ދިވެހި ރާއްޖެ ޤާނޫނުގައި އަންހެނުންގެ ހައްޤުތައް: އެހާރާއި މިހާރު

އެންމެ ފުރަތަމަ އަންހެނުންގެ ހައްގުތައް ރައްކާތެރި ކުރުމާ ބެހޭ ގާނޫނެއް އުފެދުނީ 1934 ވަނަ އަހަރު އެވެ. އޭރު އެކުލަވާލެވުނު ރާއްޖޭގެ ފުރަތަމަ ގާނޫނު އަސާސީގައި އަންހެނުންނަށް އެންމެ މަތީ އެގްޒެކެޓިވް މަގާމުގައި ނުހުރެވޭނެ އެވެ. އަދި އުއްތަމަ ފަނޑިޔާރުގެ މަގާމާއި ރައްޔިތުންގެ މަޖިލީހުގެ މެންބަރަކަށް ވުމާއި އަންހެނުންނަށް ވޯޓުލުމުގެ ހައްގުވެސް އެގާނޫނުގައި ވަނީ މަނާކޮށްފަ އެވެ.

އޭގެ އިތުރުންވެސް މި ގާނޫނުގައި ބިދޭސީ މީހުނާއި އިނދެގެން ދިވެހި އަންހެނުންނަށް އުފަންވާ “ޑިފޯލްޓް ސިޓިޒަންޝިޕް” ކުދިންނަށްވެސް މިހުރިހާ ކަމެއް ވަނީ މަނާކޮށްފ އެވެ. ނަމަވެސް ބޭރު މީހުންނާ ކައިވެނިކޮށްގެން އުޅޭ ދިވެހި ފިރިހެނުންނަށް މިއިން އެއްވެސް ކަމެއް ގާނޫނަކުން މަނައެއް ނުކުރެ އެވެ.

advertisement

މި ގާނޫނަކީ އަންހެނުންނާއި ފިރިހެނުންނަށް މިންތީގެ ހަމަހަމަ ކަމާއި އެތަކެއް ހައްގު ގެއްލެމުންދާތީވެ، ވޭތުވެދިޔަ އަހަރުތަކުގައި ދިވެހި ސަރުކާރުން ވަނީ އަންހެނުންގެ ހައްގުތައް ކުރިއެރުވުމަށް ޓަކައި ދައުލަތުގެ އިސްނެގުމާއެކު މުއައްސަސާތައް ތަރައްގީކޮށް ހަރުދަނާކޮށްފައެވެ.

އެގޮތުން 1979 ވަނަ އަހަރު މާލޭ ޑިސްޓްރިކްޓް ލެވެލްގައި އަންހެނުންގެ ކޮމިޓީތައް އެކުލަވާލެވުނެވެ އަދި 1984 ވަނަ އަހަރު ރަށު ފެންވަރުގައި އަންހެނުންގެ ކޮމިޓީތައް އެކުލަވާލެވުނެވެ. އޭގެ ފަހުން 1986 ވަނަ އަހަރު ރައީސުލްޖުމްހޫރިއްޔާގެ އޮފީހުގެ ދަށުން އަންހެނުންގެ ކޮމިޓީތައް އަންހެނުންގެ އެފެއާސް އަށް ބަދަލުކުރެވުނެވެ.

އަދި 1989 ވަނަ އަހަރު އޮފީސް އޮފް ވިމެންސް އެފެއާޒް، ޑިޕާޓްމަންޓް އޮފް ވިމެންސް އެފެއާޒަށް ބަދަލު ކުރެވުނެވެ. އޭގެ ފަހުންވެސް އެކި އެކި ނަންތަކަށާއި އެކި ޑިޕާޓްމެންޓުތަކުގެ ދަށަށް ބަދަލު ކުރެވި 2019 ވަނަ އަހަރު ވަނީ ފުރަތަމަ ފަހަރަށް ޖިންސުގެ މައްސަލަތަކާ މެދު މަޝްވަރާކުރުމަށް މަޖިލީހުގެ ވަކި ކޮމިޓީއެއް ވަނީ އެކުލަވާލާފަ އެވެ.

މިހާރު މިންތީގެ ހަމަހަމަކަން ގާއިމުކޮށް ވޯޓުލުމުގެ ހައްގާއި ބޮޑެތި މަގާމުތަކަށް އަންހެނުންނަށް ކުރިމަތިލެވޭނެ ގޮތަށް ގާނޫނު ވަނީ އިސްލާހުކޮށް މުޅިން ބަދަލު ކޮށްފަ އެވެ. ރާއްޖޭގެ ނިސްބަތުން ބަލާނަމަ ބޮޑެތި މަގާމުތަކާއި މަޖިލިސް މެމްބަރުންގެ ގޮތުގައި އަންހެނުން ހަރަކާތްތެރިވާ މިންވަރު މަދެއް ނޫނެވެ.