކާއި، ސިޔާސީ ކަނެކްޝަން މެދުވެރިކޮށް އައްޔަންކުރާ މީހުން ކަމަށްވެސް ބުންޏެވެ.

ނޫސްވެރިންނަށް ދިމާވާ ގޮންޖެހުންތަކަށް ބަލާލާނަމެވެ.

ރައްކާތެރިކަން ނެތުން!
ނޫސްވެރިންގެ ސަލާމަތާއި ރައްކާތެރިކަމަކީ ރާއްޖޭގައި އޮތް މައްސަލައެއްތޯ ނޫސްވެރިޔަކު ސުވާލު ކުރުމުން، ނޫސްވެރިންގެ ބޮޑު އައުލަބިއްޔަތެއް ގާތްގަނޑަކަށް 79 ޕަސަންޓު މީހުން ދެކޭ ގޮތުގައި ރައްކާތެރިކަން ނެތުމަކީ ވަރަށް ބޮޑު މައްސަލައެކެވެ. ހަމައެކަނި 21 ޕަސެންޓް މީހުން ހީކުރަނީ ރައްކާތެރިކަން ނެތުމަކީ އެއްވެސް މައްސަލައެއް ނުވަތަ ކުޑަ މައްސަލައެއް ނޫން ކަމަށެވެ.

އަދަބު ނުދިނުން!
ނޫސްވެރިންގެ 83 ޕަސަންޓު މީހުން ދެކޭ ގޮތުގައި ނޫސްވެރިންނާ ދެކޮޅަށް ހިންގާ ޖަރީމާތަކަށް އަދަބު ނުލިބުމަކީ ގައުމުގައި އޮތް ވަރަށް ބޮޑު މައްސަލައެކެވެ. ހަމައެކަނި 17 ޕަސެންޓް މީހުން ހީކުރަނީ އަދަބު ނުދިނުމަކީ އެއްވެސް މައްސަލައެއް ނުވަތަ ކުޑަ މައްސަލައެއް ނޫން ކަމަށެވެ.

ސަރުކާރުގެ ފެއިލްވުންތައް!
ނޫސްވެރިންގެ ސަލާމަތާއި ރައްކާތެރިކަން ކަށަވަރުކުރުމަށް ސަރުކާރުން ކުރާ މަސައްކަތްތަކަށް ރޭޓް ކުރަނީ ކިހިނެއްތޯ ނޫސްވެރިން ސުވާލުކުރީމެވެ. މި ނަތީޖާއިން ދައްކާ ގޮތުގައި ސަރުކާރުން ކުރާ މަސައްކަތާ މެދު ގިނަ ނޫސްވެރިން (69 ޕަސަންޓް) ހިތްހަމަ ނުޖެހެ އެވެ. ހަމައެކަނި 30 ޕަސެންޓް މީހުންނަށް ހީވެފައި އޮންނަނީ، ސަރުކާރުން އެމީހުންނަށް ހިމާޔަތް ދިނުމުގެ ރަނގަޅު މަސައްކަތެއް އެބަ ކުރެ އެވެ.

ސަރުކާރުން އަދަބު!
ނޫސްވެރިންނާ ދެކޮޅަށް ހިންގާ ޖަރީމާތަކަށް އިންސާފު ހޯދައިދިނުމަށް ސަރުކާރުން ކުރާ މަސައްކަތާ މެދު ގިނަ ނޫސްވެރިން (74 ޕަސަންޓް) ހިތްހަމަނުޖެހެ އެވެ. 26 އިންސައްތަ މީހުން ގަބޫލުކުރާ ގޮތުގައި ސަރުކާރުން ދަނީ ވަރަށް ރަނގަޅު މަސައްކަތެއް ކުރަމުންނެވެ.