ހަކުރު ބަލީގެ އަލާމާތްތައް ދެނެގަނޭ

ހަކުރު ބައްޔަކީ މިހާރު އަހަރެމެންގެ ތެރޭގައި ވަރަށް ގިނަ މީހުން ތަހައްމަލްކުރަމުންދާ ބައްޔެކެވެ. ޙާއްސަކޮށް އުމުރުން ދުވަސްމީ މީހުން ހަކުރު ބަލި ތަހައްމަލްކުރާ މިންވަރު އިތުރެވެ. ހަކުރު ބައްޔަކީ އެ ބަލި ޖެހިފައިވާ މީހުން ވަރަށް ބޮޑަސްވެސް ވިސްނަންޖެހޭ ކަމެކެވެ. އެގޮތުން ކާއެއްޗިއްސާއި ދިރިއުޅުމުގެ ވައްޓަފާޅިއަށްވެސް ވަރަށް ބޮޑަށް ހަކުރު ބަލި ޖެހިފައިވާ މީހުން ސަމާލުކަންދޭންޖެހެއެވެ.

ހަކުރު ބަލި ހުންނަ ނަމަ ފެންނާނެ އާލަތްމަތްތަކުގެ ތެރޭގައި ގިނަގިނައިން ކުޑަކަމު ދެވުން ހިމެނެއެވެ. މިއީ ހަށިގަނޑުގައި ހަކުރު ހުންނަ މިންވަރު ކޮންޓްރޯލް ކުރާ ހޯމޯން ކަމަށްވާ އިންސިއުލިން ހަކުރު ބަލި ހުންނަ މީހުންގެ ހަށިގަނޑުގައި ނުއުފެދޭތީއެވެ. ނުވަތަ އެ ހޯމޯން އުފެއްދި ނަމަވެސް ރަނގަޅަށް މަސައްކަތް ނުކުރާތީއެވެ.

advertisement

އެހެންކަމުން ލޭގައި ހަކުރު ހުންނަ މިންވަރު އިތުރުވާ ވަރަކަށް، އެ ހަކުރު “ފުރޭނުމަށްޓަކައި” ހަށިގަނޑުން ކިޑްނީއަށް ލޭ ފޮނުވާ މިންވަރު އިތުރުވެ، ކިޑްނީން ކުޑަކަމުދާ ނަޖިސް އުފައްދާ މިންވަރުވެސް އިތުރުވެއެވެ. އަދި މީހާ ގިނަގިނައިން ފާހާނާއަށް ދާން ޖެހެއެވެ.

ގިނަގިނައިން ކުޑަކަމު ދިޔުމުގެ ސަބަބުން ހަކުރު ބަލި ހުންނަ މީހުން އަވަހަށް ބަނޑުހައި ވާނެއެވެ. ބަނޑުހައިވި ވަރަކަށް އަނގަ ތެރޭގައި ދުވާ ވަހަށް ބަދަލުތައް އާދެއެވެ. ރިސާޗް ތަކުން ބުނާ ގޮތުން ޑައިބެޓިސް ހުންނަނަމަ އަނގައިން ދުވާ ވަސް ނުބައިވާނެއެވެ. އަދި ލޭގެ ހަކުރު ލެވެލް މައްޗަށް ދާނަމަ، އިންފެކްޝަން އުފެދި ހަށިގަނޑުގެ އެކި ގުނަވަންތަކަށް ނޭދެވޭ އަސަރު ފޯރާނެއެވެ.

ހަކުރު ބަލި ހުންނަ އަންހެނުން ލޮލަށް ފެންނަގޮތް ނުސާފުވުމަކީ އާއްމުގޮތެއްގައި ދިމާވާކަމެކެވެ.  ސަބަބަކީ ހަކުރު މައްޗަށް ދިޔަ ވަރަކަށް ލޮލުގެ ލެންސަށް ލިކުއިޑް އެތެރެވާތިއެވެ. އެހެންކަމުން ގުލްކޯޒް ހަށިގަނޑަށް އިތުރުކުރަން ޖެހޭނެއެވެ. މީގެ އިތުރުން، އަތް ނުވަތަ ފައި އައްސިވުމަކީ ޑައިބެޓިސްގެ އަލާމާތެކެވެ. މިކަން މިގޮތަށް ވަނީ ހަށިގަނޑުގެ ބައެއް ގުނަވަންތަކަށް ދައުރުވާން ޖެހޭ ވަރަށް ލޭ ދައުރު ނުވާތީއެވެ.

ޑައިބެޓިސްގެ އަލާމަތްތަކުގެ ތެރޭގައި ގިނަގިނައިން ގައިކެހުން ހިމެނެއެވެ. ދިރާސާތަކުން ތަކުން ބުނާގޮތުން ކަރު ދޮށުގައި ކަޅު ކުލައިގެ ބިހިތަކެއް ނުވަތަ ޑޮޓްތަކެއް ހުރުމަކީވެސް ޑައިބެޓިސްގެ އަލާމާތެކެވެ.