ހާސްވެ ޕެނިކް އެޓޭކް ޖެހޭ މީހަކަށް އެހީ ވާނީ ކިހިނެއް؟

ޕެނިކް ޑިސްއޯޑާ ނެތް މީހުންނަށް ވެސް ޕެނިކް އެޓޭކް ޖެހިދާނެ އެވެ. ޖުމްލަގޮތެއްގައި، ކޮންމެ ފަސް މީހަކުން އެކަކަށްވުރެ ގިނަ މީހުންނަށް އެމީހުންގެ ހަޔާތުގައި ޕެނިކް އެޓޭކެއް ދިމާވެއެވެ. މީހަކަށް ތަޖުރިބާ ކުރަން ފެނިއްޖެނަމަ ކަންތައް ކުރަންވީ ގޮތް އެނގޭ ހެއްޔެވެ؟

ޕެނިކް އެޓޭކެއް ޖެހިފައިވާ ކަން ބުނެދޭނީ ކިހިނެއް؟

advertisement

ޕެނިކް އެޓޭކެއް ޖެހިފައިވާ މީހަކަށް އެހީވުމުގެ ކުރިން، އެއީ އެ މީހަކު ތަޖުރިބާ ކުރަމުން އަންނަ ބިރުވެރިކަމެއް ނުވަތަ ކަންބޮޑުވުމެއްގެ ސަބަބުން ނުވަތަ ޖިސްމާނީ މާނައެއް ދޭހަވާ ކަމެއް ތޯ ދެނެގަންނަން ޖެހެ އެވެ. ޕެނިކު އެޓޭކެއް ޖެހިއްޖެ ނަމަ މި އަލާމާތްތަށް އެމީހެއްގެ ކިބައިން ފެނުން އެކަށިގެންވެ އެވެ.

އެގޮތުން ތުރުތުރުލުން، ދާހިތްލުން، އައްސިވުން، ބޯއެނބުރުން، ހިތުގެ ވިންދު އަވަސް ވުން، މެޔަށް ތަދުވުން، ބަނޑަށް އުދަނގޫވުން، ނޭވާ ކުރުވުން، މޮޔަވެދާނެ ކަމަށް ނުވަތަ މަރުވެދާނެ ކަމަށް ބިރުގަތުން، ފިނިވުން ނުވަތަ އާދަޔާ ހިލާފަށް ހޫނުވުން ފަދަ އަލާމާތްތަށް ފެންނާނެ އެވެ.

މި އަލާމާތްތަކަކީ ދަންނަ އަލާމާތްތަކެއް ކަމަށް ބަލާށެވެ. އެއީ ވެސް ހިތުގެ ނުތަނަވަސްކަމުގެ ނިޝާންތަކެކެވެ. އަދި މިއީ މީހަކަށް ޕެނިކް އެޓޭކެއް ނުވަތަ ހާޓް އެޓޭކެއް ޖެހޭތޯ ދެނެގަންނަން އުނދަގޫ އަލާމާތްތަކެކެވެ. އެހެން ކަމުން އެންމެ ރަނގަޅު ގޮތަކީ ކުރިން މީހާގެ ގައިން ޕެނިކް އެޓޭކެއް ޖެހިފައިވޭތޯ ސުވާލުކުރުމެވެ. އަދި އެވަރުން ވެސް ޖަވާބު ނުލިބޭ ނަމަ އެމަޖެންސީ އަށް ގުޅައި ފިޒިކަލް ފަސްޓް އެއިޑް ޕްރޮޓޮކޯލް އަށް އަމަލު ކުރާށެވެ. މީހާގެ ހޭވެރިކަން ގެއްލިއްޖެ ނަމަ އެމްބިއުލާންސަށް ގުޅައި، ނޭވާލުމާއި ނާރުތައް ޗެކްކޮށް ފިޒިކަލް ފަސްޓް އެއިޑްގެ އުސޫލުތައް އެޕްލައި ކުރާށެވެ.

މީހަކަށް ޕެނިކް އެޓޭކެއް ޖެހިދާނެ ކަމަށް ޝައްކު ކުރެވޭ ނަމަ މެންޓަލް ހެލްތު ފަސްޓް އެއިޑް ދަސްކޮށްދެނީ އޭއެލްޖީއީ އެކްޝަން ސްޓެޕްތަކަށް އަމަލު ކުރުމަށެވެ. އެގޮތުން:

ގެއްލުމެއް ލިބިދާނެ ކަމުގެ ބިރު އޮތް މިންވަރު ވަޒަންކުރުން:
އެއީ ކުރިން ހިނގާފައިވާ ކަމެއްތޯ އާއި މިހާރު އެ މީހުންނަށް ހީވަނީ އެ އެއްޗެތި ހުރިހެންތޯ ސުވާލުކުރާށެވެ. އެއީ އެމީހުންނަށް އެނގިގެން ކުރާ ކަމެއް ނަމަ އަދި އެއީ ޝައްކު ކުރެވޭ ކަމެއް ނަމަ އެހީއަށް އެދޭނީ ތޯ ސުވާލު ކުރާށެވެ. އެހެން ވެއްޖެ ނަމަ އަމިއްލަ އަށް ތައާރަފުވާށެވެ (އެއީ ނުދަންނަ މީހެއް ނަމަ) އެވެ.

އަމިއްލައަށް ގޮތް ނުނިންމުން:
ސީދާ އެބައިމީހުން ހީކުރާ ގޮތަކީ ކޮބައިތޯ ސުވާލުކޮށްލާށެވެ.(މިސާލަކަށް ތޮއްޖެހިފައިވާ ސަރަޙައްދަކުން ދުރަށް
ދިއުން ނުވަތަ އިށީނދެގެން) އެވެ. އެމީހުންނަށް އެންމެ ރަނގަޅު ގޮތަކީ ކޮބައިކަން އެނގޭ ކަމަށް ހީނުކުރާށެވެ.

ޔަގީންކަމާއި މައުލޫމާތު ދިނުން:
ހަމަހިމޭންވެ، އެންމެ ބޮޑަށް ޕެނިކް އެޓޭކެއް ތަޖުރިބާ ކުރަން ޖެހިފައިވާ މީހާ އަށް ޔަގީންކަން ދީ، އެއީ ނުރައްކާތެރި ކަމެއް ނޫންކަން ޔަގީން ކޮށްދޭށެވެ. އެމީހުންނަށް އިހުސާސް ކުރެވޭ ކަންތައްތަކަކީ ބިރުވެރި އިހުސާސްތަކަކަށް ވާއިރު، އަލާމާތްތައް ފާސްވާނެ ކަން ބަޔާން ކޮށްދޭށެވެ. ތިޔަ ވާހަކަ ދައްކާއިރު، ކުރުކޮށް ސާފުކޮށް ހަރުދަނާ ބަހުން ވާހަކަ ދައްކާށެވެ.

އެކަށީގެންވާ ޕްރޮފެޝަނަލް އެހީއަށް ހިތްވަރުދިނުން:
ޕެނިކް އެޓޭކް ނިމުމުން، ޕެނިކް އެޓޭކްއާއި ގުޅުންހުރި މައުލޫމާތު އެމީހަކަށް ނޭނގޭނަމަ ނުވަތަ ކަމާ ގުޅޭ ވަސީލަތްތައް ހޯދާނެ ތަނެއް ނޭނގޭނަމަ އެ މައުލޫމާތެއް ދޭށެވެ. ކަންބޮޑުވާ ނަމަ ޕެނިކް އެޓޭކްތަކަށް އިފެކްޓިވް ޓްރީޓްމަންޓްތަކެއް ހުރި ކަމާއި އެ މީހުންނަށް އެހީ ލިބެން ހުރިކަން ބަޔާންކުރާށެވެ.

ސެލްފް ހެލްޕް އަދި އެހެނިހެން ސަޕޯޓް ސްޓްރެޓެޖީތަކަށް ހިތްވަރުދިނުން:
އާއިލާ، ރަހުމަތްތެރިން ނުވަތަ އެމީހަކު ނިސްބަތްވާ އެއްވެސް މުޖުތަމައެއް ފަދަ އެހެން ސަޕޯޓް ސޯސްތަކަށް ޓެޕް ކުރުމަށް މީހާއަށް ހިތްވަރު ދޭށެވެ. ޕެނިކް އެޓޭކް ވެސް ތަޖުރިބާ ކުރާ މީހުންގެ ސަޕޯޓް ގްރޫޕްތަކަކީ ވެސް ބޭނުންތެރި ގްރޫޕްތަކަކަށް ވެދާނެ އެވެ.