މޫސުމީ ބަދަލުތަކާއި އަންހެނުން ބާރުވެރިކުރުން

ފިރިހެނުން ޑިޒައިންކޮށްފައިވާ ގޮތަށް ދުނިޔެ ވަނީ ވަރަށް ގިނަ ކަންކަން ހަލާކުކޮށްލާފަ އެވެ. ކޮޕް26 ގެ މަންދޫބުންނަށް އަންގާފައި ވަނީ، އަންހެނުން ބާރުވެރި ނުކޮށް މޫސުމީ ކާރިސާ އަށް ނިމުމެއް ނުގެނެވިދާނެ ކަމުގެ އިންޒާރު ލީޑަރުންނާއި ކެމްޕޭން ކުރާ ފަރާތްތަކުން ދީފައި ވާތީ އެވެ.

ދުނިޔޭގެ އެކި ކަންކޮޅުތަކުގައި އަންހެނުންނާއި އަންހެން ކުދިންނަކީ، އެވްރެޖްކޮށް ފަގީރު، ތައުލީމީ ގޮތުން ދަށް އަދި ސަބްސިޑަރީ ދަނޑުވެރިކަމަށް ބަރޯސާވާ ބަޔަކަށްވާތީ، މޫސުމަށް އަންނަ ބަދަލުތަކުގެ ސަބަބުން ލިބޭ ގެއްލުންތަކުގެ ސަބަބުން، އަންހެނުންނާއި އަންހެން ކުދިންނަށް އާދަޔާ ހިލާފަށް ގެއްލުން ލިބެ އެވެ.

advertisement

މޫސުމީ ކުއްލި ހާލަތުގެ ސަބަބުން ގެދޮރު ގެއްލުނު މީހުންގެ %80 އަކީ އަންހެނުންކަމަށް އދގެ ރިޕޯޓަކުން ވަނީ ފެނިފައެވެ.

އަންގާރަ ދުވަހު މިންތީގެ ހަމަހަމަކަމަށް ފޯކަސް ކުރި ސްކޮޓްލެންޑްގެ ފުރަތަމަ ވަޒީރު ނިކޮލާ ސްޓަރޖަން އާއި އެމެރިކާގެ ހައުސް އޮފް ރެޕްރެޒެންޓޭޓިވްސްގެ ސްޕީކާ ނެންސީ ޕެލޯސީ ހިމެނޭ ގޮތަށް އެގައުމުގެ އަންހެނުންނާއި ސިޔާސީ ފަރާތްތަކުން ވަނީ އިންވެސްޓްމަންޓް އިތުރުކުރުމަށް ޑިމާންޑްކޮށްފައެވެ.

ބޮލީވިއާގެ ޕްލުރިނެޝަނަލް އޮތޯރިޓީ ފޯ މަދާ އާތްގެ އެގްޒެކެޓިވް ޑިރެކްޓަރު އެންޖެލިކާ ޕޮންސީ ވިދާޅުވީ” ފިރިހެނުން ޑިޒައިންކޮށްފައިވާ ގޮތަށް ދުނިޔެ ވަނީ ވަރަށް ގިނަ ކަންތައްތަކެއް ހަލާކުކޮށްލާފައި ކަމަށެވެ. އަންހެނުން ފަދައިން ދުނިޔެ ވެސް ވިސްނަން ފަށާށެވެ. އަންހެނަކު ޑިޒައިންކުރި ނަމަ އަންހެނުންނާއި ކުޑަކުދިންނަށް ކުރާ އަނިޔާ އަށް ނިމުމެއް އަންނާނެ އެވެ.

“އަޅުގަނޑުމެން ބޭނުންވަނީ ބާރުގެ ކޮރިޑޯތަކުގައި އޮންނަން، ކްލައިމެޓް ޖަސްޓިސްގެ މި ޖިހާދު ނިމުމަކަށް ގެނައުމަށް ބައިނަލްއަގުވާމީ ފެންވަރުގައި ނިންމާ ނިންމުންތަކުގައި ބައިވެރިވާން،” އޭނާ ވިދާޅުވި އެވެ.

އަންހެނުންގެ ހައިސިއްޔަތުން، ބިމުގައި މޫސުމަށް އަންނަ ބަދަލުތަކުގެ އަނިޔާވެރި ހަގީގަތް ދުވަހުން ދުވަހަށް ދިރިއުޅެމުން މިދަނީ ފެންނަމުން ކަމަށްވެސް ވިދާޅުވި އެވެ.

ދުނިޔޭގެ ލީޑަރުން މިދިޔަ ހަފްތާގައި މިތަނަށް އެއްވިއިރު، 120 ނުވަތަ އެއަށްވުރެ ވެސް މަދު މީސްކޮޅަކީ އަންހެނުން ކަަމަށާއި އެއީ ބަދަލުވާން ޖެހޭ ކަމެއް ކަމަށްވެސް ވިދާޅުވި އެވެ.

އެކަން އަވަސް އަވަހަށް ބަދަލުވާން ޖެހޭ ކަމަށާއި، މޫސުމަށް އަންނަ ބަދަލުތަކަކީ، ފެމިނިސްޓް މައްސަލައަކަށް ކަށަވަރުކޮށްދޭން ޖެހޭ ކަމަށްވެސް ވިދާޅުވި އެވެ. އެކަމަކު އަންހެނުންނަކީ ސަޕޯޓް ކުރާ ބައެއް ނޫން ކަމަށާި އެމީހުން ޑިމާންޑް ކުރަނީ ބާރުވެރި ވާން ކަމަށްވެސް ސްޓާޖަން ވިދާޅުވެފަ އެވެ.

އިނގިރޭސިވިލާތުގެ މިނިސްޓަރު އަދި ކޮޕް26 ގެ ރައީސް އަލޫކް ޝަރްމާ ވިދާޅުވީ، މޫސުމަށް އަންނަ ބަދަލުތަކާ ދެކޮޅަށް ކުރާ މަސައްކަތުން އެނގޭ ގޮތުގައި، އެ މަސައްކަތްތަކުގެ މައި ބަދަކަމުގައިވާ އަންހެނުންނާއި އަންހެން ކުދިން އިސްކުރާއިރު، އެމަސައްކަތް މިހާރަށްވުރެ ހަރުދަނާގޮތެއްގައި ކުރެވޭ ކަމށެވެ.