ބިރުދެއްކުމުގެ ކޭސްތަކުގެ ބޮޑުބަޔަކީ މަރުގެ އިންޒާރު

ފުލުހުންގެ އިދާރާއަށް މިދިޔަ އަހަރު ހުށަހެޅި މައްސަލަ ތަކުގެ ތެރެއިން އެންމެ ގިނަ މައްސަލަތަކަކީ ބިރުދެއްކުމާއި މަރުގެ އިންޒާރު ދިނުމުގެ މައްސަލަތައް ކަމަށް ފުލުހުންގެ އަހަރީ ރިޕޯޓުން ދައްކައިފި އެވެ.

ފުލުހުން އާންމުކޮށްފައިވާ މި ރިޕޯޓުގެ ތަފާސްހިސާބުތަކަށް ބަލާއިރު މިދިޔަ އަހަރު ކުއާރޓަރ 4ގައި ބިރު ދެއްކުމާއި މަރުގެ އިންޒާރުދިން 47 މައްސަލައެއް ވަނީ ހުށަހަޅާފަ އެވެ. އެސްއެމްއެސްގެ ޒަރިއްޔާއިން ބިރުދެއްކި ހަތަރު މައްސަލައަކާއި އިންޓަނެޓުގެ ޒަރިއްޔާއިން ބިރު ދެއްކި ދެ މައްސަލައަކާއި ހަތިޔާރު ބޭނުންކޮށްގެން ބިރުދެއްކުމުގެ ހަތަރު މައްސަލައަކާއި މުދަލަށް ނުރައްކާކުރުމުގެ ތިން މައްސަލައެއްގެ އިތުރުން ސެކްޝުއަލީ ބްލެކްމެއިލް ކުރުމުގެ 32 މައްސަލައެއް މިދިޔަ އަހަރު އެ އިދާރާއަށް ވަނީ ހުށަހަޅާފަ އެވެ.

advertisement

މީގެ ތެރެއިން އަށް މައްސަލައެއް ދައުވާ ކުރުމަށް ޕްރޮސެކިއުޓާ ޖެނެރަލްގެ އޮފީހަށް ފޮނުވާފައިވާއިރު މި މައްސަލަތަކާއި ގުޅިގެން 19 މީހަކު ހައްޔަރު ކޮށްފައިވާ ކަމަށް ފުލހުން ބުންޏެވެ.

މަރުގެ އިންޒާރު ދިނުމާއި ކިޑްނެޕް ކުރުމާއި ވައްކަމާއި ފޭރުން މިހާރު ރާއްޖޭގައި އާންމުވެފައިވާއިރު މިކަން ހުއްޓުވޭނެ އެއްވެސް ގޮތެއް ނެތެވެ. ދާދި ފަހުން އުމުރުން 13 އަހަރުގެ ކުއްޖަކު ރަހީނުކުރުމަށްފަހު މަރަލާފައި މޫދަށް އެއްލާލާފައި އޮއްވާ ވަނީ ފެނިފަ އެވެ.